~~ شــــــتــــــات ~~ ♥ مُصرهـ علـى قــراري ♥..

[مصره على قراري]

"

كان ابو حنيفة يكثر من قول
( اللهم من ضاق بنا صدره ، فإن قلوبنا قد اتسعت له )

[مصره على قراري]

يالله .. وش كثر هالدعاء قريته بالوقت المناسب .،
سبحان الله يا الصدف .. تمر علينا عبارات .، كأنها مسخره لنا تسخير .. عشان تعلمنا درس من دروس هالحياه

اعترف اني مازلت جاهله بهالدنيا
ومرات كثير احس اني ما اقدر عليها
واتفاجئ من امور كثير تحصل فيها
رغم كل الخبرات والناس الي قابلتهم والكتب و كل الي احتكيت فيهم .،
بس بجد حاسه انو لسا ماشفت من هالدنيا شي
وانو الدنيا محتاجه .. القوي او اوقات المتحايل لمصلحته

لانو الطيب والضعيف ماله مكان فيها .،!
واوقات اقول لا .. للحين في قلوب تنشرى بكنوز الدنيا
وتقدر الطيب وتدور عليه

وهالتفاوت بنظرتي .. هو الي بيعلمني
اكيل الامور بموازينها .،

[مصره على قراري]

في شخصيات بالحياه لو تغيب العمر كله ... محد يذكرها

رغم انهااشخصيات رائعه بس .. هذا حالهم

بما انهم موجودين الناس تسايرهم ومخلينهم احتياط
يضيعون وقت معهم

واذا غابوا ... ولا احد يسأل فيهم

[مصره على قراري]

دوروا حولينكم بتلقون هالنوع من الاشخاص

الي لما تصادفه تضيع وقت معه .. وتطلع من عنده وتقول ياحليله

ولما يغيب لاي سبب .. ماتحس بغيبته
الا لو احد ذكرك

ويمكن لو تذكرت .. ماتهتم لغيابه بعد

[مصره على قراري]

ودي اعلق بعد هالكلام بشي .. بس مو حابه اقوله الحين "

[مصره على قراري]

لواخذت نظره خاطفه .. على قلوب كل الي حولي ايش ممكن اشوف؟؟؟

[مصره على قراري]

اللهم في كل دقيقه تمر على كل مسلم ميت وهو في قبره أسألك أن تفتح له بابا تهب منه نسائم الجنه لايسد أبدا .. ♥

[مصره على قراري]

اصبحنا واصبح الملك لله الواحد القهار


ياحليلكم ياعيالي .. الله يحفطكم ويحميكم
حقاً انكم .. فطاحله :))

[مصره على قراري]

^
هالتدوينه ذكرتني

بـ (شايف ياطلال شقاوة العيال)



جمله من قصيدة .. مجلس رجال لعبد الرحمن بن مساعد .,

[مصره على قراري]

الاصم .,

هو من اشجع الشخصيات في نظري ..

.,

يسر الله لي مرافقة ., اخت عزيزه ( فاقده لسمع والنطق)
ومشيت معها مسافه ., شوي طويله ( من اول الدور لأخره )
واحنا نمشي ., كان في هذا الدور اعمال تصليح ( يثبتون طاولة رسبشن+ ولوحات خلفها )

البنت ماشيه .. وانا معها

وتطيح اشياء ، وترتطم بصوت عالي ..

وطبيعي اللفتفت .. وما اركز بأشارتها اصلا

., اختكم فالله خوافه :)

وهي مو سامعه اي شي(طبعاً) ومسترسله بالموضوع وتنتظر مني تفاعل

وانا كل ما طاح شي .. فزيت وتشتت

.,

بوقتها فكرت .. انو لو هالشخصيه الي قدامي
ماشيه بطريق ظلام وحاول اي احد يتعرضلها .. ممكن ماتحس فيه
من الاصل مارح يتسلل لقلبها الخوف .. بمجرد سماع صوت غريب بالظلام مثلا

حاولت اربط هالشي ., واجسده بقانون عملي .,

اوقات كثير نتراجع عن امور وقرارات بسبب كمية موثرات ., ممكن لو انفصلنا عنها وطنشناها

كان وصلنا لهدفنا ., بدون نوبات احباط وتخاذل

مثل الاصم ., عارف وجهته .. ومو مهتم لكمية الاصوات الي حوله

بتالي هو يتحرك عن قناعه ., ويتوقف عن قناعه

حتى احساسه بمدى الخطوره .. او محاولة بث الرعب داخله ., ضئيله جدا

لانوا مو شايف مبرر واضح بعينه عشان يخاف

ياريتنا نمتلك هالقدره .,

انا نمشي ورى اهدافنا بشجاعه ., ومانسمع اي اصوات ممكن تثبط عزيمتنا
ومانكون حكم مسبق على اهدفنا الا لما نجربها


^

حاسه اني مو عارفه اوصل الفكره الي ببالي
او بالاصح الاحساس الي حسيته مع ., فوزيه
وانا ماشيه معها ..

بس ان شاء الله فهمتوا علي :)