الاستفسار عن مسار الفسيولوجي او الاجنه بالنسبه لعل

[ابتسامة دمعة]

توتية هلابك ياقلبي .. ان شاء الله نشوفك ونتعرف عليك وعلى البنات كلهم ..

[never hide]

الف شكر لمعيده المستقبل ً أمونة أنا جاية بكرا و ياريت اشوفكم كلكم و ياريت التفاصيل المتعلقة باللقا. نكملها سوا في الموضوع الجديد اللي خطته الاخت الله يجعلها معيده يارب

[hadole]

اوكي يابنات السبت مره كويس وبالنسبه للورق خلاص انا انتهيت منه كامل بكره الساعه كم حابين نتقابل لان زميلتي معايا حابه تتعرفه عليها عشان تكون همزة الوصل بيننا

[the lady]

اوكي بنات بكرة نتقابل إن شاء الله
انا وصحبتي مسوين اليوم الوطني لبسين اخضر وجنز هههههههههههههههههههه
اشوفكم بكرة

[صاحبة الوفاء والاحساس]

من الساعة ثمانية ونصف لتسعة ننتظر تجمع الكل
انا عن نفسي راح اكون من بدري في الكافتيريا بإذن الله ثمانية راح تشوفيني لانه راح اكون موجودة من قبلها
راح البس بلوزة فوشيا وتنورة جينز
تصبحوا على خير نلتقي على خير

[أدعولي حلمي أكون معيد ه..]

السلام عليكم ورحمة الله وبركاته
كيف كان اول يوم لكم بالجامعه
ان شاء الله اموركم تمام
حبيت اكتبلكم دورات مركز التطوير الجامعي
1\مهارات وطرق البحث و الكتابه العلميه
التاريخ 8و9و10و11\11\1431ه
الساعه 1-4
الدوره مدتها 4 ايام
2\أساليب العرض الفعال و طرق التقديم
التاريخ 28 و 29 و30 \ 12 \1431ه
الساعه 1-3
الدوره مدتها 3 ايام
وفقكم الله

[صاحبة الوفاء والاحساس]

المشاركة الأصلية كتبت بواسطة أدعولي حلمي أكون معيد ه.. السلام عليكم ورحمة الله وبركاته كيف كان اول يوم لكم بالجامعه ان شاء الله اموركم تمام حبيت اكتبلكم دورات مركز التطوير الجامعي 1\مهارات وطرق البحث و الكتابه العلميه التاريخ 8و9و10و11\11\1431ه الساعه 1-4 الدوره مدتها 4 ايام 2\أساليب العرض الفعال و طرق التقديم التاريخ 28 و 29 و30 \ 12 \1431ه الساعه 1-3 الدوره مدتها 3 ايام وفقكم الله

عادي اذا سجلنا فيها وماقدرنا نحضرها عادي
وكمان اسجل فيها عن طريق النت ولا اروح فين لان بالنت ماعرفت اشرحولي كيف بعد اذنكم
اليوم داومت واخذت البطاقة وعندي مشكله انهم كاتبلي بالاوديس قبول مشروط وارسلوني للشئون الاكاديمية وكلمتها وعبيت نموذج عندها لانها قالت ليا انا اعملك اضافة المواد من عندها طيب داحين لما فتحت الاوديس لقيت الحذف والاضافة مفتوحة طيب استناها لما تضيفي ليا ولا اضيف انا من عندي خايفة تتاخر ويقفل الشعبة لانها واحدة فقط

[lavita]

السلام عليكم ورحمة الله وبركاته

كيفكم بنات؟

الحمدلله اليوم رحت الجامعة واستلمت البطاقة وشفت بعض بنات المنتدى وان شاء الله اشوف الباقي ويارب توفقنا ونجتمع على الاخاء والتعاون ونكون يدا وحدة

وجزاك الله خير ادعولي اصير معيدة وربي يوفقك ويحققلك امنياتك
بالنسبة للدورات هل هي مجانية ؟ وكمان ياترى نسجلها من النت ولا من الجامعة ؟

صاحبة الوفاء والاحساس كيفك ياقمر؟ تبغي نصيحتي ؟ لو كنت مكانك مادام عندي ايقونة الحذف والاضافة حأضيفها بنفسي تعرفي الموظفات يناموا على الاوراق وكمان اكيد يومياً حتلاقي عندهم زحمة بنات فيمكن ينسوا لا سمح الله ..ثم ايش الفرق لو اضفتيها انتي أو اضافتها هي ؟

والله انا لسة محتارة ما اضفت شيء بستنى ليوم الاثنين نشوف المعاملة العجيبة دي مع اني في نفس الوقت قلقانة مايوافقوا على حكاية التأجيل ويروح عليا تسجيل المواد

على فكرة رحت للمكآفات قالت لي الموظفة اذا استلمتوا الجدول تعالوا لو اتحقق فيكم شرطان ان الام سعودية وما تكوني موظفة

[صاحبة الوفاء والاحساس]

يالافيتا فتحت الايقونة عشان اضيف المواد بنفسي لقيت انه كاتبيلي انه عندي مواد تكميلية وهو ماعندي من الاساس عشان كذا مااقدر اسجل بنفسي وباق البنات سجلوا عادي المواد بنفسهم وفتح الاوديس لهم
استغفر الله

[roro85]

السلام عليكم ..

اختي صاحبة الاحساس انتي نفس مشكلتي انا مني عارفه ايش اعمل انا اليوم لمن روحت قلتلهم على انو مكتوب جنب

التعريف اني قبول مشروط قالتللي ناقصك ورقه نتيجة اختبار الكفايات روحت دورت الجامعه كلها عشان احد يطبعها الله

يسامحهم تقولو انهم بيدفعو الحبر والورق من جيبهم الا الاستازه بسمه اللي في القبول الله يسعدها طبعتلي هيها ورحت

بعدها للشؤون الاكاديميهع ولقيت موظفتين ان شاء الله اني حوديهم في داهيه لانهم اصلا مايبو يشتغلو جايين حكي

وسوالف المهم غير قلة احترامهم الصراحه مررررررررررره نرفزوني بس ازا كان عندك ...... قوللو ....
المهم اسفه اني بتكلم كدا بس قلة احترام معرف ليه وتلاقيها بشهادة ثانويه متوظفه <<<انا عارفه اني رايحه فيهاا

نرجع لمحور حديثا المهم لمن جبتلها الورقه ادتني ورقه اكتب فيها المواد اللي ابغى اضيفها وقالت انو هيا حتضيفها من

عندها ودحين دخلت لقيتها ماغيرت ساكناا كل شئ زي ماهوا ولا اقدر احذف ولا اضيف ويقوللي اني عندي مواد تكميلي

وانا وراثه ماعندي تكميلي فشككوني انهم يكونو غيرولي التخصص في الجامعه تتوقعي منهم اي شئ قمممممة الاهماااال

فاشكلي هرجع بكره اروحلهاا وخايفه افقد اعصابي :(