اعادة مسار الخدمة الاجتماعية

[طمووح راقي]

المشاركة الأصلية كتبت بواسطة ابويزيد عبدالله السلام عليكم. اخوي طموح راقي هل راجعت الجامعه بخصوص مسار الخدمه الاجتماعيه؟

وعليكم السلام ورحمة الله وبركاته

لا لسا ماراجعتهم كان اليوم اول إختبار عندي واختبرت وطلعت كنت ملخبط وتعبان ومرهق من السفر ومافيني حيل مشيت للشقه اريح ، لكن ممكن يوم الاحد إن شاءالله اشوف هذا الموضوع مع الشؤون التعليمية وشوؤن الطلاب أولا واشوف ايش ردهم لي وان شاءالله تنحل مشكلتي ..

[ابويزيد عبدالله]

السلام عليكم ورحمة الله وبركاته ؛ صباح النجاح والتوفيق والرضى للجميع ،،
الاخ الزميل (طموح راقي) وش صار معاك بخصوص مسار الخدمه الاجتماعيه؟!

[IBRAHIM-Z]

انصحكم لوجه الله غير مسارك الدقيق الى علم اجتماع
لانك راح تتفاجئ مع تقدمك في الخطة بان هناك مواد لاتوجد في الجدول الاختبارات النهائي ولا لها اي خانه في الاختبارات

[IBRAHIM-Z]

اقرب حل علشان تقتنع امسك جدول الاختبارات النهائي وامسك الخطة اللي عندك اللي مساره الدقيق خدمة اجتماعية
وابحث بنفسك عن مواد المستوى السابع والثامن في جدول الاختبارات
واشوف رمز المادة ورقمها ماراح تحصلها

[ابويزيد عبدالله]

المفروض تنزلها عن طريق الحذف والاضافه انا ما انتبهت للموضوع الا متأخر وبالتالي اعتقد اني راح اخذ ترم اضافي (زياده بعد الثامن

[عبدالله ابراهيم المسعود]

المشاركة الأصلية كتبت بواسطة ابويزيد عبدالله المفروض تنزلها عن طريق الحذف والاضافه انا ما انتبهت للموضوع الا متأخر وبالتالي اعتقد اني راح اخذ ترم اضافي (زياده بعد الثامن

الله يرضى عليك يا ابو يزيد الخدمة الاجتماعية لم تعاد ولم يطرأ أي جديد عليها وما تقدر تاخذ ترم اضافي بعد الثامن لانك ما راح تقدر تنزل مواد الخدمة الاجتماعية لانها للانتظام فقط غير الخطة بالاودس لعلم اجتماع وريح راسك ما فيه فرق بينهم واعتقد علم الاجتماع افضل وكلهم مجالهم واحد في التوظيف ,,,,,, حتى اللحظه لم يتم التعديل وادخل على الشئون التعليمية بكلية الاداب ما راح تلقى الا مسار علم الاجتماع فقط لم يدرج خدمة اجتماعية للانتساب نهائياً,,,,, بالتوفيق ان شاء الله

[ابويزيد عبدالله]

ابو ابراهيم مساك الله بالخير وجميع الزملاء حاب اطرح الموضوع على شكل نقاط حتى تكون واضحه للجميع:
١- انا تم تسكيني بعد السنه التحضيريه بقسم علم الاجتماع / خدمه اجتماعيه واستمر هذا التخصص ٣سنو ات.
٢- في الترم السابع لم ينزل لي الا ماده واحده وكان الوقت متأخر جداً لم اسدد الرسوم الا في اليوم الاخير من المهله وانتظرت اليوم الثاني وارسلت معامله اليكترونيه لكلية الاداب المهم اليوم الثالث نزل لي باقي المواد وماكان عندي فكره عن ان السبب في تاخير نزول المواد هو تخصصي الخدمه الاجتماعيه ولم تنزل لي المواد الا بعد ما غيرو تخصصي الى علم اجتماع .
٣- بالصدفه اكتشفت حذف مسار الخدمه الاجتماعيه من سجلي الاكاديمي .
٤- دخلت المنتدى وقريت موضوع اخونا (طموح راقي) في نفس الموضوع .
٥- فوراً دخلت على موقع عمادة القبول والتسجيل وارسلت لهم ايميل بالتفصيل عن المشكله وفي اليوم التالي ردو علي بان التغيير تم عن طريق الشؤون التعليميه بالكليه والأن تم التواصل معهم وتم اعادتك لمسار الخدمه الاجتماعيه.

* والحين عندي التخصص الدقيق خدمه اجتماعيه الوضع طبيعي جداً والعماده هي الجهه المسؤوله عن هذا الامر طالما هي من اقرته في السابق اما مسألة انهم يقبلونك في مسار ٣سنوات ثم في السنه الرابعه يغيرون تخصصك وبدون علمك لا سيما وانت منتسب وتدفع رسوم سنويه (٦)الاف ريال سنوياً هذا الامر ترفضه الجامعه وعماداتها قبل ان يرفضه الشخص المتضرر .

وفق الله الجميع

[عبدالله ابراهيم المسعود]

ما احب احطم احد لكن لا تتعشم كثير يا ابو يزيد في التغيير انت الحين خلصت السابع معناته بقي لك خمس مواد الثامن وتتخرج ليه تربط نفسك بالخدمة الاجتماعية , اول كان قسم علم الاجتماع لحاله والخدمة الاجتماعية لحالة ودمجوهم صار قسم علم الاجتماع والخدمة الاجتماعية وكل الطلاب منتظمين ومنتسبين تخصصهم علم اجتماع وخدمة اجتماعية - التخصص الدقيق يا علم اجتماع للمنتسبين او المسارين للمنتظمين لكن لم يتم تعديل الخطه للمنتسبين وهذا خطا من تقنية المعلومات وانت الحين مستوى ثامن بتشوف بعينك علم اجتماع جنائي ما تقدر تنزله الا بالتلفون ما ينزل لان له متطلب علم نفس اجتماعي وهو المحذوف من الخطة اصلا قبل اربع سنوات ولم يتم تعديل الخطا حتى تاريخه فالخطأ من تقنية المعلومات المشرفين على الاودس وعمادة القبول والتسجيل لما رجعوا لك المسار خدمة اجتماعية اجزم بانهم لا يعلمون عن التغيير ويعتقدون انك منتظم فتم التغيير واقرب مثال انك ما تقدر تسجل اي مادة في السابع والثامن حتى لو كان مسارك خدمة اجتماعية اتمنى انك تتفهم الموضوع وتكمل الترم الجاي وتتخرج باذن الله علم اجتماع وتواصل المسيرة ماستر في الخدمة الاجتماعية والله يعينك ان شاء الله واخطاء الجامعة شي مهول من دخلنا الى الان --- بالتوفيق ان شاء الله

[راعي الدله]

السلام عليكم

طيب انا مكتوب لي القسم علم الاجتماع والخدمة الاجتماعية والتخصص الاجتماع والخدمة الاجتماعية كذا صح ولا فيه مشكله مع اني خريج الترم القادم ودرست كل مستويات قسم علم الاجتماع

[ابويزيد عبدالله]

الخطه الدراسيه لمسار الخدمه الاجتماعيه من موقع كلية الاداب /الشؤون التعليميه السنوات الثلاث الاولى كل مواد الخطه نزلت لي والترم السابع نزل لي مادتين ، تدريب عملي١ (٤٧١) و اساليب خدمه اجتماعيه(٤٦٣) وفق الله الجميع.
شاهد الخطه في صوره مرفقه