ماحصل في الدورة التأهيلية ( أ ) لـلـ ." طـــــــــلاب " .

[ابو الفوز]

الاخ صالح بن علي
نشكرك على مجهودك الكبير الذي قدمته من وقتك ومجهودك
ونسال المولى ان يسعدك ويوفقك ويرعاك في حياتك
ودمت لنا عونا وسندا

[حبك في دمي]

اخوي صالح جهد رائع
بخصوص اسي دي حق الرياضيات حملتة الملف لاكن مافتح معي ابي اعرف الطريقة

ابي اعرف كم سنة دراسة في الجامعة

[الرضيان]

المشاركة الأصلية كتبت بواسطة برق الشماال اخوي سليمان تابع معاي حبه حبه اول شي ادخل على هذا الموقع http://odus1.kau.edu.sa/app_v3/entsab/login.asp بعد كذا حط رقم الطلب والرقم السري لاتحط رقم البطاقه واضغط دخول حلو بعد ماتدخل تحصل الرقم الجامعي احفظ هالرقم وفيه تحته مباشره مكتوب الدخول للنظام الاكاديمي او ادخل عليه من الرابط هذا http://odus3.kau.edu.sa/students/ اختر نظام الخدمات الاكاديميه-طلاب على اليمين فيه رقم الطالب والرقم السري رقم الطالب= الرقم لجامعي الرقم السري= رقم بطاقة الاحوال محذوف منها اول رقم مثال 1024444444 يصير الرقم السري 024444444 اللحين انت دخلت نظام اودس الى الان تمام اول من يفتح معاك النظام بتلاقي قدامك مثل الجدول فيه معلومات شخصيه ومعلومات اكاديميه اقرا المعلومات الاكاديميه فيه خانه من الخيارات الاكاديميه مكتوب التخصص عاد بتلاقي مكتوب سنه تحضيريه خطه <<<هنا راح تعرف اي خطه انت (أ)او(ب) انتهينا اللحين من معرفة الخطة اللي راح تدرسها جيد اللحين فيه خيارات يمين الصفحه ومن ضمن الخيارات هذي تقارير استعلامات فيها خياارات احد هذي الخيارات مكتوب لك الجدول الدراسي اضغط عليه تحصل موادك اللي راح تختبرها اسماء المواد وعدد الساعات الفعليه كذا انتهينا من معرفة موادك<<<جيد تقول من وين اجيب الكتب اذا انت بالرياض فيه مكتبة اسمها المهندس عندها الكتب ورقم المكتبة وجميع معلوماتها تحصلها هنا بالمنتدى واذا ماانت من سكان الرياض فيه مكتبة خوارزم بجده نفس الشي لها رقم ووسيلة اتصال تكلمهم وترسل لهم فلوس ويحولون لك الكتب او شف احد معارفك يمرهم ويشتريلك الكتب او رح خذ عمره وادع لي ومر جده واشتري لي ولك كتب<<<< المهم ماعلينا كذا انتهينا من طريقة شلون تعرف المواد وشلون تجيبهن تقول اللحين ابعرف الملخصات <<< اللحين انت بصفحة الشباب جالسين يذكرون لك وش قال مدرس الماده وش المحذوف ووش اللي معانا من خلال متابعتي ماشفت غير الرياضيات اللي له ملخص وباقي المواد كامله وبيني وبينك هن كلهن خمس مواد يعني يالله لك الحمد لكن اذا بتقول كل ماده كم كتاب العلم عند الله اتمنى احد يفيدني ويفيدك وبكذا اكون شرحت لك من طق طق للسلام عليكم ومااطلب الا دعوة بظهر الغيب جاري التعديل<<<من ناحية وش مطلوب منك <<====<<<<اذا انت دافور اشتر الكتب وذاكر من اللحين اما اذا انت مثلي كسلان كبر وسادتك ونم الى ماتجي الاختبارات اما سؤالك اللي تقول فيه الكتب مطلوبه اذاكرها او لا <<<حاس انك بترسب اكيد تذاكرها اجل بتاخذ كتاب المعاجم الطحوية وتذاكرها الكتب هي المقرره عليك الملخصات وسيلة مساعده فقط لاغير اما من ناحية كيف تذاكر<<فيه محقان عند ابو عشره دخل المعلومات براسك هههههههههههههه امزح يالغالي المهم كيف تذاكر شف لك اقرب مدرس يدرسك ويسهل عليك الماده وبتفهم بس من شفتك كاتب اسئلتي كثير قلت بجاوبك على كل شي اعرفه وشكرا

مشكور أخوي وما قصرت يعطيك ألق عافيه ريحت راسي شوي أخوي إذا ممكن نتواصل مباشره عن طريق الإيميل أو الجوال إذا ما فيه أي أشكال ومشكور مره ثانية

تحياتي لك

أخوك / سليمان الرضيان

[julian]

السلام عليكم,,,,, شباب انا طالع على جدة الجمعة الساعة 10:30 مساءاً . و راح إن شاء الله أحضر الأسبوع الثاني من دورة السنة التحضيرية. إللي يبي أي شي يعطيني خبر من ألحين و من عيوني. انا مسويها لوجه الله.

تحياتي....

[دمعة وفآ]

الله يوفقكم

[أبوايلان]

المشاركة الأصلية كتبت بواسطة julian السلام عليكم,,,,, شباب انا طالع على جدة الجمعة الساعة 10:30 مساءاً . و راح إن شاء الله أحضر الأسبوع الثاني من دورة السنة التحضيرية. إللي يبي أي شي يعطيني خبر من ألحين و من عيوني. انا مسويها لوجه الله. تحياتي....

تسلم اخي العزيز الي نبيه منك تنقل لنا الاحداث في الجامعه من ملخصات ومن اساليب الدكاتره وطرق الاختبار والمحذوف وهاكذا
متمنين لك التوفيق والنجاح

[رومنسي وافي]

المشاركة الأصلية كتبت بواسطة julian السلام عليكم,,,,, شباب انا طالع على جدة الجمعة الساعة 10:30 مساءاً . و راح إن شاء الله أحضر الأسبوع الثاني من دورة السنة التحضيرية. إللي يبي أي شي يعطيني خبر من ألحين و من عيوني. انا مسويها لوجه الله. تحياتي....

تروح واتجي بالسلامة ولا تنسى اخوي اتحفنا بكل ماهو جديد في الدورة

[الشيبة]

أحبتي ....

ما زلنا ننتظر من الأخوة ما أعطوا في الإنجليزي ..... وننتظر ايضاً تلك الورقة التي بين فيها بعض الأشياء .


يا مسافر على جده درب السلامة .... نريد منك أن تصل بسلامة وتضيف لهذا المنتدى الجميل وتفيد أخوتك .

[نـواف]

جزاك الله خير اخونا صالح بن علي وجعله في ميزان حسناتك

وبانتظار المزيد عن الدورة التأهيلية

تحياتي

[صالح بن علي]

ما أدري ايش أقول
عليكم بالكتب