فتح التسجيل في جامعة جــدة لــ(استفسارات & تجمع المتقدمين)ــعـام 1436هـ

[SARO-H]

السلام عليكم .. مساء الخير

أنا سجلت في جَامعة الملك عبدالعزيز .. هل أقدر أسجّل بعد في جامعة جدة ؟
وعندي سؤال ثاني .. سمعت أنه شهادة جَامعة جدة غير معتمَدة ؟
وإذا خلصْت السنة التحضيرية فيها ما فيه مجال أدخل كليات طب أو هندسة للبنات ؟

[بنت ناس وقلبي ألماس]

وعليكم السلام ورحمة الله وبركاته

ايوه تقدري

جامعة جدة سابقاً كانت تحت فرع جامعة الملك عبد العزيز الموجود في الكامل وخليص وعسفان وأيضاً كلية التربية

لذلك فشهادتها معتمدة

أما بالنسبة للطب والهندسة فإذا كانت متاحة للبنات في جامعة جدة فيمديك تدخليها

وفي الموقع موجودة التخصصات المتاحة

[غلا سنيني]

أقدر اسجل في الجامعة بكرت العائلة واحط تاريخ الانتهاء لكرت العائلة وارفق الكرت مع المرفقات ؟ لانو ماعندي بطاقة أحوال ومابقي شي على نهاية التسجيل

[بنت ناس وقلبي ألماس]

^^ نعم أختي

اكتبي رقم السجيل المدني الخاص بك في خانة رقم الهوية

وتاريخ الانتهاء اكتبي تاريخ انتهاء بطاقة الأحوال الخاصة بوالدك

وارفقي بطاقة الأحوال

وفالك القبول

[مجنونة بيبي]

حبيبتي كم المعدل المطلوب بالثانوي عشان يتم القبول فيها ؟؟

وانا بنت خالتي قدمت فيها وماكنت تدري انه دي الاقسام المتاحه فيها ودحين حابه ترجع لجامعةالملك عبدالعزيز

كيف تسووي ربي يسعدك لوتقدري تفيديني اكون شاكره لكي ربي يسعدك

انتظر ردك :)

[بنت ناس وقلبي ألماس]

المشاركة الأصلية كتبت بواسطة مجنونة بيبي حبيبتي كم المعدل المطلوب بالثانوي عشان يتم القبول فيها ؟؟ وانا بنت خالتي قدمت فيها وماكنت تدري انه دي الاقسام المتاحه فيها ودحين حابه ترجع لجامعةالملك عبدالعزيز كيف تسووي ربي يسعدك لوتقدري تفيديني اكون شاكره لكي ربي يسعدك انتظر ردك :)

أهلاً أختي

بالنسبة لمعدلات القبول ما عندي أي خلفية عنها بما إنها أول سنة للجامعة بعد ما انفصلت عن جامعة الملك عبد العزيز

عادي تسجل في جامعة الملك عبد العزيز و لا تطابق أوراقها في جامعة جدة ووقت القبول الإلكتروني لا تأكد الطلب على الرغبة في حالة قبولها في جامعة الملك عبد العزيز وبكذا راح ينلغي تسجيلها

أهم شيء تتأكد من قبولها في جامعة الملك عبد العزيز عشان لا تضيع عليها الفرصتين

ويسعدك يارب

[هشومي999]

السلام عليكم



لي يومين ابغى اسجل في جامعه جده يطلع لي الصفحه غير موجوده جرببت قوقل وكروم وفايرفوكس كلها نفس الشي الي يعرف يساعدني

[بنت ناس وقلبي ألماس]

وعليكم السلام ورحمة الله وبركاته

من هنا رابط التسجيل وشغال الآن:

http://adm.uj.edu.sa/REGISTER.ASP

[N8743]

مافي تحضيري في السلامة ؟؟
انا سجلت في عبدالعزيز بس ابغا السلامة تحضيري ايش اسوي ؟؟

[بنت ناس وقلبي ألماس]

^^ فرع السلامة تابع لحامعة جدة وليس جامعة الملك عبد العزيز

لذلك إذا ما سجلتي في جامعة جدة مافي إمكانية للتحويل إلى فرع السلامة