استفساراتكم عن قسم المختبرات الطبية :)

[قصة غروب]

ماشاء الله عليكم تمام تمام عليكم والله.
ربي يوفقكم ويعينكم وينفع بكم.
واي شي تحتاجونه احنا ف الخدمه. :)

[Sweet Dreamz]

المشاركة الأصلية كتبت بواسطة قصة غروب ماشاء الله عليكم تمام تمام عليكم والله. ربي يوفقكم ويعينكم وينفع بكم. واي شي تحتاجونه احنا ف الخدمه. :)

منوور الموضوع، شكراً لك ^^

-

يلا طلعت نتائج التسكين اللي كانوا مختارين الكلية يطمنونا وبالذات شعب المختبرات x)

[Bashaier.y]

في أول سنه إيش المواد إلي تدرسوها نفس حقت الطب ؟ " المشتركه " وإيش إلي مهي " مشتركه " ؟

صح إنو المختبرات كلها " كيميا " والأشعه " فيزياء " ؟؟

تتعبو مرا ؟ كتيرين أسمع إنو التخصص دا مرهق !


شٌكرا مره ع الموضوع القميل =)

[Sweet Dreamz]

المشاركة الأصلية كتبت بواسطة bashaier.y في أول سنه إيش المواد إلي تدرسوها نفس حقت الطب ؟ " المشتركه " وإيش إلي مهي " مشتركه " ؟ صح إنو المختبرات كلها " كيميا " والأشعه " فيزياء " ؟؟ تتعبو مرا ؟ كتيرين أسمع إنو التخصص دا مرهق ! شٌكرا مره ع الموضوع القميل =)

أهلين اختي ^^

في اول سنة بالتحديد الترم الأول، كل المواد حتكون مواد عامه ومشتركه مع اغلب التخصصات الصحيه
مثال : مادة علم وظائف الاعضاء، مادة علم التشريح، كيمياء حيوي ..... الخ بالاضافه مع العربي والثقافه
يعني الترم الاول ماحتحسي انك مختبرات حقيقي الا لمن تروحي الترم الثاني وهيا اللي ممتعه فعلاً
كلها مواد مختبرات ومعامل وحاجات جميييله
وطبعاً هذي غير مشتركه بس تخص قسمنا

وبالنسبه لسؤالك الثاني، لا غلط تخصصنا ابداً مالو علاقه في الكيمياء بس هوا فرع من فروع التخصص لو حابه تكملي ماستر مختبرات قسم كيمياء
وعموماً عشان ما الخبطك حتدرسي كيميااء لكن بصوره مختلفه تماماً عن كيمياء التحضيري لكن مو "كل" تخصصنا كيمياء... بالنسبه للاشعه ماعندي فكره لكن اظن انو اساسيات فيزياء بياخذوها

وبعدين التعب في كل مكان، نصيحه لا تدوري عالشي السهل لانك حتتعبي، دوري ميولك فين وانتي ايش حاسه اقرب ليكي ولنفسك وانو ممكن تبدعي فيه،،، واستخيري اولاً واخيراً وشاوري ولا تسمعي كلام اللي يحبطوكي
كونك دخلتي شي صحي يعني حتتعبي لكن مو بالصوره اللي متخيلتها، والله يوفقك يا رب

ان شااء الله اكون افدتك واحنا في الخدمه لأي استفسارات ثانيه ^^

[R..F]

ابا اسأل من اي سنة تبداو تروحو المستشفى؟
ولا بس في الامتياز؟

عدد بناات الدفعة قد ايش؟؟ يعني كلكم تعرفو بعض ولا لا ؟

و هل تعرفو بناات كملو ماجستير في نفس جامعتنا ؟

[املكم..~]

المشاركة الأصلية كتبت بواسطة r..f ابا اسأل من اي سنة تبداو تروحو المستشفى؟ ولا بس في الامتياز؟ عدد بناات الدفعة قد ايش؟؟ يعني كلكم تعرفو بعض ولا لا ؟ و هل تعرفو بناات كملو ماجستير في نفس جامعتنا ؟

في سنة ثاني ما نروح المستشفى بس نروح مركز الملك فهد للأبحاث اسبوعياً.وطبعا سنه رابع والامتياز راح تكون في المستشفى.بنات الدفعة تقريبا 40 .وبالنسبة للماجستير فيه في الجامعة الحمد لله..

[R..F]

مركز الملك فهد للابحاث ، ايش تسوو هناك ؟ تتدربوا يعني ع اللي درستوه
ولا بس اطلاع؟

[Bashaier.y]

المشاركة الأصلية كتبت بواسطة sweet dreamz أهلين اختي ^^ في اول سنة بالتحديد الترم الأول، كل المواد حتكون مواد عامه ومشتركه مع اغلب التخصصات الصحيه مثال : مادة علم وظائف الاعضاء، مادة علم التشريح، كيمياء حيوي ..... الخ بالاضافه مع العربي والثقافه يعني الترم الاول ماحتحسي انك مختبرات حقيقي الا لمن تروحي الترم الثاني وهيا اللي ممتعه فعلاً كلها مواد مختبرات ومعامل وحاجات جميييله وطبعاً هذي غير مشتركه بس تخص قسمنا وبالنسبه لسؤالك الثاني، لا غلط تخصصنا ابداً مالو علاقه في الكيمياء بس هوا فرع من فروع التخصص لو حابه تكملي ماستر مختبرات قسم كيمياء وعموماً عشان ما الخبطك حتدرسي كيميااء لكن بصوره مختلفه تماماً عن كيمياء التحضيري لكن مو "كل" تخصصنا كيمياء... بالنسبه للاشعه ماعندي فكره لكن اظن انو اساسيات فيزياء بياخذوها وبعدين التعب في كل مكان، نصيحه لا تدوري عالشي السهل لانك حتتعبي، دوري ميولك فين وانتي ايش حاسه اقرب ليكي ولنفسك وانو ممكن تبدعي فيه،،، واستخيري اولاً واخيراً وشاوري ولا تسمعي كلام اللي يحبطوكي كونك دخلتي شي صحي يعني حتتعبي لكن مو بالصوره اللي متخيلتها، والله يوفقك يا رب ان شااء الله اكون افدتك واحنا في الخدمه لأي استفسارات ثانيه ^^

ألف شُكر ^^
جزاكي الله خير =")

والله يوفقكم يارب , شٌكرا

[R..F]

وكمان عندي سؤال .

في التحضيري كان عندنا مادة الاحياء والحاسب
التشابتر اللي تدخل معانا في الدوري الاول خلاص ما تدخل في الثاني ولا النهائي
يعني اللي نختبر فيه خلاص مانرجعله

فيه مواد زي كذا في المختبرات؟ وايش هيا

[Sweet Dreamz]

المشاركة الأصلية كتبت بواسطة r..f ابا اسأل من اي سنة تبداو تروحو المستشفى؟ ولا بس في الامتياز؟ عدد بناات الدفعة قد ايش؟؟ يعني كلكم تعرفو بعض ولا لا ؟ و هل تعرفو بناات كملو ماجستير في نفس جامعتنا ؟

حتبدأي تروحي مركز الملك فهد للأبحاث من الترم الثاني تقريباً عشان معامل وكذا حتشتغلو شي بسيط وحتاخذو محاضرات ممكن فيه قاعات هناك للشرح وبعدين تطبيق عملي بس الأغلب انكم حتتفرجو فقط عشان لسا مبتدئين بس مافي مستشفى من سنه ثاني...

عدد بنات الدفعه تقريباً حول الاربعين, احنا 38 بنت فا يختلف ع حسب القبول وكثافه الراغبين في التخصص, وايوا كلنا نعرف بعض اساساً حتكونو في كلاس واحد طول السنه يعني حتطفشو من بعض مزبوووط ههههههه بس ان شاء الله كلكم كويسين

بالنسبه لبنات الماجستير, ايوا نشوفهم احياناً لأنو فتح اظن قبل سنتين او ثلاثه في نفس جامعتنا

بالتووفيق لك ان شاء الله ^^
واستخيري كويس واي استفسار احنا موجودين..