اربع مرات أختبرت هالماده

[القحطاني1]

اخي ابوفيصل من دكتور المادة معك

[أبــ نواف ـو]

أخوي أبو فيصل12
والله ان أكثر عقدة عندي الحسابات والقوانين مثل الرياضيات والاحصاء ولا تنسى e

لاكن في حاجة مهمة انت ناوي تاخذ شهادة جامعية والمواد هذي لازم تنجح فيها

حاول تتجاهل حساسية هالمواد

بصراحة المادة نظري زي التعاريف احفظها والحسابية تجيك بالاختبار القوانين كاملة

مسألة تركيز فقط انك تفرق بين مثلاً منوال ووسيط وكذا والدورة التاهيلية مهمة مهمة مهمة

نصيحة لك نزلها الترم الجاي انا الحمدلله خلصت 221 و 222 وجبت +b والدور على القياس

لاتخليها عقبة لمستقبلك وموفق خير أن شاء الله

[لعيون مغليهآ]

نصيحتي م تاجل الماده لان لها متطلبات ومهمه مره وانت تاخرت بتعدي الماد من اول ترم لها والمتطلبات القادمه تجبرك تاخذ بالترتيب اسال الله ان يفتح عليك ويعينك الماده يبي لها جهد بالاعتماد ع الله ثم نفسك لانك لو رحت لاستاذ خصوصي ممكن مايخلص لك استاذ زياد برغم صعوبة اسئلته لكن جدا متعاون ماشاء الله خذ معه

[لعيون مغليهآ]

انا اعرف طالبات رسبو كذا مره وطلبوا الاساتذه ان يدفوهم لان مافي امل والحمدلله اعطوهم درجة نجاح ماعرف لو انتم كمان كذا عندكم

[omfaisal2005]

اخوي ابوفيصل انا جبت الدرجة الكاملة فيها لكن شرح دكتورتنا اكثر من رائع ويرسخ بالراس الله يذكرها بالخير دلال المقاطعي

بالتوفيق ان شاء الله

[$ الـجـوهـرهـ $]

المشاركة الأصلية كتبت بواسطة من الجامعة لا تقسون على الرجل .. أنا برأيي ليس بالشيء السهل يختبر أربع مرات ، ولكن أيضا ليس بشيء فريد وسابقة .. الأمر بسيط جدا و أبسط مما تتخيل : أنا ما أنصحك تتعب نفسك وتراجع الدكتور لأن غالبا تكون الدرجات عادلة و يعطيك ما أستحقيته .. ولكن اضفها الترم القادم حتى لا تكون عقدة وتؤثر عليك بموادك الأخرى ، وحاول بقدر المستطاع تحضر الدورة التأهيلية وتفهم الشروحات ، و تحفظ الأشياء المهمة من الكتاب .. و بكذا بإذن الله عز وجل تضمن درجة النجاح .. الأمر بسيط .. لا تضيق على نفسك والله وسع عليك

لا يااخوي مين قالك الدرجات عادله

قبل يومين وحده من الاخوات واتوقع بمادة العيادي

اخذت بالاختبار 62 وحست انها ماهي درجتها وراحت راجعت الدكتوره وطلبت ورقتها طلعت اجاباتها صح وعدلت لها الدرجه واخذت بحوالي 90 مااتذكر بالضبط

وافتح كثير مواضيع من الاخوات والاخوان وانت بتشوف كيف مو دايم التصحيح عادل


عسى الله يوفق الجميع

[$ الـجـوهـرهـ $]

المشاركة الأصلية كتبت بواسطة ابوفيصل12 المدخل الى الاحصاء النفسي 221أختبرتها اربع مرات وقبل المره الرابعه خذيت مدرس وقلنا خلاص بنعدي من هالماده وفجئه تنزل والنتيجه راسب حبايبي اذا احد عنده حل لا تبخلون به علي هل اكلم الدكتور او اطلب مراجعه ورقت الاختبار او اتقدم بشكوي للجامعه

حسبي الله والنعم الوكيل

وربي شي يغبن الصدر ويحرق القلب

ايش الاستهتار هذا

اذا متأكد من حلك روووووووووووووح راجع لااااااا تسكت

شوف اغلب الاخوات راحوا راجعوا وطلع في غلط بالتصحيح والرصد

اذا متأكد يااخوي روح ولا تسكت عن حقك

اربع مرات مهزله وربي

واذا طلع الغلط من اجاباتك لا تشيل هم

افتح هنا بالمنتدى مواضيع شرح الماده للاستاذات دلال المقاطي وايمان الطباع

لان المنهج واحد والشرح واح اللي يختلف الاسئله بناء على دكتور الاولاد


انت افهم الشرح وبتعرف تحل بأذن الرحمن

عندك اكبر مثال انا ... انا حدي بالحساب 1+1 بسس انا مييييح بالحساب والرياضيات


وبفضل الله ثم شرح الاستاذات هنا بالمنتدى وطبعا مدرسه خصوصية اخذت فوق 90 ماشالله لاقوة الا بالله

انت اووول خطوه رااااااجع ورقتك وشةف ايش الغلط


وانا حاسه الغلط من التصحيح والرصد

وربي يخدم غفلتك ويسخرلك اللي يوقف معاك

[ابوفيصل12]

اشكر الله ثم اشكركم على ردودكم
واليوم رفعت طلب عن طريق المعاملات الاكتروني بأعادة تصحيح المادة لعل وعسي نلقى حل
والله ولى التوفيق