حـــرهـ

[بيو كيميائية ^_^]

أجمـل مافي الإختيار الحريـة

وأصعب مافي الإختيار المسؤولية

[بيو كيميائية ^_^]

يـاريت نقـدر نختار حياتنا اللي نبيها

لكن للأسف نحـن سعوديين وعندنا معوقات كثيرة

سُحقًا لكل شخص متجبر أناني لا يحترمـ حياة الآخريـن :@

[بيو كيميائية ^_^]

إنـفجـــــــار :@

[بيو كيميائية ^_^]

ليش مانشوف يعلنون عن جمع تبرعـات حق فقراء السعودية

[بيو كيميائية ^_^]

طول الشهـر الناس تتسوق وزحمة

لكن ليش تزيد الزحمـة آخر رمضـان !!

[بيو كيميائية ^_^]

شيء يحـير دائمـًا يقولون الزواج التقليدي هو الأفضل لكـن أشوف نسبة الطلاق زايدة زايدة بشكل مو طبيعي

وكثير يتطلقون بعد شهر أو سنة أو سنتين

أعتقد إن جيلنا مايقدر يعيش مع شخص ماإختارهـ ومايبيه

الأفضل إذا أحد تزوج بالغصب يروح يكلم الطرف الآخر ويصارحه عشان يتطلقون بأقل الخسائر والأضرار

أو يجلس يطفشـه ليـن مايحس إن مغصوب عليه

وبكذا تقل الخسارة

أتضايق إذا شفت بنت أو ولد متزوجين بالغصب :(

[بيو كيميائية ^_^]

أحس إني صرت متعـصبة :(

[بيو كيميائية ^_^]

يومـ الخمـيس ولد خالتي لما جاء قامـ يحكـي لأخواني علي ومحمـد

ويقول لهم إنه يحـب بنت عمـه

إخوي علي و ولد خالتي نفس العمر لكن أخوي علي سابقه في الدراسة عشان أمه أخرت ولد خالتي سنة

فيعني أعمارهمـ 16 سنة تقريبًا

ومحمد طالع ثالث متوسط

بزارين وغير إنهمـ مايفهمـون هالأشياء مو مثله

فإخواني جاوا يحكون لي سالفته

وهم يحكون لي

حمـود يقول أنا إنصعقت أول ماعرفت صرت مصدوم o_o

وعلي يقول مسلسل تركي شكله متأثر بهالأشياء

أنا سألتهمـ و شلون حباهـا وكم عمرها ويكلمها وإلا وهي تحبه وإلا

قالوا ماندري كيف ما سألنا عن هالأشياء خلاص بنسأله لما نشوفه الخميس أو يوم العيد

لكن هي رايحة ثاني أو ثالث متوسط

قلت لهم طيب هو ليش حباهـا قالوا ماندري يقول حليوهـ خخخ

وقال إن لما كانوا صغار قالوا إن بيزوجوهم بعض وهي قالت ماتحبه وماتبيه خخخ

أخوي حمـود يقول أصلًا كيف شافاهـ وشلون يشوفون بعض المفروض مايشوفون بنات قلت له في بيت جدهمـ يشوفون بعض تلاقيهم

طيب هذا إحنا مانشوف بنات عمنا ولا عمتنا وقام يأشر على بيت عمي اللي ورانا وبيت عمتي

قلت لهم هم غير تعرف مو مثلنا

بس أنا أشوف هالشيء مو حب أول حاجة صغير و سبب غبي

[بيو كيميائية ^_^]

الأسبوع الماضي رحنا الظهران مول

دخلنا أول محل نشتري جزمـ الله يكرمكمـ

أنا أخذت واحد وأختي الأكبر مني اثنين

أنا مسكت حقي وأختي عطت أخـوي محمـد كيسها

دخلنا المحل الثاني منير يبي شمـاغ

ومالقينـا مقاسه تبع الموديل اللي عاجبه

وطلعنا ودخلنا كذا محل لين ماوصلنا زارا

كان زحمة مو طبيعية حتى قسم الرجال زحمـة بس أخف من الحريم لكن مو مثل لما أدخله الأيام العادية

وجالسين بياخذون حق علي جاكيت وبنطلون رسميين وقميص

وأنا واختي الأصغر مني طفشنا فجلسنا على الكرسي وجلسنا نعلق

جاء واحد وحرمته لابس قميص أبيض وحرمته ترويه قميص أبيض نفس اللي عليه الفرق في الكلر فيه حاجة زرقاء وإلا هو نفسه حتى القماش

أنا أقول لأختي شوفي بتاخذ له نفس اللي عليه شوفي الغباء بس

هم قراب وشكله سمعني وطالع فينا :$

وقال لها شكله وماأخذوهـ

بعد الوقت اللي جلسناهـ في المحل أختي تسأل علي تعال أنت بتلبسها بس في العيد وإلا كذا مرة قال بس في العيد

قالت مافيه خلاص رجعها

قال ول سؤال واحد خرب كل شيء

لما طلعنا من المحـل منير يقول وين الكيس الثاني

وننتبه إن الكيس اللي شريناهـ من أول محل إختفى

ونسأل محمد وهو خايف ومانطق حرف

ونعمل إسترجاع وندخل كل محل دخلناهـ ونسألهم عن الكيس

وبعدهـا لقيناهـ في ثاني محل دخلناهـ اللي ماشرينا منه شيء

تونا داخلين أول محل ينساهـ في الثاني مو طبيعي هههههه

[بيو كيميائية ^_^]

أخوي محمـد لما نسمـيه محمـد حمـود حميد مايرد

لكن من نسمـيه دحـومـ يرد ويقول هاهـ

فصرنا كلنـا نسمـيه دحـومـ

أوقات يعصب لكن أقول له شوف هذا أنا قلت محمد حمود حميد ماترد إلا على دحومـ

مشكلتكـ هذهـِ :)