طالبات بحث وتدريب خديجة ضباب

[الاحساس الوردي]

بنات مين عندها فكرة
كيف نوصل للمراجع ونصورها ؟؟؟؟؟؟

[nona 666]

بنات انا معاكم مع خديجه ضباب بس انا موارد بشريه طبعا قالتلي اعملي تقرير /والا الان ماعملت شي /الله يسهلها علينا

[nona 666]

قالتلي اكتبي عن المشكله في التحفيز

[miss memaa]

نونآ مامعاكي وقت التسليم والمناقشه تبدأ من السبت هذا
يعني بالكثير معاكي اسبوعين لآغير

[miss memaa]

بنات
كيف سويتو الباوربوينت نسويه من البدايه مشكلة التقرير واهمية التقرير
ولا بس الجزء النظري نحطو فيه

[موني ناس موني]

بنات ضروووري

انا بدات بالتقرير بس مرره محتاره بتنسيقه انا انتظام وماشفت نماذج عندها ومرررررره حايسه
بس حابه اعرف متى اخر موعد تسليم والمناقشه حددت لكم يوم معين لكل طالبه
ولا كلها يوم السبت

وهيا تححدها بالشعب ولا عشوائي وقت ماتجي تناقشك يعني مو بالاسم

ابغى اكتبلكم الترتيب لاني ماراجعتها ابدا وماعندي وقت ابغى اخلص التقرير واسلمو الاحد باذن الله

صفحتين الغلاف
ايه واهداء
قائمة المحتويات
والشكر
المقدمه
الفصل الاول :مشكلة التقرير اكتبها على انها اسئله بدون تفصيل

اهمية التقرير :كلام موجز
اهداف التقرير : نقاط 3 او اربعه
نبذه عن مكان التقرير

بنات ابغى اسئلكم في التقرير اكتب
مشكلة التقرير :
كذا وكذا
ولا اصيغها بشكل اخر


الفصل الثاني:
جزء نظري

الفصل الثالث:
ربط الجزء النظري بالمشكله
حلول وبدائل
وعيوب ومزايا كل بديل

اختيار الحل الامثل وسبب اختياره

النتائج :نقاط
التوصيات :كلام موجز

الخاتمه

المراجع والمصادر


الملاحق ؟ هيا الاوراق اللي نصورها

وهوامش الصفحات نرجعها نكتبها بالمراجع ؟

[nona 666]

ساعدوني ابغي خطوات التقرير من البدايه الين النهايه /يعني العنواين فقط/ماسويت شي ومني قادره استوعب /ساعدوني مافي وقت

[doodi khan]

كود PHP:

[COLOR="DarkRed"]السلام عليكم و رحمة الله و بركاته
يا حلوات انا كنت معاها الترم اللي فات
و راح اقولكم على كل شي بالتفصيل[/COLOR] 


اول شي لازم تاخذوا منها الورق تبع كيفية كتابة التقرير
و بعدين قبل لا تتدربوا قولولها عشان تعطيكم اوكي عالمكان, و بعد ما تنتهي نص فترة التدريب ارجعولها و اعطوها المشكلة اللي شفتوها (حتى لوماشفتوا مشكلة اخترعوا مشكلة) و اذا قالتلكم اوكي ابدأوا الكتابة
[COLOR="rgb(139, 0, 0)"]ضروري تكونوا معاها عالخط لما تكتبوا التقرير - هي ماتعطي وجه بس انتوا خليكم لاصقين فيها و على طول وروها وجوهكم عشان لما تعرفكم حتعرف تعطيكم درجة - وضروري يكون عندكم اقل شي كتابين مراجع أو دوريات و طبعا اذا في مواقع نت معتمدة[/COLOR]
بالنسبة لشكل التقرير : يكون اقل شي 15 صفحة مقسمة إلى 3 اقسام :
1- قسم أول يكون فيه صفحة العنوان +اهداء+شكر وتقدير +الفهرس(ترى مرررة تركز على طريقة كتابة الفهرس ,حاولوا تاخذوا منها التفاصيل هذي)
2- القسم الثاني يكون فيه مقدمة + تحديد المشكلة + تحليل المشكلة +اهمية التقرير و اهدافه+نبذة عن الشركة
3- القسم الثاني يكون عبارة عن الاطار النظري للمشكلة (و هذه اللي حتستخدموا فيه المراجع) -بس انتبهوا تكتبوا كلمة الاطار النظري ممكن تكتبوا الفصل الثاني -مفهوم ..... المشكلة اللي انتوا كاتبين عنها) ما تتعدى 4-5 صفحات (لا تكثروا لأنها تقول الكثرة مو معناها شطارة)
4- اخر قسم حيكون فيه الفجوة بين الواقع و المأمول - البدائل و تحليل كل بديل (أقل شي 3 بدائل) - النتائج و التوصيات
ملاحظة في الاطار النظري لما يكون عندك اقتباس ضروررررررررررررررررررري تحطي المرجع تحته , و التقرير يكون ابيض و اسود مافيه و لا أي لون و الخط يكون واضح
و اكيد كمان لازم تسألوها عن البوربوينت اذا طلبته منكم..
هذا كل اللي عندي ,اتمنى ما اكون طولت عليكم و الله يوفق الجميع
و في النهاية اقولكم هي كريمة في الدرجات بس انتوا اجتهدوا و لا تستهونوا بيها أو بالمادة
اختكم/ doodi khan

[همس الغلا]

يسلمواااا دودو يعطيك العافية الله يسهلها وتعدى عالخير,,,

[nona 666]

جزاكي الله خير مرررررره شكرا doodi khan