اختبارات المناطق (الرياض) بالثمامة. صدق ولا بكيفك

[دعدعيه]

عن نفسي ماراح أسكت.. أول اختبار عندي راح يكون يوم السبت الساعة الواحدة ظهراً
ماراح أطلع إلا لمن أتكلم مع المسؤول, وراح أحاول آخذ وسيلة اتصال للمسؤول عن اختباراتنا بالرياض
إن كتب الله لي هالترم هو ترم تخرج, لكن لا تنسى إنك باحتجاجك راح تساهم في منع حدوث مثل هالأمر مستقبلاً
.

[سلووووم]

الله يعين بس
وعسى أن تكرهوا شيئا وهو خيرا لكم
((((( المهم الله الله الله بالاسئلة يا اهل المناطق )))))
اسئل الله العلي القدير التوفيق لي ولكم

[als3udi]

السلام عليكم أخواني وأخواتي
صراحة اللي يجامل أو يتحدث بمثالية أتمنى إنه ما يستفز البقية
لأنه صراحة مكان الاختبار سيء سيء سيء جدااً لعدة أمور
أولاً: جامعة الملك فيصل وجامعة الإمام محمد بن سعود انتساب يختبرون في مناطق
وبرضو بدون رسوم وتختار المكان ويكون يا مدرسة يا مكان محدد ومعروف ومريح
مو مشكله ندفع رسوم لكن ندفع وتعاملني هكذا؟؟ لا والله مهزله ما بعدها مهزله
ثانياً: المكان أقرب شيء له شرق الرياض وبرضو يعتبر بعيد عليهم لأنه في صحراء فما بالك شمال وغرب وجنوب
ومكان متنفس لعائلات الرياض وكثرة الشباب والتطعيس وخطورة المكان وطريق رايح جاي ومظلم تقريباً
ثالثاً: اللي جنوب وغرب وشمال الرياض يعتبر سفر بالنسبة له خصوصا مع الاجواء والزحام؟؟ وله أهل يحتاجونه
رابعاً: المكان أمنياً عليه ملاحظات لا سمح الله في حالة تعب أحد أو لا سمح الله حدوث أي مكروه
برضو لايوجد فيه خدمات قريبه رغم كثرة عدد المختبرين وبعض اخواننا ربما يأتي بتاكسي واختبار مساء؟
خامساً: اللي عنده اختبارين في اليوم سواء خريج او ملزم كيف يختبر رايح جاي أو يخيم هناك؟
يعني بالله منتجع يا عالم!؟ وجامعة المؤسس لها الحق تطالب العالمية بالأفضل لراحة طلابها
وبلاش نصير مجاملين أو مخدوعين ونمشيها.. السنة الجايه خلاص يثبتون الموقع أو يعطون البقية أسوأ
لكن ما أقول إلا حسبي الله ونعم الوكيل.. وأتمنى بكل الوسائل والطرق نوصل شكوانا وحقنا المشروع
آسف ع الإطالة

[white rose]

وعليكم السلام ورحمة الله وبركاته

خبر مؤسف الله المستعان :(

ربي يكون بعونكم وييسر لكم كل صعب ..

[دعدعيه]

اقتراح لطريق آخر لمن يسكن شمال الرياض, غرب الرياض, أو جنوب الرياض
أسلك طريق الأمير سلمان من جهة الدرعية "امتداد الدائري الغربي" إذا كنت قادم من جنوب أو غرب الرياض
أسلك طريق الأمير سلمان من جهة طريق الملك فهد إذا كنت ساكن في شمال الرياض
طريق الأمير سلمان شبه خالي من الزحام ولا يوجد به ساهر.
عند تداخل طريق المطار مع طريق الأمير سلمان.. إلزم المسار الأيمن ثم انعطف لليمين متبعاً لوحة طريق الطيران الخاص.
بعد سلوك طريق الطيران الخاص.. سيأتيك تقاطع خطر هو "تقاطع طريق خرام" انعطف يميناً
ثم اتبع الطريق حتى تصل "لإستراحة مهناش" حسب الوصف في موقع البالعية.
.
http://www.alalamiahedu.net/kau/map_exam_ri_man.php
.
والله ولي التوفيق

[دعدعيه]

.:فاصل:.
.
تبون تضحكون علي؟
قبل شوي أسولف مع أبوي قلت له: الله يعيننا على الثمامة
قال: شعشانوه؟
قلت: اختباراتي بالثمامة
المهم إنه شايل عني فكره إني تسذوب وأنا ما كذبت عليه من 10 سنوات والظاهر إنه شطب علي عقب هالسالفه

.

[بسيطه]

الزبده اليوم رحت الموقع و اول ما لفيت مع الطريق يمين لقيت تفحيط

و بعدها مشيت لين وصلت الموقع

و شوفوا وش لقيت آآخ بس يبغالنا نجيب قوارب نجاه معنا