ممكن تتفضلون خصوصا المتخرجين

[M!SS Dreams]

وعليكم السلام ورحمة الله وبركاته

ادارة محلية .. حلوه الماده اخذتها مع مها البرادعي فيها من القانون الاداري والنظام السياسي السعودي

التخطيط الاستراتيجي .. منهج يبغالو تركيز مزايا التخطيط الاستراتيجي مزايا التخطيط الفعال زي كدا يلخبط بس مو صعب اخذتها مع العنود سبعان

موازنة ومالية عامة .. تتكلم عن ميزانية الدوله ايراد مصروف قروض ..الخ اخذتها مع ضيف الله النفيعي

نظم معلومات ادارية .. دسمه شويه حاسب ونظريات اخذتها مع حياة راجخان وطلبت منا شهادة اكسل او بحث عن اي موضوع في الماده عليه 10 درجات

بحوث عمليات .. ماده علميه كنت متخوفه منها واخذتها بدري عشان لو رسبت فيها بس مع نسرين ماشاءالله تبارك الله شرحها يسهل الماده ونجحت فيها الحمدلله

تحليل تنظيمي .. استشارات ادارية .. ثقافة المنظمة ..اجهزة التطوير الاداري ( ماعندي دي المواد)

قراءات ادارية بالأنجليزية .. لو تحبي الانجليزي حتحبيها بالنسبه ليا كانت ماده رائعه ورفعت المعدل اخذتها مع نرفانا غيث

ثقافة اسلامية4 اخذتها دا الترم بس احسو منهج غير عن الثلاثه اللي قبل بس برضو مافيه صعوبه

تقييم البرامج الحكومية .. اه يا برامج اخذتها دا الترم مع طلعت سندي وحليت حلو بس الدرجه dn .. رسلت ايميلات للدكتور ولسه ما رد دعواتك ..

بحث وتدريب .. لسه حاخذو ان شاءالله

وفي النهايه ترا الماده تعتمد على الدكتوره هيا اللي يا اما حتحببك الماده او تكرهك فيها
وبالمذاكره مافي شي صعب ان شاءالله
موفقه يارب وان شاءاالله اكون افدتك ولو بشي بسيط

[أغدا ألقاكــ]

ادارة محلية
مادة سهلة ونفس مواضيع العلوم السياسيه تقريبا
التخطيط الاستراتيجي
يبغى لها مذاكرة لكن برضو سهله
موازنة ومالية عامة
نفس المحاسبة الحكومية لكن نظري فقط وبسيطة جداً
نظم معلومات ادارية
تتكلم كيف ندمج التقنية في الاداراة يبغا لها مذاكره
بحوث عمليات
من اصعب المواد اللي متبقية لك لا تأخريها للترم الاخير اهم شيء وترى كل المادة سبع دروووس افهمي اربعه راح تعدي بسهوله
تحليل تنظيمي
نفس التطوير التنظيمي سهله
استشارات ادارية
مادة معدل
قراءات ادارية بالأنجليزية
تعتمد على شطارتك فاللغه وسهله تراها لو عندك مبادئ اللغه
ثقافة المنظمة
نفس التطوير والسلوك التنظيمي لكن شكل اعمق
اجهزة التطوير الاداري
تتكلم عن الدول النامية وكيف تتطور سهله
تقييم البرامج الحكومية
اتذكر سجلتها صيفي وكانت من أكثر مواد التخصص اللي جبت فيها درجه عاليه
ثقافة اسلامية
عاد هذا من غير كلام 5
بحث وتدريب
على حسب الاستاذه ابحثي عن الافضل ولا تخلي البحث لترم التخرج وممكن تتأخري لاقدر الله مثلي خرج لكن البحث هو اللي مأخرني

معلومه قسمنا من اسهل وافضل الاقساااام

[Dream4ever]

مس دريمز

يسلموو افدتيني كثير الله يعطيك العافية

وينولك اعلى درجة في التقييم

ربي يسعدك ويوفقك ياعسل

[Dream4ever]

اغدا القاك

يسلموو افدتيني كثير

الله يسهل لك كل امورك

ربي يوفقك ويسعدك ياعسل..