جميع آلإستفسآرآت هنآ..~

[إبتسآمه أمل]

B1a4

إيه مسموح بِ شرط تكون البلوزة طويلة أو تلبسين لاب كوت ")

بِ التوفيق ,,

[Noor Moon]

السلام عليكم
بأستفسر عن د/ تغريد محمد يوسف و أسماء صالح احمد الزهراني
يدرسو صحة فرد

ممكن أعرف مين الافضل وكيف طريقتهم في الشرح وفي الاسئله

[queenn]

السلام عليكم
فيه اختبار قبول في التخصص غير التصميم الداخلي ولا بس التصميم الداخلي اللي فيه اختبار قبول ؟
قالو لي ان موعد الاختبار بينزل في الاودس بس من فين اعرف اذا نزل ولا لا !
فتح الحذف و الإضافة بالنسبة للمواد الحره و العامه اقدر اضيفها ولا لا !

[وصـــــآيــف]

احبه استفسر ايش هي المواد العامه بالتصميم الداخلي وهل اقدر أخذ مواد حره وأحول التر م الثاني الحين بجدول خمس ساعات بس ثقافته 2 وعربي 2

[Loleta-94]

ابتسامة أمل مررررا شكرًا ،، ربي يسعدك
معليش حابه اسأل عن شي تاني
ليش الين دحين ما اتحدد قسمي مكتوب في الاودس غير معرف
دا شي عادي ولا لا ؟!
والمواد مانزلتلي ،، وشكرا مررا تانيه

[hmo0odh]

ابغى استفسر بخصوص الجدول
انا هذي اول سنه لي في التخصص تخصصي تصميم داخلي
احنا نسوي الجدول ولا هم الي يسووه ؟؟!!!

[Atheer Mohd]

السلام عليكم
حابه اسال جدولي م نزل الا 3 مواد بس
اسس التصميم و مبادئ التصميم الداخلي و العوامل البشريه
ويوم رحت سالتهم قالو اسالي مرشدتك !!
م عرفت مين قصدهم ف سالت رئيسه قسم التصميم الداخلي
و بغت تاكلني و هيا تجاوب المهم انو قالت هما حينزلولي هوا
للحين م نزلت مواد ثانيه
ف اروح اسال و لا استنى كمان ؟ وبرضو ايش قصدهم بالمرشدة و مين هيا ؟

[إبتسآمه أمل]

Noor Moon

لِ الأسف ما عندي أي خلفية عن الدكتورتين إللي عندهم إن شاء الله يفيدوك ,,

queenn

هذي السنة ما كان فيه اختبار لِ المستجدات بِ التصميم الداخلي كان فقط لِ المحولات

الأقسام الثانية والله ما أعرف بس *أعتقد* أنه فيه اختبارات لها

الحذف والإضافة ما عندي خلفية لأني سويت جدولي من أول

وصآيف

يَ قلبي عندك الثقافات والعربي يرفعون معدلك والمواد الحره ما عندي خلفية عنها والله بس اسألي الشؤون ويمديك تحولين إذا القسم إللي بِ تحولين له يقبل معدلك ,,

Loleta-94

العفو ،، يسعد الجميع آمين

يب عادي أنه ما يتحدد لك قسمك لأنه افتكر ما اتحدد لي إلا بعد يمكن أسبوعين أو شي زي كذا

أتوقع الحين نزلت لك مو ؟! وإذا ما نزلت للحين راجعي الشؤون ,,

hmo0odh

على دفعتنا إحنا إللي سوينا جداولنا بس انتوا اعتقد هم إللي بِ يسووه لكم لأني سمعت بنات يقولون كذا :)

Atheer Mohd

وعليكم السلام ورحمة الله وبركاته

أول شيء ترا رئيسة القسم مررهه عسل ولا تاخذين منها موقف بس يمكن لأنها مضغوطه وعددكم ما شاء الله كبير

المهم يَ قلبي المرشده هذي تكون وحده من الدكتورات أو المحاضرات

احنا علقوا لنا أوراق فيها أسامينا وبداية الورقة اسم مرشدتنا

ما انتبهت اذا علقوا اسماؤكم انتوا كمان أو لا المهم روحي لِ مبنى الادارة الدور الثاني وبِ الممر اللي بِ الوسط حتحصلين أسماء كثيرة

شوفي إذا اسمك موجود من ضمنها ويكون بِ أول ورقة مكتوب اسم مرشدتك

المرشدة هذي تنسق لك الجدول وتشوف مشاكلك وتعطيك نصايح وكذا يعني

إن شاء الله أكون أفدتكم كلكم

بِ التوفيق ,,

[Atheer Mohd]

شكرا ابتسامل امل
ربي يديك العافية ريحتيني ♡
حروح بكرا ان شاء الله و اشوف

[hatha$:]

ما شاء الله دوبني ادخل على
أسماء الطالبات المقبولات بقسم الاسكان وادارة المنزل - مسار التصميم الداخلي

حصلت الاسماء نازله
متى اصلا كان الاختبار ؟
بجد فاتني برضو ذي السنه
يعني السنه الي طافت و السنه ذي
السنه الي طافت السبب انه ماكنت اعرف انه في اختبار قبول التخصص
و السنه ذي قالولي الاختبار بيكون في شهر 2 او 1 بدايه السنه

حرام عليهم السكرتيره ماوضحت لي كويس