ساعدوني ابغا اعرف كيف اقدم اعفاء وكيف اقدر احول من كليه لكليه اخرى !!

[بقايا أنسان]

المشاركة الأصلية كتبت بواسطة مجنونة بيبي الله يووفقك ويسعدك ربي من جد ساعدتني كتير واستفدت من ردك كتير الله يوفقك يارب .. انا دحين حروح اسوي زي ماقلتلي وحفضل ادعيلك دايما ... مشكور اخويا عالمساعده ..," بس بخصوص التحويل من كليه لكليه يمديني احول علطول ولا مو اكيده الكلام دا ؟؟ ولا فيه شروط ؟؟ يعني اروح اقولهم ابغا احول من كليه لكليه اخرى يوافقو علطول ؟؟ ولاكيف :(

اولا انا بنوته ياعسسسسسسسسسسسسسسسل وتسلمي ع الدعااااوي ربي يسعدك

بخصوص التحويل من كليه لكليه ممكن تقدمي اليوم بس بعد ماتقدمي اعاده قيد واحتمال اعاده القيد ياخذ يوم كامل فارجو انك تسالي عن دي النقطه

طبعا ح تعبي استماره عن طلب التحويل من كليه لكليه وماراح ياخذ منك وقت ممكن تقدمي اليوم وثاني يوم البيانات بالاودس متغيره

ان شاء الله مايعكوها معاك وربي يسهل لك ياعسل

تحياتي لك

[مجنونة بيبي]

ابشرك انا من شويه رجعت من الجامعه الحمدلله كلو تمام

سويت اعادة قيد وقالت بخصوص التحويل بعد اسبوعين اجي

ودي بدايه طيبه بإذن الله ومرا تسلممي ياعسل وسامحيني ماعرفت انك بنوته غير دحين

المهم ربي يجعل كل دعوه حلوه دعيتها من نصيبك ..

مرا تسلمي حبيبتي .. دحين باقي اشوف موضوع الاعفاء واي قسم افضل شي ادخلو

دعواتكم .."

[мѕнαзя]

بنسبه للاعفاء لما يفتحح التسجيل قدمي و طبعا لها شروط من نفس موقع الجامعه في من عمادة خدمة المجتمع
و بعدين اعتقد اذا تم قبولكك راحح يرسلو لكك رساله على الجوال تاريخ تقديمكك في الاوراق
هدي الاوراق المطلوبه مكتوبه في الموقع تطبعيهاا و تروحي على الموعد في مبنى تلاته الدور التالت و روحي بدري لان في الغالب يكون زحمه



وربي يسهلكك امرككك

[مجنونة بيبي]

تسلمي اختي ماقصرتي وان شاءالله راح اشوف الموضوع وربك يسهلها ويحلها ..

[بقايا أنسان]

المشاركة الأصلية كتبت بواسطة مجنونة بيبي ابشرك انا من شويه رجعت من الجامعه الحمدلله كلو تمام سويت اعادة قيد وقالت بخصوص التحويل بعد اسبوعين اجي ودي بدايه طيبه بإذن الله ومرا تسلممي ياعسل وسامحيني ماعرفت انك بنوته غير دحين المهم ربي يجعل كل دعوه حلوه دعيتها من نصيبك .. مرا تسلمي حبيبتي .. دحين باقي اشوف موضوع الاعفاء واي قسم افضل شي ادخلو دعواتكم .."

الحمدلله دي بدايه طيبه وحاليا ممكن يكون بياناتك بالاودس فعال

او بالكثير بكره

بخصوص التحويل قالت لك بعد اسبوعين افضل تروحي نهايه الاسبوع الجاي كل ماكان بدري كان احسن واضمن

لانو ممكن بعد اسبوعين يكون انتهي فتره التحويل

امابخصوص الاعفاء راح يكون في اعلان للمنتدي اول ماينحط الراتب قدمي وان شاء الله يقبلوك

بالتوفيق ياقمر

[مجنونة بيبي]

من جد تسللمي كتير ياقلبي .. الله يسعدك ويوفقك على وقفتك معايا

جزاك الله خير .. كوويس انك قلتيلي لاني مو مستعده اخد بكلامهم وبالاخر اطلع خسرانه :(

المهم ينفع اروح بكرا او الاسبوع دا ؟؟

ولا كيف ؟؟

[مجنونة بيبي]

.....

[بقايا أنسان]

اول شيء تحول وضعك الى فعال

اذا بياناتك بالاودس فعال روحي بكره وحولي

صحبتي راحت الاربعاء وقدمت طلب تحويل للتعليم عن بعدد واستقبلو معاملتها

انتي ح يكون تحويل من كليه لكليه من اداب الى كليه اعمال موارد

روحي بكره وجربي وربي يسهل لك

[مجنونة بيبي]

طيب حلو انا دحين حالتي الدراسيه مستمر الحمدلله ..

بس ابغا كلام اكيد عشان والله بيتي يعتبر بعيد مرررا عن الجامعه مشوار حق ساعه كامله لين اوصل :(

وغير كدا المواصلات صعب الاقيها الابالقوه .. عشان كدا ابغا كلام اكيد اذا فيه تحويل حاليا ولالا ..؟

وكل ماادخل الموقع الرئيسي للجامعه مدري غيروه صاير تقيل مرا ومايشتغل عندي كويس وفاشل ماستفيد منه شي


عشان كدا حايسسسه على الاخر :(

اختي ابغا نصيحتك اذا عندك خبره بالكليه .. ايش تنصحيني ادخل قسم ؟؟

انا كنت ابغا ادارة اعمال وبعدين غيرت رايي وقالولي انه انتظام القسم دا .. بعدين دحين بفكر


ادخل اداره عامه بس حابه اعرف عنها ايش ادرس وكيف مستوى الصعوبه وهل فيها محاسبه ولالا ؟؟


خصوصا اني ابغا قسم مافيه محاسبه :(


الي يعرف شي عن المطلوب يديني رايه .. بانتظاركم حبايبي .."

[بقايا أنسان]

ارسلت لك رد ماطلع

المم مين قال لك اعمال انتظام بس

اختي تعليم عن بعد وتخصص موارد واعرف ناس انتساب وموارد

قبل ماتروحي جربي تقدمي معامله وان شاء الله تزبط معك

http://ers.kau.edu.sa/student/index.asp