الطالبات اللي انقبلوا طب وجراحة أو طب أسنان ابغاكم شوي :)

[رهف المالكي]

حبيت اضيف معلومة واعدلها الحاسب والاتصال بالعربي الشرح والاختبار

[رهف المالكي]

اهلين ياقلبي معليش الرد متأخر بس تعرفين اجازة وسفر بس بقولك تجربتي في التحضيري
انا بدأت خطة أ
اول شي
فيزياء درستني الدكتورة وفاء الخطيب بس انا عن نفسي ماكنت افهم منها مره وكنت الجأ لملخصات الدكتور اشرف بركات والدكتور يوسف زويل هذا الانسان شرحه رائع وفادني كثير ع الاختبارات النهائية ونماذج اسئلة كمان كنت احلها وفيه سكشن كل اسبوع ( سكشن = محاضرة اضافية مو ضروري انك تحضريها بس يكون فيها اسئلة تنزليها من موقع منسقة المادة وتحلينها ووقت السكشن تحلها معاكم الدكتورة واي شي مو فاهمته في المنهج تقدرين تسألينها وقت السكشن او في وقت الساعات المكتبية للدكتورة بس احسن دكتورات افيزياء اللي كنت احضر لهم اضافي وكنت افهم منهم ( الدكتورة هناء فرحان وكانت المنسقة بس الترم الثاني ماصارت تدرس التحضيري )
رياضيات درست عند الاستاذة ليندا الزبن ماشاء الله رائعة جدا وتفهم مرره بس يكون في واجب بالرياضيات تحلينه انتي وماترجع تحله معتكم الدكتورة بس عشان تختبرين نفسك واعتمد في مذاكرتي على الكتاب لانه هو اهم شي + نماذج اسئلة
حاسب درست عند الدكتورة روان الشيخ كانت رائعة جدا جدا وجبت في المادة 100 الحمد لله والمذاكرة كلها من الكتاب بس وعموما كل استاذات الحاسب شرحهم حلو ويفهمون طريقة المنهج فيه اختبارات نظرية وعملية
مهارات اتصال وكمان جبت فيها 100 وكانت مادة صراحة مرررررره سهلة بس تتكلم عن العلاقات الاجتماعية وكذا يعني وكل الاستاذات عسولات ويراعونكم ويكون في يد الاستاذة 30 درجة لانه مافي اختبار دوري اول
وانقلش انا بدأت لفل 1 مارحت الاختباار بس سهل جدا ولفل 2 كمااان سهل استنساخ لفل 1 كلوو

الترم الثاني

ابدأ بحبيبتي والمادة اللي اموووت عليها كيمياء
درست الكيمياء عند الدكتورة ابتسام الصبان شرحها صراحه مو مره مع انها وللامانه تحاول توصل المعلومة بأقصى حد لكن اللي مو فاهمة صح في الكيمياء يمكن تلخبط شوي بس الحلو عندها انها تسوي لكم اختبار تجريبي قبل كل اختبار دوري بس انا كنت احضر عند الدكتورة ليلى الحربي جدا رائعة هالانسانه وتحاول بسط المعلومة وتجيب امثلة على كل شي اساسا حتى لو مو فاهمة شي راح تفهمين معاها وتخرجين من التحضيري والكيمياء كله في عقلك وماراح تنسينه

احياء طريقة المذاكرة من السلايدات ( سلايدات = شرائح بوربوينت ملخصة وجاهزة ) والشرح كمان بس منها درست عند الدكتورة حنان الشاذلي ياحبي لها الله يسعدها شرحها كلوو حلو وتقول قصص احياناَ لبنات درسوا عندها وتنصحنا وكذا بس انها تسأل في أي وقت في المحاضرة يعني لازم تذاكرين اول بأول عشان ممكن انتي في المحاضرة 6 تسألك عن المحاضرة 1 لانو المعلومات كلها مترابطه وشي حلو مايجي الاختبار الا وانتم فاهمين قبل الحفظ وقبل كل اختبار ينزلون على موقعهم اسئلة مساعدة الدوري الاول والثاني ينزلون 30 سؤال يجي منها 10 اسئلة في الاختبار والنهائي 40 سؤال يجي منها 15 او 20 سؤال بس اتوقع هالنظام راح يتغير السنة الجاية لان الاختبار راح يكون الكتروني يعني على الكمبيوتر
احصاء درست عند الدكتورة سماح سندي حلو شرحها وبسيط والكتاب هو المصدر الرئيسي بس لازم تحلين الاسئلة اللي وراء المحاضرات في الكتاب بنفسك يعني اسئلة الواجب نفس نظام الرياضيات
وانقلش لفل 3 ولفل4 شوي اصعب من لفل 1 و2 بس عموما الانقلش سهل بس دوامه صعب ووقته


والان نشوف طريقة الاختبار

رياضيات + احياء + كيمياء + احصاء + فيزياء يكون على ورق

انقلش + حاسب + اتصال يكون الكتروني على كمبيوتر
وعلى فكرة يمكن يغيرون النظام السنة الجاية هم راح يقولون لكم
بس كل المواااد باللغة الانجليزية الشرح عربي طبعا ماعدا الانقلش
والاتصال والحاسب حرام ماتحيبون فيها a+
وانا ان شاء الله اذا فضيت نزلت لكم موضوع كامل ومتكامل واعذريني الموضوع مو مرتب كتبته سريييع يالتوفيق حبيباتي وادعولي في تخصصي ( طب اسنان )

[د.نوفا]

اهللللين حبيبتي .. مبروك قبوولك
وعقبال ما اشوفك دكتوورة قد الدونيا يااارب

بدآية نظآم الجامعة مو زي المدارس حتحسي بتعب نفسي وجهدي
مابقولك كدآ عشان احبطك .. لآ بس بقولك كدآ عشان ماتيأسي وتقوي عزيمتك واملك بالله

بديت بخطة ( أ ) ويقولو اسهل انك تبدأي فيها لانو موادها تعتبر اسهل من (ب) رغم كثرتها عن خطة ب


اختبرت مستوى انقلش والحمدلله بديت بيفل 2 كان المفروض 3 بس ماركزت وقت الاختبار جاني نوم خخخخخخخ
وخلصت الانقلش بدري الحمدلله لدرجة انو الترم التاني كان عندي 3 ايام اوف تخيلي :)

بدآية مع الفيزياء خلينا نقول ادسم مادة بخطة أ حسب تجربتي .. كنت مع (نور الهدى) وللاسف ما مشيت معاها ابداا كان شرحها بجهة وانا بجهة تانية
بس الحمدلله اعتمدت على الله ثم فيديوهات يوسف زويل.. من الفيديو ع الاختبار والحمدلله زبطت درجاتي وصارت اوكي كمان في مذكرات هناء فرحان اسئلتها تفتح مخك للاختبار

ب الاضافه الى السسسسسكشن مرا مهم كم سؤال منه طبيعي يجي بالاختبار
من ناحية الدكاترة المميزين للماده دي يمدحو سناء اباضة

الرياضيات مادة ماتزيد عن دروس ثالث ثانووووي ابدااا .. كانك بتاخديه بصيغة انجليزية فقط .. الكتاب تمارينو جدا مهمممة بالاضافه للورك شوب وبسسس
كنت مع هتون شعيب انساااااااااااااااااااااانه ماتنوصف اخلاق شرح تعامل دقة بالوقت .. مكتبها مفتوح للجميع الله يسعدها ..

مهارات الاتصال والحاسب اتوقع تعتمد عليكي من ناحية الحفظ .. وماتحتاجي غير الكتاااب فيهم فقط
مهارات اتصال كنت مع سماح عبدالكافي تجججنن ماشاء الله .. والحاسب سناء العويضي والحمدلله عدى بخير

اما خطة (ب)

الاحياء في ناس يحبو يفهمو مايحفظو فاذا كنتي من محبين الفهم انصحك ب حنان الشاذلي روووووووووووووعة مع اني ماجربتها الا محاضرة وحدة لتضارب الوقت بجدولي
كنت عند منى محمود ممممم لآ باس بها طيوبة وماتزعل احد ماشاء الله عليها
بس الاحياء ب النهاية يعتمد على حفظظظظككك من السلايدات فقط كل آلآختبار ماخرج منها ابداا .. والي تختبريه ماترجعي لهه :) >> احسسن شي فيه


اما الكيمياء هي اللي شويا فيهاا حوسةة حبتين بالنسبة لياا
كنت عند دكتورة هااااديه جدا وناااااائمه وماتشرح ع البورد ابدا تخلينا نتخيل المركبات >> الله يسامحها

سحبت من عندها وروحت لدكتورة ليلى >> مو بالساهل التحويل طبعا .. بس كانت في قققققمة الروعة ربي يسسسعدها وين ماكانت .. اكتب نوتس معاها وقت الاختبار ما اذاكر من غيره ماشاء الله .. حتى التيست بانك مامداني افتحو
مشكلتو منهج طووووووووووووويل تقريبا 12 شابتر معانا دآ اللي تعبني ومامداني افتح التيست عشان هيك .. مهم تكون دكتورة الكيمياء ممتازة .. والتخصص يعتمد على فهمك لهادي المادة


اما الاحصاء يشكل مشكلة عند البعض وسسسسهولة عند البعض الاخر
الوحيد اللي فيه نزززاع
بالنسبة لي كنت مرتاحة عند عبير بالبيد لانها كانت تلمح لاسئلة الاختبار وانا كنت اكتب وراها ..
والحمدلله كان جدا حلو .. اكيد فيه لفات بس مشي حالنا فيه ..


وبسس .. ^ مادري ايش احس انا والواني دي هههههههه
الله يوفقك ياااااااارب وتاكدي كلو بفضل الله ثم بفضل اجتهادك راح توصلين لكل اللي تتمنيه
اللهم صل وسلم على محمد

دعواتك لنناا

^_^

[Dr.Merve]

المشاركة الأصلية كتبت بواسطة amal bakhsh للبنات وقف هذه السنة على 97.8 انتظام، والموازي 94.7 بس تتغير من سنة لسنة

مبروووووك للكل على القبول الله ييسرلكم ويفتحها عليكم
بس أبا أسأل كيف يكون اقبول بالنسب؟ مو هوا يعتمد على معدل السنة الحضيرية!!
وسؤال تاني : ليش الموازي تكون نسبته مختلفة عن الانتظام العادي؟

[Amal Bakhsh]

المشاركة الأصلية كتبت بواسطة dr.merve مبروووووك للكل على القبول الله ييسرلكم ويفتحها عليكم بس أبا أسأل كيف يكون اقبول بالنسب؟ مو هوا يعتمد على معدل السنة الحضيرية!! وسؤال تاني : ليش الموازي تكون نسبته مختلفة عن الانتظام العادي؟

لا القبول يعتمد على النسبة العامة لكل المواد والخاصة لانه مثلا وحدة تكون جايبة معدل 5/5 والتانية 4.9/5 بس نسبة التانية ممكن تكون اعلى من الاول... راح تفهمي دي الاشياء كلها بالتفصيل بعدين... وجواب سؤالك التاني لانه الموازي ما فيها مكافأة

[رَزَان]

هنا تجربتي وإن شاء الله تستفيدي

http://www.skaau.com/vb/showthread.php?t=705513

[روانُ .م]

المشاركة الأصلية كتبت بواسطة dr.merve مبروووووك للكل على القبول الله ييسرلكم ويفتحها عليكم بس أبا أسأل كيف يكون اقبول بالنسب؟ مو هوا يعتمد على معدل السنة الحضيرية!! وسؤال تاني : ليش الموازي تكون نسبته مختلفة عن الانتظام العادي؟

القبول يعتمد على النسبة اللي من 100 و ليس المعدل من 5

و بالنسبة للموازي نسبته أقل لأن مافيه مكافئة .. الاغلب يطلب انتظام عشان كذا نسبته ترتفع