قصتي (كيف أصبحت معيدة) + إجابة على الاستفسارات فيما يتعلق بالتقديم والمقابلة والتعيين

[باقة ^_^]

انا خريجه بكالوريوس الترم اللي فات
يعنيي لازم اختبر اختبار الانقلش عشان اقدم على معيده ؟
ولازم يكون عندي لغه انجليزيه !!

[باقة ^_^]

المعيدات ليش لازم ابتعاث لهم ؟؟
يعني لازم يكملو الماستر برا ؟
وكمان شهاده التوفل من فين اجيبها او الاختبار البديل ؟

[..microbiologist..]

السلام عليكم

أستاذة بخصوص التقديم على وظيفة معيدة
ماهي الأوراق المطلوب تقديمها مع السي في ؟
يعني أحط نسخ من الوثيقة والدورات ؟ ولا أكتفي بالسي في فقط ؟


وجزاك الله خير

[أرنو للقياه]

battota
شكرا للتوضيح

hadia
آمين يارب وجزاك كل خير

Bashaer
أشكر حسن ظنك ياغالية
أسعدتني كلماتك، ربي يقر عينك بما تحبي

باقة ^_^
اختبار الانجليش من شروط التقديم على معيدة
بس ما أدري هل هو لكل التخصصات أو لتخصصات معينة
ممكن تختبري آيلتس في البريتيش كونسل بجدة
أو الاختبار البديل ستيب
والمعيدات لازم يكملوا ماستر برا

..microbiologist..
وعليكم السلام ورحمة الله وبركاته
بصراحة ناسية ايش الأوراق اللي طلبوها مننا
بس ما طلبوا صور من الدورات اللي بالسيرة الذاتية


.

[battota]

صباح الورد

قريبتي ارسلولها جامعه طيبه فرع ينبع انو تعمل معاهم مقابله شخصيه قريب لوظيفه معيده بس هيا ماتبغى ينبع وقدمت لانو طالبين تخصصها بس بينبع ....وهي الان محتاره بين الابتعاث والاعاده خاصه انو الاعاده بينبع وظروفها ماتقدر تخليها تكون بينبع ....

سؤال 1- هل المعيده تقدر تطلب نقل من فرع لفرع يعني من ينبع للمدينه او من جامعه لجامعه مثل من ينبع لجامعه الملك عبد العزيزومتى تقدر تطلب نقل ؟؟؟

2- المعيده والمحاضره لازم يكملوا دكتوراه ولا هالشي اختياري وبس ماستر لازم ؟

3-اخر شي حابه تسالكم لو قدمت ع طلب استقاله عادي اي وقت ولا ؟؟لانو سمعت هيا انو تقدر تقدم استقاله بعد ماتخدم بعدد السنين اللي درستها برا

[أرنو للقياه]

المشاركة الأصلية كتبت بواسطة battota صباح الورد قريبتي ارسلولها جامعه طيبه فرع ينبع انو تعمل معاهم مقابله شخصيه قريب لوظيفه معيده بس هيا ماتبغى ينبع وقدمت لانو طالبين تخصصها بس بينبع ....وهي الان محتاره بين الابتعاث والاعاده خاصه انو الاعاده بينبع وظروفها ماتقدر تخليها تكون بينبع .... سؤال 1- هل المعيده تقدر تطلب نقل من فرع لفرع يعني من ينبع للمدينه او من جامعه لجامعه مثل من ينبع لجامعه الملك عبد العزيزومتى تقدر تطلب نقل ؟؟؟ 2- المعيده والمحاضره لازم يكملوا دكتوراه ولا هالشي اختياري وبس ماستر لازم ؟ 3-اخر شي حابه تسالكم لو قدمت ع طلب استقاله عادي اي وقت ولا ؟؟لانو سمعت هيا انو تقدر تقدم استقاله بعد ماتخدم بعدد السنين اللي درستها برا

صباح السكر بطوطة

ايوة المعيدة تقدر تقدم طلب نقل خدمات، بس مو دايما تتيسر
يعني أعرف اثنين من صحباتي قدموا نقل، تقريبا بعد 3 سنوات، وتم نقلهم الحمدلله
وقرأت موضوع مرة لمعيدة في منتدى حاولت تنقل وما اتيسر لها للآن
فالمسألة فيها نعم ولا، لازم تحط في بالها دي النقطة

المعيدة والمحاضرة يكملوا ماستر ودكتوراة بالطبع
بس بعض الجامعات تسيبك براحتك كم سنة، والبعض الآخر يضغط عليك تطلعي بأقرب فرصة

الاستقالة ما عندي فيها خلفية

خليها تستخير وتدعي كثير ثم تقدم على الأمر
فإذا اتيسرت فهذا خير لها
وإذا اتعسرت فالحمدلله شر وربي صرفه

.

[N9oora]

مساء الخير عزيزتي ..
ماشاء الله موضوع قيم جدا
الله يبارك لك في علمك

حبيبتي انا الحمدلله قدمت على وظيفه معيده في الجامعه
وكلموني انه عندي مقابله شخصيه خلال اسبوع
لكن في كذا شئ محيرني

اوﻻ: انه انا الحمدلله انقبلت في الجامعه ماجستير تقنيه معلومات
وانا تخصصي اﻻساس علوم حاسب
هل هذا راح يأثر علي اختلاف التخصص ؟ خصوصا انه توني هذه السنه راح ابدأ الدراسه
و الثاني : انه انا كنت مقدمه على اﻻبتعاث و انقبلت لكن ظروفي ماتسيرت ماقدرت اطلع و بعدها قدمت على ماستر عبدالعزيز وانقبلت
و للامانه مااعرف هل راح تساعدني ظروفي اطلع في السنوات القادمه او ﻻ !

حبيت اخذ رأيك بخصوص اختلاف التخصص و هل راح يخلوني اكمل ماستر في عبدالعزيز او انه ﻻزم انسحب منه ؟

وبرضو انتي قلتي انك لمن قدمتي ع الوظيفه كنتي مقبوله في الماستر هل كان ابتعاث او ماستر في السعوديه ؟
وهل عندك نصائح كيف اراجع اساسيات تخصصي ؟

شكرا لك عزيزتي

[battota]

أرنووو للقياده
قصدك نقلوا بعد 3 سنين من الطلب ولا بعد 3 سنين من عملهم نقلوا ؟؟؟؟ وهل نقلوا لفرع تاني ولا جامعه اخرى لانو ابغى اعرف هل من جامعه لجامعه عادي ؟؟

انتي خلصتي ماستر ؟

اخر شي حابه اعرف زياده عن المقابلات الشخصيه لو راح يسالوها عن تخصصها ولالا

[أرنو للقياه]

المشاركة الأصلية كتبت بواسطة n9oora مساء الخير عزيزتي .. ماشاء الله موضوع قيم جدا الله يبارك لك في علمك حبيبتي انا الحمدلله قدمت على وظيفه معيده في الجامعه وكلموني انه عندي مقابله شخصيه خلال اسبوع لكن في كذا شئ محيرني اوﻻ: انه انا الحمدلله انقبلت في الجامعه ماجستير تقنيه معلومات وانا تخصصي اﻻساس علوم حاسب هل هذا راح يأثر علي اختلاف التخصص ؟ خصوصا انه توني هذه السنه راح ابدأ الدراسه و الثاني : انه انا كنت مقدمه على اﻻبتعاث و انقبلت لكن ظروفي ماتسيرت ماقدرت اطلع و بعدها قدمت على ماستر عبدالعزيز وانقبلت و للامانه مااعرف هل راح تساعدني ظروفي اطلع في السنوات القادمه او ﻻ ! حبيت اخذ رأيك بخصوص اختلاف التخصص و هل راح يخلوني اكمل ماستر في عبدالعزيز او انه ﻻزم انسحب منه ؟ وبرضو انتي قلتي انك لمن قدمتي ع الوظيفه كنتي مقبوله في الماستر هل كان ابتعاث او ماستر في السعوديه ؟ وهل عندك نصائح كيف اراجع اساسيات تخصصي ؟ شكرا لك عزيزتي

أهلا برفيقة التخصص : )

ومبارك عليك الماستر ياقمر

ما أقدر أجزم هل يعتبروا هذا من اختلاف التخصص أو لا، بس أنا مثلك تخصصي الأساسي علوم حاسب، ولما كنت مقدمة ماجستير، في البداية اخترت ماجستير تقنية معلومات، ووافقت لي عادي الجامعة، يعني ما قالوا لي إنه هذا تخصص مختلف، بس بعدين غيرت وخليت ماجستيري تخصص دقيق في علوم الحاسب، لكن ما أقدر أضمن لك إنه ما يعتبروا وضعك من اختلاف التخصص.

بالنسبة لماجستيرك في جامعة الملك عبد العزيز، أول شي استعدي لهذا السؤال في المقابلة ^^ :
(( ليش كملتِ في جامعة الملك عبد العزيز وما فكرتِ تكملي برا ؟ ))
جهزي الجواب من الآن، واسألي الله يسددك للصواب في الإجابة، كوني حذرة في دي النقطة لأنه البعثة عندهم مهمة فلو شافوا إنه ظروف البعثة راح تظل متعسرة فماراح تكون هادي النقطة في صالحك. أما بالنسبة لسؤالك هل حيخلوكِ تكملي ماجستير في عبدالعزيز أو يطلبوا منك تسحبي فما أعرف، لكن زميلتي قدمت معايا على المعيدية وانقبلت وكانت تدرس ماستر في جامعة الملك عبد العزيز، الفرق بينك وبينها إنه لما قبلوها معيدة كانت أظن في السنة الثانية من الماستر خلاص، فما خلوها تسحب، لكن انتِ لسا دي السنة حتبدئي، فالله أعلم يخلوكِ تسحبي أو لا.

بالنسبة لمراجعة أساسيات التخصص، فللأمانة احنا ماسألونا أسئلة في التخصص، بينما زميلتي حكتني على مقابلة لوظيفة أخرى بالجامعة قدمت هي عليها، تقللي سألوهم أسئلة دقيقة في التخصص، فصعب تتنبئي هل حيسألوا أو لا وايش نوع الأسئلة، بس إذا تقدري تطّلعي عالأساسيات في التخصص زي أساسيات البرمجة وقواعد البيانات وبرامج التشغيل، بالإضافة إنه يكون عندك خبر عن آخر المستجدات في علم الحاسب لأنه ممكن يسألوكِ عنها.

بالتوفيق إن شاء الله

[أرنو للقياه]

المشاركة الأصلية كتبت بواسطة battota أرنووو للقياده قصدك نقلوا بعد 3 سنين من الطلب ولا بعد 3 سنين من عملهم نقلوا ؟؟؟؟ وهل نقلوا لفرع تاني ولا جامعه اخرى لانو ابغى اعرف هل من جامعه لجامعه عادي ؟؟ انتي خلصتي ماستر ؟ اخر شي حابه اعرف زياده عن المقابلات الشخصيه لو راح يسالوها عن تخصصها ولالا

نقلوا بعد (تقريبا) 3 سنين من العمل وليس من الطلب
والنقل كان من جامعة لجامعة أخرى
بالنسبة لماجستيري فايوة الحمدلله خلصت
أما أسئلة التخصص في المقابلة فممكن يسألوا وممكن لا، قوليلها تراجع أساسيات التخصص وآخر المستجدات، حتى إذا سألوها تكون عارفة الجواب إن شاء الله، وإذا ما سألوها فمو مشكلة الكم يوم اللي راحت في المذاكرة ولا إنه الواحد يجازف وما يذاكر ثم يتورط : )


.