تدريب صيفي .............

[طالبة محاسبة]

المشاركة الأصلية كتبت بواسطة charming lady هاااااي مررره sorry تأخرت عليكم بالرد.. اول شي سعودي أوجيه هيا شركه سعوديه لبنانيه.. بس بسراحه ايش نشاطاتها مااعرف.. اللي اعرفه بس انها حقت اولاد رفيق الحريري وتعطي كل سنه دورة مجانيه لطلاب الجامعه والثانويه في معهد معين هما يحددوه.. تدرسو انجليزي وكمبيوتر ويعطوكي عليه مكافأه 500 ريالززز يعني فله ودراسه بلاش وفوقها فلوس .. وين تلقونها ودا السايت حقهم http://www.saudioger.com/index.html ورقمهم 6940002 انتو دقو وشوفو ايش يصير معاكم اما بالنسبه للغرفه التجاريه دا رقمهم 6515111 تحويله 4111 -4115- 4116 -4114 اسألو عن التدريب الصيفي عندهم ..اظن والله اعلم انه عندهم التدريب من غير اي مكافأه في الحياه..بس اظن خبره بالنسبه للبنوك.. قرفووووووووووني.. كل ماادق على بنك يزحلقوني.. الي يقولي لسه واللي يقولي خلاص اكتفينا واللي يقولي مدري اشكلو يعني قلق.. الوحيد اللي اداني وجه بنك الاهلي رسلت السي في علي ايميلهم وخلاص بس انتو اتصلو وجربو الأهلي 6673215 سامبا 6533555 بنك الرياض 6513333 الجزيره 6098888 الراجحي 6422111 وبسسسسسسسسسس ونصيحتي الأخيره لكل وحده تبغى تتدرب بالصيف انها تتوجه لمكتب العمل .. لا تفكرو تدقو عليهم لأنه مااحد بي يرد دااااااااااااايما.. عشان كدا روحو بنفسكم عشان يحسو انكم مهتمين.. وترا طلبات التدريب مو بس تكون من البنوك من الشركات كمان.. يعني لازم تروحو وتحطو اوراقكم ان شاءالله كلكم تستفيدو وتدربو.. واذا صار معاكم شي ادعولي بليز موفقييييييييييييين ياقمرررات

مشكووره ياعسل عالرد بس بسالك انا اتصلت عليهم واخذ اسمي ورقمي وقال بتتصل عليك المندوبه بعد مانحصر العدد هل صحيح يتصلوا ولاالسالفه تطنيش زي البنوك .....وايش الاوراق اللي اخذها معاي لانه ماعندي نسخه من شهاده الثانوي والجامعه لسه ماخلصت لو اخذ معاي افاده اني بالجامعه عااادي انتي ايش طلبوا منك؟؟؟؟؟؟

[lolipop]

مشكورة يا قلبي ما قصرتي

اكيد حندعيلك بس ان شاء الله يعطونا وجه و يردو علينا

[charming lady]

بآآآآكووو

طالبة محاسبه

العفو ياقلبوو ماعملت حاجه .. بالنسبه لمكتب العمل مره كويس انهم ردو عليكي لأنه اللي اعرفه انهم مره يعللوو القلب .. وانا اشوف الاصلح انك تروحي بنفسك للمكتب وتقدمي اوراقك لأنه ممكن اسمك ورقمك يروح من هنا ولا من هنا ماتدري "جل من لا يسهو".. بس اوراقك راح تكون عندهم بذاتها وحيكون لكي الأولويه عن الغير.. عموما دا وصف مكانهم

امشي من شارع حراء لين ما توصلي ميدان التاريخ لفي يمين كانك رايحة جرير مول

و أمشي على طوووول لحد ما تعدي جرير مول راح تقابلي مكتبة بصراحة نسيت اسمها لكن مافي غيرها في هذا الشارع

حتلاقو شارع قبلها يعني شارعين رايح جاي ادخلي يمين اول لفة يمين بعدين على طول اول لفة يسار حتلاقي لوحة كبيرة مكتوب عليها مكتب العمل القسم النسائي

مكتب العمل النسائي بجده رقم الهاتف : 6226131 / 6223677 تحويلة 100 /103 / 109

اما الاوراق الضروريه.. اهم شي تاخذي معاكي افاده من الجامعه+صورة من بطاقة الهويه او العائله اذا ماعندك هويه.. كمان لو تزبطي لك C.V وتحطيه مع الاوراق يكون خير وبركه.. لأنه زي مافهمت منك ماعندك صورة من شهادة الثانويه فالافضل يكون تحطي السي في حقك وتذكري كل شي فيها شهادات ودوراتك عشان يكون لكي الأولويه في مكان كويس لما يبدأو يختارو
موفقه ياقلبي


lolipop

ياقلبوو بالتوفيق وان شاءالله راح تستفيدي بس اسمعي كلامي وروحي لهم بنفسك صدقيني حتلقي نتيجه واذا مالقيتي شي حيكون خيره لكي.. والتوفيق بيد الله :)

نصيحه اخيره..

يابنات لا تملو ولا تطفشو حاولو مره واتنين وعشره جربو كل الطرق.. يمكن هيا شغله بسيطه مره بس راح تتعلمي منها انك ماتستسلمي لأي واحد يقفل الباب بوجهك.. لازم تحاولو وتدورو بنفسكم..جمعو الارقام حقت البنوك ودقو عليهم الصباح.. دورو في النت عن شركات تقدم وظايف بالصيف او تدريبات.. دورو ابحثو صدقوني راح تلاقو اللي تبغوه بنفسكم لا تيأسو وتكسلو ابداااا

وربي يوفقنا كلنا

[charming lady]

نسييت اقولكم شي

روحو كمان للغرفه التجاريه انا سمعت انه فيها دورات مجانيه وتدريب

تشاااو

[دلال الحربي]

التقديم للبنوك كان قبل شهر ونص ..

والحين الكل يقول اكتفوو .

ومكتب العمل ان شاء الله بروح يوم الثلاثا واقلكم وش صار هناك ..

وبالنسبه للغرفه التجاريه اتصلت عليهم قبل فتره قالو مافي عندهم بالصيف بس يمكن غيرو رايهم ...

[charming lady]

^
^
^

مين اللي قالك ياقلبي انهم قفلو التقديم !!!

تراهم بكااااااااااااااااااااشين ويقولو كدا بس عشان يزحلقو الناس

انا كلمت واحد في مكتب العمل وقالي هذا الكلام بنفسه.. والعهده على الراوي

بس مااظن انه يكذب .. اصلا ايش مصلحته !! مايبغى لنفسه وجع الراس.. قالي انه لسه طلبات التوظيف مابدينا فيها ولا جانا اي طلب من اي بنك على الاسبوع الجاي تبدأ الطلبات ويجي مندوب من عند البنك وينسقو معاه

عموما !! روحي مكتب العمل و وقتها راح يبان لك كل شي


موفقه ياقلبي

[مراسيم الخجل]

لو سمحتو بنات التقديم لسى مستمر ولا لا؟؟
يقبلو التقديم من غير السعوديات؟؟