ماذا بعد حياة ( الهكوناإأآ متاإأآتإأآ )

[Maher Al Johani]

وصل الموضوع بعنوان

.•|. مناهج السنــة التحضيـــرية بالتفصيل الممل - دفعــة 14 .|•.

http://www.skaau.com/vb/showthread.php?p=6645781

[قروشـ]

موضوع ما شاء الله متعووووب عليه وعظييييم ورااائع وإبدااااع , تصدق توي عرفت كلمات اغنية الهاكونا ما كانت واضحة لي , صراحة طلعت حكيمة , انسى الماضي الي يغيظ << ماضيي زفت :( ,

وحلوة الحركة الي اضهرت فيها اسمي هههههه , تنحت دقائق وقعدت افكر هذا كيف عرفني ههههه , تعجبني روحك وشخصيتك المرحه المبدعه المتفائلة , انت احلا واحد في دفعة 14 , وأحساسي يقول بتكون من الدوافير دام ان فيك الحماس وتتدخل المنتدى في رمضان :) ,

بالنسبة للمذاكرة تكلموا عنها كثير وانت كمان ذكرتها , مذاكرة ليلة الاختبار طاااامة في التحضيري , المشكلة البعض ما زال يعيدها ويخطأ فيها , اذكر زميل لي كان يذاكر الاحياء ليلة الإختبار , الاحياء عندنا معروفة دسمة وكثيرة اوراقها , وكانوا يعطونا قبلها من 3-5 ايام فراغ , بس مع ذلك الوقت هذا ما يكفي , يعني لابد يكون الجهد طوال السنة موب آخر الأيام . بس ما تصل لدرجة المذاكرة اليومية مع انه افضل واحسن إلا لو كنت طالب طب :) غصب عنك اول بأول ,بس يمكن في الاجازة تذاكر , او تحدد لك ايام تذاكر فيها , أو قبل الاختبارات بفترة طويلة , أو او او ,,, .

اممممم , خل اقولك انا وش كنت اسوي مع تنظيم الوقت , في الترم الأول , كان دوامي موب طويل مرة , بس يومين الى 4 والباقي الى 2 , بعض الطلاب كل الايام الى 4 الله يعينهم :( , طبعا اخذت خصوصيين لمادة الفيزياء والرياضيات الاستاذ العظيم اشرف بركات ( انصحك تدرس عنده إذا لك رغبة بس موب ضروري في طلاب ما اخذوا خصوصي وجابوا 5 من 5 , يعني حسب مستواك ) , بالنسبة للإنجليزي كنت كل يوم ارجع فيه أسجل الكلمات الجديدة في دفتر خارجي ومقسمها حسب الوحدة او unit واحفظها وطبعا اراجعها كل فترة , ويكون عندي هدف ان بالنهاية اكون حفظت وراجعت كل unit على الاقل 5 مرات لإن مثل ما تعرف اهم شيء في اللغة الكلمات , والقرامر كنت افهمه واحفظ الشيء المهم . هذه بالنسبة للإنجليزي كل يوم بيومه , طبعا يجيك أيام ظروف واشغال , فتأجله يوم واحد الى الاجازة وهكذا بتصرف عمرك .

أما المادتين الفيزياء والرياضيات كنت ادرس عند الخصوصي سبت واثنين وفي آخر الايام جمعة , إذا رجعت البيت بعد الخصوصي اراجع الي درسته معه واحفظ الضروري , طبعا حفظ من اول مرة تنساه اليوم الثاني , لكن المراجعة بين فترة وفترة تثبت المعلومة . حتى إذا جاء وقت اختبارات الدورية أعلنت الاستنفار العام , وحطيت لي جدول للمذاكرة الجدية , وطبعا راح تكون سهله لإني مذاكر من اول بس راح تثبت معلومات .

والوضع نفسه في الترم الثاني لكن شد حيلك اكثر في الاحياء , وحاول تكون مذاكرها وصامها قبل موعد الاختبارات , يكون الايام الي قبل اختبار الاحياء تراجع فيها واظمن لك A+ في الاحياء .

اما عن اللغة لا تشيل همها , التحضيري راح تطورك في اللغة بشكل كبير 180 درجة , المدرسين راح يكونون أجانب بس شد حيلك واحفظ كلمات وادرس القواعد .

وبس هذا الي عندي , كتبت كثير لأن موضوعك حسسني انك تريد الكثير وتستاهل والله يوفقك وليت التحضيري كلهم مثلك , ياخي حبيتك من موضوعك هههه , الله يوفقك

[m.sh]

حلوة حركة الاسم
ان شاء الله أحاول أنزل موضوع نصائح عامة عن أسهل سنة ممكن تدرسها ( التحضيري )

[ranumg]

المشاركة الأصلية كتبت بواسطة ~me~ بسم الله الرحمن الرحيم السلآم عليكمـ ورحمة الله وبركآته -------- وعليكم السلام ورحمة الله وبركاتو -------- رآح أبدأ موضوعي باوبريت غنائي <<< يآ حركآآآآآآآآآآآت إنت ( حاس إني شي فخم كذا ) طبعاً راح تكون الغنيه من أداء الفنان القدير ranumg << إيوهـ ياخي ذا إنت لازم نجاملك عشان نحمسك للموضوع ------------ معليش الحلق تعبان وحاسة نفسي بتكلم والريق ناشف والله المستعان ------------ يلآ نبدأ هكوناإأآ متاإأآتإأآ ... حكمه نغمهاإأآ لزيز هكوناإأآ متإأآتإأآ ... إرمي الماضي إلي يييييغييييظ إنساهـ والمستقبل ... إديه كل التركييييييز هدا هوا الببببهررررررريييييز ( خد نفس ) الفلسسسسسسسسفييييييييييييي << لازم تغني مع اللحن مطها زي ما انا مطيتها عاشو يلا يلا ... ثنتين يب يب << طلعت رابح صقر وانا مدري هكوناإأآ متاإأآتإأآ هكوناإأآ ... متإأآتإأآ ... تيمون ... وبومباإأآ هكوناإأآ ... متاإأآتإأآ إنساهـ والمستقبل ... إديه كل التركييييييز هدا هوا الببببهررررررريييييز ( خد نفس ) الفلسسسسسسسسفييييييييييييي هكوناإأآ متاإأآتإأآ تيمون و بومباإأآ الله الله عشتو عشتو مبدعين ما شاء الله عليكم إلي حاب يسمعهاإأآ ... دا الفيديو حقها ( كان من كراتيني المفضله << مين يعرف إعراب كلمة كراتيني ) بكدا أنتهينا من دي الفقرهـ إلي هيا الإفتتاحيه التحميسيه الأكشنية طبعاً دحين كتير منكم يسأل إيش الهرجه محور حديثنا < عجبتني كلمة محور ذي كلمة هكونا متاإأآتإأآ هكوناإأآ متاإأآتإأآ يعني لا تقلق او لا تهتم او لا تشيل هم او مافي مشكله نحن هنا جبناها ( حياة الهكونإأآ متاإأآتإأآ ) يعني ( حياة عدم الاهتمام ) طبعاً فيه ضمير غائب وكذا وهو الدراسه يعني الخلاصه ( عدم الاهتمام في الدراسه ) أغلبنا في الثانوي كان ما يذاكر إلا ليلة الإختبار ومافي غير النت و تغريد و bbm و facebook < كيف بس أعرف انجليزي ------------- و youtube ------------- وهذي هيا الفئة المعنية فدا الموضوع دحين داخلين على مرحلة جامعية كل واحد فينا عندو طموووح وحلم يبغى يحققو إلي يبغى طب وإلي هندسه < هذا حقي انا ... وإلي علوم وغيرها من التخصصات كل دا يبغالو معدل ولغه ... اما لغه هذي الله لا يوريك اسيبكم مع مقطع يوريكم مستوايا الجبار احلى شي في المقطع ( إنتي بس لو تصبرين شوي أنا أغرد بالإنجليزي ) دحين في ناس يقولو طيب إيش المطلوب لخص نبغى الزبده طيب انا مسوي الموضوع دا أول شي نبغى نسمع كلام الدفع السابقه إلي كانو مثل حالاتي وحالات كثير هنا في المنتدى واتغيرو وصارو يذاكرو وقدرو يبعدو عن الملهيات و الشهوات و المغريات وغيرها من إلي ضيعت اوقاتنا وادمنا عليها وكمان نبغى نسمع اقتراحاتكم كيف كذا فجأهـ حتقدر تنقطع عن جلوسك 24 ساعه في النت كيف حتسيب الطلعات مع اصحابك كل يوم والسهرات والفله ايش حتسوي ايش حتعمل كيف حتجلس كذا ع الكتب تذاكر وما تطفش عشان تجيب معدل عالي خصوصاً لو بتكمل دكتوراه وماجستير طبعاً أول شي وأهم شي التوكل على الله سبحانه وتعالى هو إلي راح ينجحك ويوصلك للشي إلي تبغاه وراح يوفقك ويرزقك وكل شي أتوكل على الله من كل قلبك بكل صدق أدعي ربك نحن الآن في شهر رمضان إستغلو هذا الشهر يا إخواني والله فيه فايدهـ عضيمه أدعي ربك وإنت تصلي تراويح قبل الفطور بعد الفطور كل وقت ادعي ربك وأتوكل عليه وطبعاً لازم تعمل بالأسباب مو تدعي وتنسدح تستنى ---------------- يب ربنا بيقول اسعى يا عبدي وانا لك معين مو نام يا عبدي وانا لك معين يعني صح انا اطلب من ربنا انو يوفقني وكمان اشتغل ع حالي ونفسي وزاتي ---------------- تاني شي صراحه انا كنت اجرب في الثانوي انظم وقتي جداول ما جداول اذاكر اول بأول وكلها فشلت فيها حتى في الاختبارات النهائيه اجي اذاكر بالقوه اخلص ربع الكتاب كل ما سمعت صوت الجوال ( درن درن ) قلت يا ولد خليني اشوف وتتحول من شوفه ل ساعتين متواصله متتامه على الجوال بلا إنقاطع --------------------------- انا كمان من النوع دا وما أحب اتكي طوال الوقت عالكتاب سو.. في دي النصيحة ان شاء الله تنفعك بما انك ماتقدر تكمل وقت طويل عالمزاكرة خلي كل يوم ساعه وحده تزاكر او بالاصح تقرا اللي درستو فنفس اليوم و تقراه بتركيز وتحاول تدخل المعلومات وفي الويكند خلي اخر يوم او اليوم اللي بدك ياه ترجع تقرى اللي درستو في الاسبوع كلو وتلخصو او تربط مابينو دا حيسهلك المزاكرة في النهائي بإزن الله وافتكر انو هيا سنة وحده واقل من سنة !! لازم تضغط نفسك فيها لانو فيها مستقبلك ممكن النص ساعه اللي فكيت فيها البيبي او التويتر او أي شي كان مداك تزاكر فيها اشياء جية فالاختبار وعشان لاتندمبعدين وتقعد لحدت ماتعجز ويقولولك اولادك ليش مادخلت القسم تبعك تقلهم والله كنت قاعد عالبيبي ><" فخلاصة كلامي لازم يكون عندك إارادة ومو لازم تزاكر 24 ساعه عشان ماتطفش من حالك وتهجج . --------------------------- تالت شي اللغه الانجليزيه ... بصراحه احس اني مره ضعيف فيها ... نبغى من الي كانو العام الي فات ضعاف في اللغه وتحسنت عندهم يعطونا نصايحهم ويقولولنا كيف ... أو من الي لغتهم كويسه ينصحونا كيف نقوي لغتنا بحيث إننا ما نتعب مع الجامعه و تكون سهله علينا ... أو من الي لغتو ضعيفه ومخطط على حاجه تقوي لغتو ياريت يقولها ويفيدنا ------------ بالنسبة للانجلش انا انجليزيتي جميلة ف اول شي انصحك انو لمن تتكلم مع اصحابك ممكن او فالتويتر او الفيس بوك مع اجانب لالاتكلم بالاختصار يعني مسلن 2=to because=bcuz aka=also known as وكتير طبعا وحاول تكتبها من غير اختصارات لانو كدا افضل ووحتعودك برضو عالاسبلنق وحاول تتكلم مع الاجانب كتيرر سكاي بي و تويتر واقرا فالانستقرام الكومنت تبعهم وف اليوتيوب اتفرج موفيز !! وهيك يعني دا حيخليك تاخد كلمات كتير وانا قد قريت ليك رد انو درست الميقا قول ترى دا مرة جيد !! حتى الكلمات اللي فيلو من الكلمات المستخدمة والشائعه يعني المفروض تكون استفدت منو كتير ------------ وأخر شي أقولكم تراني تعبت في الموضوع ولونت وانكرفت واي شي << يعني ايش المطلوب ^تقلييييد لووول المطلوب طال عمركم التفاعل ... لأنو ( هكونا متاتا في الدراسه ) اكبر مشكله عندي وابغى اتخلص منها وفي الأخير اقولكم كل عام وإنتو بخير بعد الزحمه < قديمه أدري و لا أقول لكم وداعاً بل إلى اللقاء في مواضيع اخرى إن شاء الله

وربنا يوفق الجميع يارب

[امانــــــي الغد ,,,]

يقطع ابليسك على حركه الاسم بغيت انجن وانا وش دخلني فالسالفه وتنحت فترة وقعدت اقرأ فالموضوع لحد ماشفت الردود وعرفت إنك مسويها حركه
نجي للمهم : انا في الثانوي كنت قاطعه ام الكتب عشان كان عندي هدف ابغى اوصله وهو اني ادخل الجامعه وكنت اطلع من الاوائل لكن لما دخلت الجامعه صرت ما امسك الكتاب إلا قبل الاختبار بيومين و احياناً افرغ لـِ نفسي 5 ايام عشان مثلاً اذاكر الاحياء او الفيزيا او الاحصاء وتخلص هاذي المدة وانا ماخلصت 5اوراق على بعضها وفي معظم اختباراتي إلّي فالدوري والنهائي كنت ادخل للامتحان وانا ماخلصت الجزئيه إلي راح اختبر فيها وهذا بسبب إني مارسمت لي هدف ابغى اوصله من بعد مادخلت الجامعه
كان طموحي في تخصصات ماقدرت ادخلها مو عشان نسبتي ماتدخل عشان انا عارفه فكرة الاهل لو دخلت واحد من التخصصات إلّي انا ابغاها فعشان كذه جاني تكاسل وعدم اهتمام وإلّي يصير يصير
والحين اقول في نفسي ياليت ارجع فالتحضيري واستمتع بالدراسه حتى لو مادخلت التخصص إلّي انا ابغاه بس اني ارجع وادرس في تفاؤل وهذا إلّي فقدته فأنا انصحكم بالتفــــــاؤل لأن إذا درستم في نكد ماراح تستمتعوا فالتحضيري وهي تروها ماهي صعبه ابد إلّي يبغالها مايلي:-
1-الاعتماد على الله والقرب منه
2-انو يكون عندكم طموح وهدف تبغون تحققونه
3- التفاؤل في انكم راح تحققون الافضل حتى ولو جبتم درجات واطيه
4-المذاكرة اول بأول راح يسهل عليكم الطريق بالمممرة
وهذا كل ماحضرني الآن .. وبالتوفيق للجميع

[Razz]

يا اهلاً وسهلاً..
موضوع جا في وقته، نتمنى الدفع القديمة يقولولنا الطريقة المناسبة للمذاكرة.
كمان افضل الملخصات وكذا،
- لأن تأسيسي في الكيميا والفيزيا مش ولا بد :$
وسمعت ناس تقول ان الدكاترة تجيب اشياء من برا المنهج معتمدة عالتأسيس :""""( صح ولا لأ..
وشكراً يا me عقبال تصير مهندس أد الدنيا

[roun,]

وعليكم السلام و رحمه الله،

موضوعكككك جدآ جميييل، حبيتووو

و ع النصايحح ما شاء الله من اول م خلصنا تحضيري دفعتيي
شآآدةة حيلهاا بالمواضيع دي،

احلى شيء انك واضح مع نفسك من قبل تدخل تحضيري و حاط هدف لك

انا واثقههه بعد سنه حتقول انا دخلت هندسة * بإذن الله *

+ ع الانقلش و بكل صراحهه

قبل م ادخل الجامعة كونت شيء و خرجت من التحضيري شيء ثاني اوكي صح مو دااككك المستوى بس برضو تحسنت

من كثر م كونت دمآآآر بالانقلش لمن قالت الاستاذه اكتبو تعبير عن اهلكم،

جتننيي بكيةة بس داك الكبريااءء م خلاني ابكي!!


لانووو عمري بحياتي م كتبت جملة اجي دحين اكتب تعبير ي خراشي!!

بس الحمدلله تحسنت مع الايام، ،

[~Me~]

المشاركة الأصلية كتبت بواسطة rayan ksa موضوع رائع عجبتني فكرة الهكونا متاتاا ننتظر نصايحكم ي حلوين

كيف بس ياخي شغل مهندسين ايش تعرف

منور يا مهندس << ياخي احس فخامه في كلمة مهندس

المشاركة الأصلية كتبت بواسطة maher al johani وصل الموضوع بعنوان .•|. مناهج السنــة التحضيـــرية بالتفصيل الممل - دفعــة 14 .|•. http://www.skaau.com/vb/showthread.php?p=6645781

تسلم الايادي والله

موضوع مفيد جداً انصح الجميع بزيارته

[~Me~]

المشاركة الأصلية كتبت بواسطة قروشـ موضوع ما شاء الله متعووووب عليه وعظييييم ورااائع وإبدااااع , تصدق توي عرفت كلمات اغنية الهاكونا ما كانت واضحة لي , صراحة طلعت حكيمة , انسى الماضي الي يغيظ << ماضيي زفت :( , وحلوة الحركة الي اضهرت فيها اسمي هههههه , تنحت دقائق وقعدت افكر هذا كيف عرفني ههههه , تعجبني روحك وشخصيتك المرحه المبدعه المتفائلة , انت احلا واحد في دفعة 14 , وأحساسي يقول بتكون من الدوافير دام ان فيك الحماس وتتدخل المنتدى في رمضان :) , بالنسبة للمذاكرة تكلموا عنها كثير وانت كمان ذكرتها , مذاكرة ليلة الاختبار طاااامة في التحضيري , المشكلة البعض ما زال يعيدها ويخطأ فيها , اذكر زميل لي كان يذاكر الاحياء ليلة الإختبار , الاحياء عندنا معروفة دسمة وكثيرة اوراقها , وكانوا يعطونا قبلها من 3-5 ايام فراغ , بس مع ذلك الوقت هذا ما يكفي , يعني لابد يكون الجهد طوال السنة موب آخر الأيام . بس ما تصل لدرجة المذاكرة اليومية مع انه افضل واحسن إلا لو كنت طالب طب :) غصب عنك اول بأول ,بس يمكن في الاجازة تذاكر , او تحدد لك ايام تذاكر فيها , أو قبل الاختبارات بفترة طويلة , أو او او ,,, . اممممم , خل اقولك انا وش كنت اسوي مع تنظيم الوقت , في الترم الأول , كان دوامي موب طويل مرة , بس يومين الى 4 والباقي الى 2 , بعض الطلاب كل الايام الى 4 الله يعينهم :( , طبعا اخذت خصوصيين لمادة الفيزياء والرياضيات الاستاذ العظيم اشرف بركات ( انصحك تدرس عنده إذا لك رغبة بس موب ضروري في طلاب ما اخذوا خصوصي وجابوا 5 من 5 , يعني حسب مستواك ) , بالنسبة للإنجليزي كنت كل يوم ارجع فيه أسجل الكلمات الجديدة في دفتر خارجي ومقسمها حسب الوحدة او unit واحفظها وطبعا اراجعها كل فترة , ويكون عندي هدف ان بالنهاية اكون حفظت وراجعت كل unit على الاقل 5 مرات لإن مثل ما تعرف اهم شيء في اللغة الكلمات , والقرامر كنت افهمه واحفظ الشيء المهم . هذه بالنسبة للإنجليزي كل يوم بيومه , طبعا يجيك أيام ظروف واشغال , فتأجله يوم واحد الى الاجازة وهكذا بتصرف عمرك . أما المادتين الفيزياء والرياضيات كنت ادرس عند الخصوصي سبت واثنين وفي آخر الايام جمعة , إذا رجعت البيت بعد الخصوصي اراجع الي درسته معه واحفظ الضروري , طبعا حفظ من اول مرة تنساه اليوم الثاني , لكن المراجعة بين فترة وفترة تثبت المعلومة . حتى إذا جاء وقت اختبارات الدورية أعلنت الاستنفار العام , وحطيت لي جدول للمذاكرة الجدية , وطبعا راح تكون سهله لإني مذاكر من اول بس راح تثبت معلومات . والوضع نفسه في الترم الثاني لكن شد حيلك اكثر في الاحياء , وحاول تكون مذاكرها وصامها قبل موعد الاختبارات , يكون الايام الي قبل اختبار الاحياء تراجع فيها واظمن لك a+ في الاحياء . اما عن اللغة لا تشيل همها , التحضيري راح تطورك في اللغة بشكل كبير 180 درجة , المدرسين راح يكونون أجانب بس شد حيلك واحفظ كلمات وادرس القواعد . وبس هذا الي عندي , كتبت كثير لأن موضوعك حسسني انك تريد الكثير وتستاهل والله يوفقك وليت التحضيري كلهم مثلك , ياخي حبيتك من موضوعك هههه , الله يوفقك

احرجتني ياخي مع المدح الجميل والشيق ذا دقيقه بروح ادخل راسي في المخده واستحي الين مو خلاص

يب وكمان الكلمات طالعه مناسبه للموضوع انو انسى الماضي وركز في المستقبل وهكا يعني درر ما شاء الله ... تصدق طول عمري أحسب تيمون وبومبا دلوخ الين عرفت الكلمات قلت طلعو حكمآ ونحن ما ندري

إنت أحلى والله << خدودي حمرت فديتني

والله يسمع منك إن شاء الله أكون من الدوافير وكذا أتقبل الكتب وتدخل قلبي وأشد حيلي في المذاكره إن شاء الله بس

والله انا سمعت ما عندكم لا واجبات ولا تكاليف منزليه ولا شي فيعني اكون فاضي في البيت ناوي كل يوم اذاكر كل مادهـ بحسب ما تستحق من الوقت بس يعني مذاكرتي في اليوم ما راح تقل عن ساعتين ونص في اليوم إن شاء الله راح ارتب نفسي كذا بحيث إني أشد حيلي بإذن الله عشان أخش القسم الي حبيتو تنسيت النوم ويا خوفي ينساني << الشي قلب فيروز

حركة الانجليزي إن شاء الله بسويها لكن مدرسين خصوصيين ما اعتقد يناسبوني وما اقتنع فيهم صراحه راح اذاكرلي واشرحلي و اعطيلي بعد كل 5 دقايق مذاكره 10 دقايق راحه << من البدايه باينه الدفرنه

يعطيك العافيه حبيبي ونورتنا وافدتنا وإن شاء الله في موازين حسناتك كل حرف بـ 100 بإذن الله

وخلينا نشوفك في الجامعه حاط صورتي في الصوره الشخصيه والتوقيع وقت ما صادفتني كذا سلم عليا ها


بالتوفيق والله يكتبلك التخصص الي تحبه والي فيه الخير ويوفقك فيه ويرزقك ببنت الحلال وحده مزززهـ كذا تنسيك الدنيا ومافيها

المشاركة الأصلية كتبت بواسطة m.sh حلوة حركة الاسم ان شاء الله أحاول أنزل موضوع نصائح عامة عن أسهل سنة ممكن تدرسها ( التحضيري )

في إنتظاركـ

نورت

[~Me~]

المشاركة الأصلية كتبت بواسطة ranumg وربنا يوفق الجميع يارب

يعني بالله ايش فيها لو نسيت اكتب يوتيوب يعني خلاص خربت الدنيا

هههههههههههههههههه << اضحك على نفسي مو عليكي لا تخافي .... انا انقلش بإختصارات ولا بدون ما اكتب خير شر بس ححاول اكتب إنقلش إن شاء الله

ليا فتره كدا افكر اضيف مزهـ امريكيه ع سكايب عشان اللغه << يب مو شي تاني ... بس اخاف البنت تعجب فيني وتصير تغني معجبه مغرفه انا بقى مش عايزه الا هوا , وتصير تبغى تتزوجني وإنتي عارفه انا حرفض وكدا لسه بكمل دراستي :$ < ماخد مقلب فنفسي ادري


اما ميجاقول دا مدرس الله لا يوريكي وقيدو تأسيسي ضعيف والمنهج كدا مني عارف ايش يبغى من حياتو واحس اني درست كدا 7 سنين انقلش على ولا شي للآسف ما اتهنيت ولا فمدرس كلهم يا غيابيين يا مافي مدرس من الاساس يا تعبانين ومرضانين يا من جنب القدهـ ...

قال تقليد قال ... ترا العباره دي يقولوها في المنتديات من ايام الجاهليه

امين ... يلا إن شاء الله كل واحد يخش الشي الي يحبو والله يوفقك الجميع

المشاركة الأصلية كتبت بواسطة امانــــــي الغد ,,, يقطع ابليسك على حركه الاسم بغيت انجن وانا وش دخلني فالسالفه وتنحت فترة وقعدت اقرأ فالموضوع لحد ماشفت الردود وعرفت إنك مسويها حركه نجي للمهم : انا في الثانوي كنت قاطعه ام الكتب عشان كان عندي هدف ابغى اوصله وهو اني ادخل الجامعه وكنت اطلع من الاوائل لكن لما دخلت الجامعه صرت ما امسك الكتاب إلا قبل الاختبار بيومين و احياناً افرغ لـِ نفسي 5 ايام عشان مثلاً اذاكر الاحياء او الفيزيا او الاحصاء وتخلص هاذي المدة وانا ماخلصت 5اوراق على بعضها وفي معظم اختباراتي إلّي فالدوري والنهائي كنت ادخل للامتحان وانا ماخلصت الجزئيه إلي راح اختبر فيها وهذا بسبب إني مارسمت لي هدف ابغى اوصله من بعد مادخلت الجامعه كان طموحي في تخصصات ماقدرت ادخلها مو عشان نسبتي ماتدخل عشان انا عارفه فكرة الاهل لو دخلت واحد من التخصصات إلّي انا ابغاها فعشان كذه جاني تكاسل وعدم اهتمام وإلّي يصير يصير والحين اقول في نفسي ياليت ارجع فالتحضيري واستمتع بالدراسه حتى لو مادخلت التخصص إلّي انا ابغاه بس اني ارجع وادرس في تفاؤل وهذا إلّي فقدته فأنا انصحكم بالتفــــــاؤل لأن إذا درستم في نكد ماراح تستمتعوا فالتحضيري وهي تروها ماهي صعبه ابد إلّي يبغالها مايلي:- 1-الاعتماد على الله والقرب منه 2-انو يكون عندكم طموح وهدف تبغون تحققونه 3- التفاؤل في انكم راح تحققون الافضل حتى ولو جبتم درجات واطيه 4-المذاكرة اول بأول راح يسهل عليكم الطريق بالمممرة وهذا كل ماحضرني الآن .. وبالتوفيق للجميع

مشكورهـ مرهـ على المعلومات الأكثر من مفيده

في موازين حسناتك كل حرف ب 11 إن شاء الله

وفقك الله