هنا نقهر الستيب معـا - (متجدد)

[leenah2010]

آمين، الله يجزاك خير ويسعدك يا رب..
تسلمين على المرور الرائع..

[mno24]

اخت لينا الله يجزاك خير ابي اسال انا ضعيفة جدا بالليسينينغ وش اسوي عشان اقوي نفسي

[العلم حياتي]

المشاركة الأصلية كتبت بواسطة mno24 اخت لينا الله يجزاك خير ابي اسال انا ضعيفة جدا بالليسينينغ وش اسوي عشان اقوي نفسي

اختي اذا تحبين تتقوين في الاستماع لازم تسمعي انجلش كثير من كل مكان سيديهات, مواقع, قنوات تلفزيون وهناك طريقة حلوة كذلك بعض المواقع تعطيك اسئلة في الليسننج وتعطيكي السكربت يعني النص تبع الاستماع ممكن تسمعي وتقراي الكلام عشان تتعودي وفعلا هذة الطريقة مفيدة جدا واحد المواقع الجميلة www.esl-lab.com

[leenah2010]

mno24، هلا بك حبيبتي.. زي ما قالت العلم حياتي، الاستماع يبغى له تمرين وتعويد،
وإلمام بالمفردات الأساسية وطريقة نطقها، ويوم الامتحان المطلوب تركزي وتفهمي،
وحطي في بالك إنه بعض الأسئلة ما تكون صريحة، مثلا، لو ذكروا لك في محادثة إنه أحمد
يذاكر الآن، وبعدين سألوك اش وظيفة أحمد، تختاري طالب..
لا تشيلي هم لأنه مو صعب إن شاء الله، ولو حابة تتطلعي على التمارين اللي ذكرناها هنا،
راجعي الردود رقم:
1 - 8 - 20 - 34

[co3]

مشكورة اختي لينا عالمجهود الكبير ..........الله يعطيك العافية

الاختبار يتألف من الاقسام التالية :(قرامر- قطع - سماعي - تحليل الكتابة )
سؤالي :1) يعني ايش قسم تحليل الكتابة؟؟

2) سمعت انه فيه قسم (قراءة ) هل يقصدون نفس قسم القطع ؟؟

سامحيني عالاطالة

[meme_3223]

http://www.skaau.com/vb/member.php?u=116296 قراءة هو القطع .. وعليها مجموعة أسئلة ..
تحليل الكتابة : ما مر علي الاختبار الماضي (تحليل كتابة)..
لكن قد يكون قصدهم كلمات ومعانيها ،
تجيكِ كلمة ومجموعة خيارات وتختاري أقرب معنى لها ..

[leenah2010]

co3، هلا بك منورة يا الغلا، وتستاهلون أكثر حبيبتي،،

1- تحليل الكتابة يهتم بقواعد الكتابة، يعني طريقة كتابة جملة صحيحة بشكل عام،
مثل الحروف الكبيرة والصغيرة، الفواصل والنقط، الربط بين الجمل بأدوات الربط.....الخ
مثلا ممكن يجيب لك جملة، ويحط لك خطوط تحت كلمات معينة فيها، ويسألك اش الكلمة الخاطئة..
حملي النشرة من أول صفحة في الموضوع، وحتلاقي أمثلة على تحليل الكتابة من صفحة 13..

2- يس، القراءة عبارة عن قطع متفاوتة في الطول، سطرين أو أكثر، وعليها أسئلة..
راجعي النشرة من صفحة 8 + المشاركة رقم 149..

وأي أسئلة لا يردك إلا الكيبورد..

[leenah2010]

* نصائح للمقدمين على اختبار ستيب، كتبتها الأخت miss T من واقع التجربة، أتمنى تفيدكم *
* ملاحظة: تم التصرف في المحتوى لتصحيح الأخطاء الإملائية وتنسيق الكتابة *

المشاركة الأصلية كتبت بواسطة miss T بسم الله الرحمن الرحيم حبيت أنقل لكم تجربتي في اختبار الكفايات، وكلامي موجه بالأخص لمن يعانون ضعف في اللغة وخايفين إنهم مايعدوا، ويارب أفيدكم .. وحابة أقول لكم نصايح يمكن تساعدكم، وقبل ما أبدأ بالنصايح، عشان أشجعكم وأرفع معنوياتكم: أختكم مستواها ضعيف جدا في اللغة أكثر مما تتصوروا ومافي مني أمل أبدا، وثانيا أنا اختبرت بديل التوفل كذا مره ولا مره عديت وتعبت من كثر ما اختبر وأنا اختبرت الكفايات في شهر 4 وكان قبل اختبار الماجستير بيوم وما استعديت للاختبار.. فإذا عديت أكيد إنتم كمان إن شاء الله تعدوا.. وراح أقولكم على الدرجة اللي حصلت عليها إذا عجبكم الموضوع مو يمكن نصايحي مالها داعي .. نصائحي المتواضعة: 1. استغفروا الله كثير واستعينوا بالله وخلوا أملكم بالله كبير ولا تفكروا أبدا إنكم محا تعدوا، وخلي تفكيرك إيجابي وقولي إني راح أعدي ان شاء الله.. كونوا متفائلين على الآخر.. 2. قبل الاختبار: استعدوا للاختبار قد ماتقدروا عندكم فرصة أكبر، أنا الظروف ما سمحت لي.. ابدأوا بالقرامر اللي أخذناه في المدرسة.. تمرنوا على اختبارات التوفل في النت .. نزلوا نموذج اختبار الكفايات اللي في موقع القياس (تقصد النشرة).. 3. ناموا قبل الاختبار 8 ساعات أو أكثر لأن الاختبار طويل ومرهق شوي 4. يوم الاختبار: روحوا بدري قبل بساعتين أو ساعة.. 5. اجلسوا في بداية القاعة، ليش؟؟ لأن الليسيننج يكون من سي دي والسماعت مشبوكة في الجهاز وصوتها مره عالي وعشان تسمعوا الصوت بوضوح اجلسوا في أول الكلاس.. في بنات كثير اشتكوا كثير في الاختبار من أن الصوت مو واضح وما يسمعوا.. 6. listening: أول جزء في الاختبار ولاتحاولوا أبدا إنكم تقروا الخيارات قبل ماتنتهي الجملة أو المحادثة، طبعا تقول لنفسك خليني أقرا بعيوني عشان أعرف المطلوب، غلط غلط لأنو محا تلحق وتبدأ المحادثة ومحا تفهم شيء من اللي انقال، اسمع أول ولمن ينتهي الكلام حل، وإنت بتسمع حاول تركز في نقطة ما أمامك مو في الورقة.. صدقوني حتفهموا الكلام أفضل.. 7. reading: طبعا القراءة والقطع أكبر جزء من الاختبار واحنا عشان مستوانا شويه ضعيف في الانجليش" شويه بس خخخخ" أول مانشوف قطعة وفيها كلام كثير بالانجليش يجينا الرعب ومانحاول حتى نقراها.. في كل جزء في قطعة واذا كلها تحلوها عشوائي تكونوا فوتوا أكبر جزء من الاختبار.. عشان كدا حاولوا تقروها وتحلوا كل فقراتها وبضمير، وإذا مافهمتوا منها شيء ابدأو في الاسئلة، أغلب الاسئلة تقولك من أي مقطع في القطعة يعني سهلوا علينا الإجابة.. وفي وقت إنكم تحلوا القطعة الوقت كافي لا تخافوا >>> السر الأول لاجتياز الاختبار 8. أنصحكم بشكل عام في كل الاختبار بالتركيز التركيز التركيز من البدايه حتى النهاية " صار سباق " لأن الاختبار جدا طويل ممكن الواحد يفقد تركيزه ويبدأ يحل أي كلام ويبغى بس يخلص أو ماتكونوا نايمين عدل وماتقدروا تركزوا 9. أهم شي أقولكم هوا إنكم لا تحاولوا تحلوا عشوائي أبدا، لا تفوتوا على نفسكم ولا فقرة وحاولوا تحلوها صح أو خمنوا بس لا تحطوا أي خيار والسلام لأن فقرة وحدة ممكن تفرق معاكم >>> السر الثاني 10. بعد مايخلص الامتحان ويقولوا لكم قفلوا الورق حبروا على الإجابات بالرصاص للاحتياط على بال مايوصلوا عندكم وياخدوا الورقة.. وإن شاء الله تعدوا وتحصلوا على الدرجة المطلوبة وأبارك لكم بالنجاح

[كيميائية ولكن ...]

ما شااااء الله عليك لينا الله يعطيك العافيه جهد متميز واتوقع انك زيك متميزه

والاخوات بعد ما قصروا

[leenah2010]

كيميائية ولكن ...، حبيبتي والله، تسلمين وأشكر لك طلتك الحلوة..