مكان اختبارات المناطق-الرياض-قاعة رشوش-الثمامة-دوار العويضة-الكروكي بالداخل

[عبدالرحمن الرياض]

المشاركة الأصلية كتبت بواسطة تركي سالم بصراحة قرأت كل التعليقات بالايام قبل الاختبار , ورحت اليوم صحيح انه المكان بعيد بس القاعة رائعة وأول مرة اسمع عنها وخدماتهم السنة كانت ممتازة , وسألهم طالب عن الانسحاب ورد الفلوس رحبوا وطلبوا احضار الايصال واسترداد الرسوم , مادري ليش بعض الشباب اعطونا صورة ثانية

اخي الكريم نحن طلاب جامعة رايحين نختبر ما رحنا لعررررس في استراحة عروس
العيوب كثيرررر
الموقع سيء جدا
الموقع بعيد
المكان غير مهيئ
وووووو
بالعربي كل شي مو مناسب ليتهم خلوها في قاعة المعارض جنب الخطوط السعودية انظف واكبر واقرب

[تركي سالم]

يقولون ارض المعارض جنب الخطوط السعودية محجوزة لمعرض النتجات الوطنية , وبصراحة القاعة الجديدة انظف وأريح وارض المعارض تكييفها سيء

[h99m]

المشاركة الأصلية كتبت بواسطة تركي سالم بصراحة قرأت كل التعليقات بالايام قبل الاختبار , ورحت اليوم صحيح انه المكان بعيد بس القاعة رائعة وأول مرة اسمع عنها وخدماتهم السنة كانت ممتازة , وسألهم طالب عن الانسحاب ورد الفلوس رحبوا وطلبوا احضار الايصال واسترداد الرسوم , مادري ليش بعض الشباب اعطونا صورة ثانية

ياتركي اتق الله لاندعي عليك انت من القوم المخزين (توك مسجل واول مشاركة مكشوف ) وتكذب ترقع خزاكم وعاركم على شان حفنت فلوس انت ماتعلم كم طالب يعاني من المشوار فيه طلبه اعرفهم ياتون من المزاحمية ومن الخرج ومن الجنوب والغرب وطلبه ياتون بواسطة التكاسي كم يكلفه واذا خرج وين يحصل التكاسي يكفي البعد و انها استراحة في صحراء خارج مدينة الرياض ولو تجي امطار غزيرة يتعذر على الكثير تاديت الاختبار من يتحمل ذلك انت والامن ؟ حسبي الله عليكم

[( أبو عبدالله )]

القاعه رائعه بمعنى الكلمه والتجهيز والخدمات والمواقف جيده جداً والتكييف ممتاز والنظافه ودورات المياه أعزكم الله ممتازه
وأصنف مجمل ما ذكرته أنها أفضل من الجامعه نفسها والله على ما أقول شهيد
هناك عيبان لا ثالث لهم
1 - البعد وهو العيب الكبير .
2 - عدم توفر سيارات أجره . وقد لا يكون لهذا العيب أثر كبير لأني أعتقد أن 95% يملكون سيارات لأنهم من سكان الرياض ويختبرون في الرياض ومن تعطلت سيارته أو أصابها مكروه لا قدر الله فا بالتأكيد سياستئجر سيارة حتى ينتهي موضوع سيارته . وهناك حلول أخرى وكثيره لهذا الموضوع .
أضف أن السكرتيه متواجدين بكثره ومجهزين بسياره تدور في الموقع وليس هذا وحسب بل يوجد دوريه واقفه في الموقع برجل أمن رسمي .
قلت هذا الكلام للأمانه وإعطاء كل ذي حق حقه من وجهة نظري على الأقل .
وأتمنى أن لا يزعل مني أحد .

[naif 77]

انا للاسف تأخرت بالطريق لانه بعيد و دخلت الاتختبار متأخر وكنت معصب و ناوي اناقش المسئولين عن اختبار المناطق لانه مكان بعيد جدا

بس يوم شفت العصير و شربته روقت و لا كأن شي صار

[طالب@2010@]

القاعة ممتازة والتننظيم والمواقف متوفرة
بعد ما اختبرت اليوم توقعت انها سيئة بس نحمد الله انها كانت مهيئة وحلوة
وتكييفها افضل من مركز المعارض

بس يعيبها البعد انا جاي من غرب الرياض مسافة بعيدة
وكذلك انها ما هي على شارع رئيسي يعني لازم الواحد ينتبه لمدخلها من الشارع العام

[تركي الفضلي]

القاعة كقاعة جيدة

لكن البعد وخطورة الطريق وسوء المكان لايمكن ترقيعه أبداً.

وأتمنى ان لايتكرر نفس المكان مرة أخرى .

[أحمد الحربي]

المشاركة الأصلية كتبت بواسطة naif 77 انا للاسف تأخرت بالطريق لانه بعيد و دخلت الاتختبار متأخر وكنت معصب و ناوي اناقش المسئولين عن اختبار المناطق لانه مكان بعيد جدا بس يوم شفت العصير و شربته روقت و لا كأن شي صار

ونا أشوف نفسي كل ما عصبت وشربت هالعصير روقت

الحمد الله أني ما أختبرت بالرياض فاتني التسجيل ..!

[saadoony]

اللي يبي يريح نفسه يحط هذا بالقوقل مابز
http:///maps/96Jf5
واحد من أخوياي بجامعة الإمام شاف اللوحات الإرشادية حق جامعتنا الموقره قال الظاهر بتختبرًون فوق طعس قلت لا الظاهر بعد الإختبار بنطلع رحله بريه عشان نتأمل في الصحراء

[ابوراكان mm]

مع احترامي لك يا تركي بن سالم بن عصير آل ربيع
أنا دفعت 1000 لاختبر داخل الرياض وليس خارج النطاق العمراني !
أنا طالب في جامعه اكاديميه حكوميه واختبر في قصر أفراح او زواج او استراحه او جلسة طرب !
حثاله قله تغتني من جيوبنا ومن ضمنهم اجانب(شوام) !
دخل العمليه هذه مايقارب الثلاثة ملايين !
أبشركم سحبت فلوسي ولا اصبح لقمه سهله للصوص!
جدة تناديني وتقول عيش بفلوسك مكرم معزز ولا تصرف على ماقدر وضعك من اللصوص!!