تجمع طالبات التاريخ

[عصير فراوله]

مررررررررررره شكرا ياعسل

طيب ياحبيبتي انا ابا ماده حره وترفع المعدل يعني اضمن فيها درجات .. يعني تنصحيني فيها ولالا

فادا ممكن كيف توزيع الدرجات وايش اسم الدكتوره فاطمه بالكامل

وكمان مره شكرا

[nOOoOOsa]

المشاركة الأصلية كتبت بواسطة عصير فراوله مررررررررررره شكرا ياعسل طيب ياحبيبتي انا ابا ماده حره وترفع المعدل يعني اضمن فيها درجات .. يعني تنصحيني فيها ولالا فادا ممكن كيف توزيع الدرجات وايش اسم الدكتوره فاطمه بالكامل وكمان مره شكرا

الماده مو نازله صيفي كيف حتدرسيها
الاستاذه اسمها فاطمه الغامدي (مقعده)الله يشفيها
توزيع الدرجات على حسب ما اقدر افتيلك فيه

[جداوية شقية]

اول شي احب اقولو قبل ما اتكلم عن كل ماده واستاذتها انو الناس اراء وكل وحده تختلف نظرتها للأستاذه
ببدأ بسم الله
درست التاريخ القديم ع 5 مواد ( الشرق الأدني .. تاريخ اليونان والرومان .. تاريخ الفراعنه ..تاريخ شبه الجزيره ..
مدخل الى علم الأثار )
محا اتكلم عن استاذاتها لأنكم تاخذوها حاليا تاريخ قديم يمكن مع استاذه فتحيه او عائشه مادري
بالنسبه للمواد الثانيه : اخدت سيرة نبويه مع دكتور أميره والماده كانت مرررره سهله وحلوه معاهـا دكتوره اميره عندها اسلوب مميز في الشرح يخليك تركزي معاها غصب كأنها تسرد لك قصه وتحسي انك معاصره العهد النبوي
اخدت خلفاء راشدين : مع دكتوره ابتسام مندوره مره اخلاق الصراحه وتعطي حقك كامل زي ما تجيبيه
الدوله الأمويه : اخدتها مع استاذه حبيبه وفعلا اسم ع مسمى مره حبيبه وطيوبه بس احس شرحها مطول في بعض الأحيان تعطيك معلومات خارج المقرر كزياده
الدولة العباسيه : اخدتها من دكتورة ابتسام مندوره سبق وقلت انها اخلاق
الدولة العثمانيه : اخدتها مع دكتورة راجيه ومره محاضرتها ممتعه تكتبي معاهـا بس في المحاضره ومن الكتابه يجي اختبارك
تاريخ اوروبا عصور وسطى : اتعب وانا اقول الماده تجننن وبالذات مع دكتور أمال يعطيها العافيه مره شرحها يجننن واسئلتها حلوة من داخل المحاضره للي يركز معاهـا ويعطيها العافيه تكتب المحاضره كلها في السبوره محد يسويها
تاريخ الحروب الصليبيه : مع دكتوره ثريا جدا روعه تحسي نفسك وانتي في المحاضره رجعتي للعصور الوسطى وانك ع خيل معاهم في الحروب واسئلتها مره حلوة مقاليه وموضوعيه بس مفهومه من المحاضره
الدولة الأيوبيه والمماليك : اخدتها مع استاذه خديجه الصراحه الاستاذه مره ذوق بس تهتم في الحضور والالتزام بالمحاضره درجه اولى واي شغب في المحاضره تنقص عليه بس من ناحيه اسئلتها مرررررررره سهله وحلوة وتختصر لك اللي مو مهم
تاريخ المملكه الحديث : اخدتو مع استاذه عائشه الرفاعي .. الماده دسمه بمعنى الكلمه ويحتاج لها مذاكره اول بأول وعن استاذه عائشه مره طيبه بس اهم شي تلتزمي معاها في الحضور والمشاركات في المحاضره
تاريخ المشرق العربي الحديث و تاريخ المشرق العربي المعاصر : طبعا هدول مادتين اخدتهم مع دكتوره بلقيس طبعا ما تتعبي مع دكتوره بلقيس تعملي نشاطك ع اكمل وجه تاخدي درجتك و المحاضره تكتبيها كتابه معاها ومنها الأختبار و الاختبار الشفوي اللي تعملو تجاوبي عليه تاخدي درجتك يعني حقك معاها ما يضيع الا اذا كانت الطالبه هامله
نصوص تاريخيه انجليزيه : الماده مره سهله لا تنفجعو لأنها انجليزي مع دكتوره الهام مره حلوة تحفظكم المصطلحات من المحاضره والترجمه تترجم معاكم في المحاضره واختبار الماده جدا سهل
تاريخ الاستشراق : مع استاذه زياره عسيري :: الماده ما اخبي عليكم صح ممتعه بس اسامي المستشرقين مع مؤلفاتهم كثيره يعني احفظوها اول بأول واسئلتها ما ينخاف منها حلوة بس تحبي المقالي مع الموضوعي حتى في النهائي
اخدت تاريخ المغرب و تاريخ انتشار الاسلام في اسيا : هذي مادتين درستهم مع دكتوره الهام المادتين اختصرتهم في الشرح بطريقه حلوة نكتب معاهـا

وان شاءالله الباقي لما اخدو بكتب عنه وعن استاذته

حاليا باخد تاريخ المغرب العربي الحديث والمعاصر و تاريخ الخليج العربي الحديث والمعاصر

وبالتوفيق للجميع

[nOOoOOsa]

المشاركة الأصلية كتبت بواسطة جداوية شقية حاليا باخد تاريخ المغرب العربي الحديث والمعاصر و تاريخ الخليج العربي الحديث والمعاصر وبالتوفيق للجميع

انا برضوا معاكي حاليا باخدها صيفي
ويارب سهاله

[جداوية شقية]

بنات اللي ماخدين خليج بالصيفي الكتاب اللي طلبته دكتوره حسنه فصول من تاريخ الخليج العربي الحديث والمعاصر
موجود فيه المحاضرتين الأولى والثانية بالكامل انصحكم بالكتاب بدل ما تكتبتو بيدكم وتضيعو كلام

[nOOoOOsa]

بنات اللي ماخدين خليج بالصيفي لاحظت انو
اغلب الدرجات جدا منخفضه بليز
فيدونا عن طريقه دراسة الماده لان الملزمه كثير كلامها
والاستاذه حلو شرحها وتختصر
وفي بنات جدا ممتازات اخذوا درجات سيئه
فيدونا ربي يسعدكم ...

[جداوية شقية]

المشاركة الأصلية كتبت بواسطة nooooosa بنات اللي ماخدين خليج بالصيفي لاحظت انو اغلب الدرجات جدا منخفضه بليز فيدونا عن طريقه دراسة الماده لان الملزمه كثير كلامها والاستاذه حلو شرحها وتختصر وفي بنات جدا ممتازات اخذوا درجات سيئه فيدونا ربي يسعدكم ...

يا قمر دكتوره حسنه تحب المختصر المفيد
ان شاءالله الأسبوع اللي يجي نختم تقريبا المواد
حاولي تمسكي فصل فصل تقريه جزأيه جزأيه وتلخصيه واهم شي تاخدي النقاط المهمه
والكلام الدش ابعدي عنو
وربي يوفق الجميع

[nOOoOOsa]

بنات ليه مو نازل جدول الاختبارات النهائيه ؟؟

[جداوية شقية]

المشاركة الأصلية كتبت بواسطة nooooosa بنات ليه مو نازل جدول الاختبارات النهائيه ؟؟

يا عسل ما نزل بالأوديس بس كل دكتورة قالت متى اختبار مادتها

تاريخ المغرب بيكون يوم 18-9 السبت الساعه 10 بمكان المحاضره

منظمات دولية بيكون يوم 19-9 الأحد الساعه 10 مكان المحاضره

تاريخ الخليج العربي بيكون يوم 21-9 الثلاثاء الساعه 10 بمكان المحاضره

[&(*_*)&]

ابغا انزل هذي المواد بس ابغا استاذات كويسات لوسمحتو قولولي عليهم..
الحروب الصليبية
الدولة العثمانية
المشرق العربي الحديث
تاريخ المملكة الحديث