مهم لطلاب/طالبات التعليم عن بعد....شهادة انتظام أو تعليم عن بعد

[غرآآآم]

السلام عليكم
انا برأييي ياخواني نوقف وقفه وحده قدام المسؤولين ونفهمهم اننا فاهمين الشغله وواعين على هذي النقطه
انا مستعده اني اكوّن مجموعه كبيره من البنات ونطالب بهالشي وبرضو يكون من طرفكم ك طلاب تطالبون بنفس الكلام ونتوجه اول شي لكل الحسابات الرسميه ان كان على التويتر او الفيس بوك ونسأل ونطالب عميد القبول والتسجيل او الدكتور خالد محمد لهم حساباتهم وبعد ماننسى نراسل المشرفين الي علينا هذا اقل شي نبدأ فيه
واذا مالقينا اي رد نتوجه الى مكاتب المدراء

[Aaesb]

الاخ المحترم ماليزي

ماشاء الله عليك

انت ومن معك لاتحضرني اسمائهم لكم الفضل بعد الله في كشف تلاعب عمادة التعليم عن بعد وعدم وضوحها معنا (الطلاب) في مسألة اعتماد الشهادة في الخدمة المدنية


سبق وان كتبت رد في موضوع اعتماد الشهادة انه يجب علينا إخطار اكبر عدد من طلاب التعليم عن بعد عن هذه المشكلة وماذا يجب علينا فعله حيالها حتى لا تكون الجهود مبعثرة


الان انت وضعت النقاط على الحروف في هذا الموضوع واتضح بعد المقارنة ان نظام التعليم عن بعد في جامعة عبدالعزيز لاتختلف عن الجامعة الالكترونية فجزاك الله عنا كل خير

اتمنى فعلا ان تتوحد مطالب الطلاب جميعا في اعتماد مسمى تعليم عن بعد منتظم ويعامل الخريج مثل الطالب المنتظم

لانه كذا راح يختلف وضع طالب التعليم عن بعد 180 درجة لأني اكتشفت انه يتم معاملتي كـ طالب الانتساب داخل الجامعة وحتى المكتبة لا استطيع الاستفادة منها مثل الطالب المنتظم


--


الإيميس الان مانزلت فيه اسماء الطلاب لكن اول ماتنزل برسل رسالة لهذا الموضوع لجميع الطلاب...
ومثل ماتفضلت

يجب ان نتاكتف جميعا ونطالب بأن يكتب بشهاداتنا ((انتظام - منتظم)) أسوة بطلاب الجامعة الالكترونية

[هيوم الجزيرة]

الحين يا ماليزي واش تقصد بجامعة عزوز " عبدالعزيز بن فهد" ولا الملك عبدالعزيز طيب الله ثراه ..

[عليوه]

المشاركة الأصلية كتبت بواسطة هيوم الجزيرة الحين يا ماليزي واش تقصد بجامعة عزوز " عبدالعزيز بن فهد" ولا الملك عبدالعزيز طيب الله ثراه ..

يقصد عزوز الأول

[Xx-GodFather-xX]

الله يعطيك العافيه اخوي ماليزي
^_^
وما قصرت

بالنسبه للجامعة الالكترونيه انا توني مقفل السماعه منهم .. واستفسرت عن الحضور اللي مكتوب بنسبة ( 25% )

قال الحضور مقصود فيه الحضور الفعلي لمقرّ الجامعه .. يعني محاضرة وحده في الاسبوع انت ملزم تحضرها في مقر الجامعه ^_^ وباقي المحاضرات تحضرها عن طريق الفصول الافتراضيه *_^ وبرضو نسبة الحضور فيها ( 25% ) ..

..

يعني التقصير من جامعتنا طوّل الله عمرك *_^ .. لا حضور فعلي ولاهم يحزنون .. يبون الفكّه منّا ..

والنقطه الثانيه اللي هي مسمّى الشهادة .. الموظف قال الشهادة ما يجي فيها طاري التعليم عن بعد أبد .. باذن الله راح يكون مسمى الشهادة ( انتظام ) ..

والله جتني الصيحه يوم قالها .. وشكلي باذن الله بحول *_^

والنقطه الثالثه اللي هي عن السنه التحضيريه ما تتعدا السنه التحضيريه الا اذا جبت ( 5.5 ) في اختبار الايلتس ... أو 500 في التوفل .. او 83 في الستيب تيست ..

لأن مقررات التخصص كلها راح تكون باللغه الانجليزيه .. فواجب عليك تجيب درجه كويسه بالانجليزي عشان تقدر تكمل في التخصص ..

^_^

بصراحه انا اشوف انه من الظلم لو ساوونا في الجامعه الالكترونيه .. حاليا .. لانه فيه فرق شاسع بين الجامعتين ..

لكن بعد ما تطبق جامعتنا الانظمه .. والمطلوب منها ..

أنا من أول المطالبين بمساوتنا فيهم

^_^

اتمنى من طلاب جامعة الملك عبدالعزيز المقيمين في جده .. انهم يروحون للجامعه ويطالبون الجامعه بتطبيق لائحة التعليم عن بعد بحذافيرها .. حتى لو ان تطبيقها بيكون اصعب علينا من ناحية الحضور .. لكن اللي يبغى الدح ما يقول أح ..

انا ما عندي مانع احضر حضور فعلي بنسبة 25% اذا كانت شهادتي بينكتب فيها ( انتظام ) بس وفرو لنا مقر بالرياض .. مثل مالجامعة الالكترونيه مسويه .. موفره عدة مقرات في مدينة الرياض وجده والدمام والمدينة المنوره ..

..

على العموم حبيب قلبي ماليزي ما قصرت والله .. يكفي انك من هالمقارنه فتحت لي عيوني على الجامعه الالكترونيه

وباذن الله اذا ما ظبط وضع جامعتنا على الترم الجاي راح احول للجامعه الالكترونيه ..

أظمن لي وأقرب لي ويكفي ان دراستهم باللغه الانجليزيه .. يعني تتخرج معاك محاسبة ودرجة التوفل عندك يكون فوق الـ 500 والايلتس 5.5 ^_^ .. هذي بحد ذاتها انجاز .. ولو بتكمّل ماستر في جامعات امريكيه ما تحتاج سنة لغة .. لان معضم الجامعات الامريكيه قبولها يبدأ من ( 5 ) في الايلتس ..

ألف شكر لك اخوي مره ثانيه
والله يعطيك العافيه

[Aaesb]

لاهنت يالعراب

أثريت الموضوع بمشاركتك


عندي استفسار بخصوص نسبة الحضور
طبعا الجامعة لا تطبقها... لكن هل هي اساس المشكلة في عدم تصنيف الشهادة واعتمادها؟

--

اتمنى من المشرفين تثبيت الموضوع لعلها تصل الى المسؤوليين فبعضهم يتابع المنتدى

[Xx-GodFather-xX]

المشاركة الأصلية كتبت بواسطة aaesb لاهنت يالعراب أثريت الموضوع بمشاركتك

ولا انت يابعدي ..

الله يخليك ويرفع قدرك ..

..

المشاركة الأصلية كتبت بواسطة aaesb عندي استفسار بخصوص نسبة الحضور طبعا الجامعة لا تطبقها... لكن هل هي اساس المشكلة في عدم تصنيف الشهادة واعتمادها؟

لا اخوي بالنسبه للحضور الفعلي ماهو شرط من الشروط الأكاديميه لتقديم برامج التعليم عن بعد ..
بس انا اتوقع الجامعة الالكترونيه استغلو الحضور الفعلي عشان يقدرون يسمون الشهادة انتظام *_^ .. ولا فيه نصوص بالائحة تخالف اللي هم مطبقينه ^_^ ..

لكن بالنسبه لكلامي عن جامعتنا ومطالبتهم بتطبيق اللائحه ^_^ فيه شروط ما طبقوها الله يهديهم وهي ما تكلفهم شي ..

لو تلاحظ معي الفقرهـ الثانيه من الماده الحاديه عشر .. تقول :

( حصول أعضاء هيئة التدريس و الطلاب على التدريب و التهيئة اللآزمين لنمط التعليم عن بعد )

ومع احترامي للجميع الى الآن ما حصلت أحد أخذ دورة تأهيليه قبل ما يباشر دوامه في الجامعه ..
على عكس جامعة الامام .. اللي تقدم الدوره التأهيليه لجميع الطلاب وبشكل الزامي قبل بداية الترم الأول لأي طالب ..

...

والفقرة الخامسة من نفس المادة تقول :

( حضور الطالب لأداء الاختبارات الفصلية والنهائية للبرنامج وتوفّر آليات للتحقق وإثبات هوية الطالب عند ذلك )

وهذي برضو جامعتنا غاضّة الطرف عنها *_^ يعني مطبّقة نصف الفقره بس ههههههه

ولو تقرا اللائحه بتشوف فيه شروط كثيره ما ندري جامعتنا مطبقتها والا برضو تلعب على نفسها

بس ما نقول الا الله يصبرنا ويفرجها علينا

بصراحه ملينا من دوخة الراس .. نبغى مسؤول يطلع ويزبدها لنا .. عشان نعرف وش حنا عليه

لانه اذا كانت الشهادة ما تأهلنا للدراسات العليا وش نبي فيها ؟ خلاص حنا في عصر,, البكلوريوس ما يوكل عيش فيه ..

....

اخوي ماليزي ياليت تكفى توضح لنا اكثر بخصوص القبول في الدراسات العليا ؟ ووش هي الجامعات اللي رفضتك ؟؟

لأني سئلت بعض المسؤولين بجامعتنا الموقره .. وقالو تقدر تكمل دراسات عليا داخل المملكه وخارجها ..

فاذا كان كلامك صح بقص تيكت وبروح للجامعه بقابلهم شخصيا .. لأن اللي قاعد يصير هذا استهتار بالمواطن واستخفاف بعقله ..

شلون يجيني كلام رسمي من مسؤول في الجامعه ينافي الواقع ؟؟

[قطوه مكحله]

يااااااااااااااساااااااااااااااااتر وربي ضاق صدري وتحطمت
بليزززز الموضوووع لو فعلا صدق شهادتنا مو معتمدة لازم الجامعه تشوف لنا حل وتعتمد شهادتنا
او عالاقل نتخرج بمسمى انتساب مطور
حرام ندرس ونتعب وعندنا حلم نكمل الماجستير او الابتعاث او نتوظف وشهادتنا لاتودي ولاتجيب
حسوووووووووا فيناااا وربي ماترضون ابناءكم وبناتكم ينظلمون
الله يفرجها علينا ويفرح قلبنا بتخرجنا بشهادات معتمدة
تكفوووووووون شوفوا لنا حلل احنا البنات منقدر نراجع طلعتنا صعببه
الموضوع خطيرررررررر

[قطوه مكحله]

مشكوووور اخوي ماليزي الله يقويك ويوفقك ويسهل امورك

[sammoo00oor]

انا اول من يوقع , خير البر عاجله اكتب الخطاب ومتأكده ان الكثييييييرر يتمنوا يتحسن حالنا ويرتاح بالنا والكل معاك باذن الله

لعل وعسى ان يكون فاتحة خير هذا الخطاب , والله يوفقك تشكر على حرصك