اساسيات المحاسبة 101 شرح خاص

[روجي العمر]

خيوو .. بتال .. انا ماعرف اداكر من كم شرح خلاص انا ارتحت لشرحك
متى حتكمل ترى ماشين معاك خطوه بخطوه

[بتال القوس]

المشاركة الأصلية كتبت بواسطة روجي العمر خيوو .. بتال .. انا ماعرف اداكر من كم شرح خلاص انا ارتحت لشرحك متى حتكمل ترى ماشين معاك خطوه بخطوه

انا راح اكمل معاكم حسب المستطاع باذن الله لكن المشكلة ما عندي الكتاب جالس اشرح من مذكرة هاني عرب ...

وراح اشرح ورقة اختبار للسنة الماضية لكن الاخت التي ارفقت لكم شرحها تشرح مثلي شرح والله من قلبها وشرح مفهوم مثل شرحي وهي عندها الكتاب وعلى فكرة انتم عرفتوا اشياء كثيرة في المحاسبة الباقي يعتبر سهل جداً طالما تعلمتوا دفتر اليومية وراح اكمل معاكم دفتر الاستاذ وقائمة الدخل إن شاء الله واذا استطعت اني احصل على اي معلومات عن باقي المواضيع ابشروا لاني والله يعلم اني تبرعت بكتابين محاسبة كانت عندي غير الاوراق والدفتر الذي كنت احل منه وهناك شخص اعطيته كتاب اتصل عليه ابغى الكتاب اذا ما يحتاجه لكن مشكلته ما يرد على جوالي ...

طيب شوفي انا عندي اقتراح انتم تابعوا معايه هنا ومعاها ايضاً واذا صعب عليكم شي من شرحها انا اشرحه مرة اخرى بس لا تفوتوا اي نقطة للشرح سوا هنا او في موضوع الاخت ...

انا زمان قبل ما اتعلم المحاسبة كنت اتابع شرحين ممتازة اذا نقص هذا الثاني يكمل شرح كيمو وشرح زهرة تشرين وكلهم اساتذة في المحاسبة ..

والسبب انه ممكن احد منهم ينسى شي مهم والاخر يكون كاتبه ..
وانتم اجمعوا شروحاتي لوحدها وشروحات الاخت في جهة اخرى وشوفوا النقاط الغير مشروحه هنا وهناك صدقوني المحاسبة تحتاج الى اكثر من شرح ....

وباذن الله راح اشرح لكم قائمة الدخل نقطة نقطة عشان تفهموها تمام ...

[*دودي الحلوه*]

ماشاءالله تبارك الله



ماشيه معاك زين والشرح سلسل وينفهم بسرعه



بس في الملف السابع في عندك غلط مطبعي



كتبت في السؤال نقداً والإجابه كتبتها بشيك وعن طريق البنك


شوف الصوره

[بتال القوس]

المشاركة الأصلية كتبت بواسطة دودي الحلوهـ ماشاءالله تبارك الله ماشيه معاك زين والشرح سلسل وينفهم بسرعه بس في الملف السابع في عندك غلط مطبعي كتبت في السؤال نقداً والإجابه كتبتها بشيك وعن طريق البنك شوف الصوره

طيب كويس دودي انك اكتشفتي خطاء مطبعي مني وهذا يدل على استيعاب فهمك لاني اضع الاسئلة من راسي ودائماً الواحد ما يلخبط بين الشيك والنقد (( وربا ضارة نافعه ))

شايفه هذا السؤال ممكن يجي في الاختبار على شكل خيارات يضع لك ثلاث خيارات واحد تم السداد عن طريق شيك

ويضع لك الخيارات

الدائن تكون الاولى بنك والثانية صندوق والثالثة دائنون ... وهنا وضح التركيز وعدم الاستعجال في الحل ...

ولكن انتبهي من الدائنون والمدينون ووضعهم في دفتر اليومية لانها اكثر شي يخربط فيه الطلاب

بس ياليت تذكروني اذا فيه شي ناقص في شرح دفتر اليومية ..

[ميمو الغلا]

بتال شرحها حلووو بس سراحه ابي امشي معك
يعني معك قدرت افهم واستوعب الماده

[بتال القوس]

المشاركة الأصلية كتبت بواسطة ميمو الغلا بتال شرحها حلووو بس سراحه ابي امشي معك يعني معك قدرت افهم واستوعب الماده

ميمو امشي معايه في الشرح وامشي معاها لان عندها معلومات اكثر مني وهي تملك الكتاب وتملك نماذج قديمة وانا ما راح اوقف باذن الله طالما اني اشرح من مذكرة هاني عرب ولكن المشكلة المذكرة فيها نقص عشان كذا هي تكمل النقص وانا للاسف الكتاب مو عندي ..

وحتى لو مافهمتي شي منها نزلي سؤالها وشرحها هنا وانا اشرحه من جديد اهم شي انكم تاخذون كل شي كامل مايكون فيه نقص ..

انا كما قلت سابقاً لكم كنت اتبع شرح كيمو وزهرة تشرين (( كيمو كان يشرح من راسه وزهرة تشرين كانت تشرح من واقع المحاضرات التي تحضرها )) لهذا انا استفدت من الاثنين في الشرح المحاسبة كل معلومة مفيدة فيها اتمنى تكوني فهمتي قصدي ..

[نجوله>>]

بتال انا طبعت الملفين الحين
وبشوفهم وارجع لشرحك
بس اتمنى انك تكمل معانا انا والله ماسكه مادتين المحاسبه والتنظيم
لاني مابي افوت شرحك
الا اذا التزاماتك تمنعك فمقدرين وشاكرين وكل ماسبق وقدمته لنا في ميزان اعمالك ان شاءالله

[بتال القوس]

المشاركة الأصلية كتبت بواسطة نجوله>> بتال انا طبعت الملفين الحين وبشوفهم وارجع لشرحك بس اتمنى انك تكمل معانا انا والله ماسكه مادتين المحاسبه والتنظيم لاني مابي افوت شرحك الا اذا التزاماتك تمنعك فمقدرين وشاكرين وكل ماسبق وقدمته لنا في ميزان اعمالك ان شاءالله

انتي قصدك مادة نظرية التنظيم والله مادة غثيثه مررة اخذتها الترم السابق ما كان عندنا ولا شي محذوف وتحتاج كثير من الاهتمام ويعيب على المادة كثرة العلماء يعني تحفظي اسماء العلماء مع نظرياتهم تصدقي من نجاسة الدكتور في اختبارنا الترم الماضي جاب اسماء علماء من بين السطور وليس لهم نظريات فقط ممكن يكون العالم له نظرية واحدة فقط غير مهمة ولكن الدكتور حب يعجزنا في الاسئلة وكان الرسوب كثير في هذه المادة ...

الترم السابق كان عندي نظرية التنظيم ومحاسبة حكومية واقتصاد جزئي غير المواد الاخرى وقسمت وقتي بين شرح مادة المحاسبة الحكومية هنا في المنتدى وكملت لهم الكتاب كامل شرح واسئلة ونماذج والحمد لله جاء كل شي من شروحاتي لان الكتاب كان عندي والان اشرح من واقع مذكرة هاني عرب ولا اعرف ان كان فيها نقص ولا لا بس اهم شي انكم استوعبتم المادة عرفتوا مخارجها ومداخلها واذا شرحت درس قائمة الدخل باقي المواضيع عبارة عن اسئلة مثل الرياضيات فيها ضرب وقسمة ...
وياحبذا لو نتساعد مع بضع عشان ما انسى اي معلومة لكم اي شي ما تفهموه من شرح الاخت جيبوه هنا انا اشرحه من جديد عشان ما انسى اي معلومة لكم والله يوفقنا لما يحبه ويرضاه ...

[نجوله>>]

وهذي المفردات الي علينا مثل ماطلبت
دفتر الاستاذ
ميزان المراجعه
باب عمليات متنوعهعمليات متعلقه براس المال
عمليات متعلقه بشراء وبيع الاصول الثابته
عمليات متعلقه بالمسحوبات
عمليات متعلقه بالقروض
عمليات متعلقه بالتأمينات

باب عمليات البضاعه

عمليات الشراء
عمليات المبيعات
الخصم


باب الاوراق التجاريه

باب القوائم الماليه والحسابات الختاميه في المنشأت التجاريه

وفيه قائمة الدخل وقائمة المركز المالي(الميزانيه)
الخصوم

باب الاصول الثابته
وفيها الاهلاك
وبعدها جرد الاصول المتداوله
ثم جرد المدينين

[نجوله>>]

ايوه نظرية التنظيم والحمدلله حذفولنا اكثر من ربع الكتاب شالو جزء كبير منه
والباقي غثيث بس الحمدلله خلصت فصلين منه باقيلي 3
وماشيه معاك في المحاسبه وبرضو رابط الاخت الي تشرح قاعده اطلع عليه
الله يوفقكم ويسعدكم زي ماعطيتونا من وقتكم وراحتكم
الله يجعلها صدقه جاريه لكم وعلم نافع ينتفع به اجركم كبير الله يفرحكم فيه في حياتكم
ويعدي هالترم على خير لانو دسم وكبير عندي 7 مواد كلهم حفظ ربنا يوفق الجميع