][ تجمع للجداول و تعديلها و الحذف و الإضافة ][

[aws1111]

المشاركة الأصلية كتبت بواسطة lelou هو ماله شغل إذا بتحولي عدد المواد.. لكن الأفضل أنك تــاخذي مواد عامة عشان تتعادل لك،، يعني باختصار خذي ثقافة 1.. إذا تقدري تضيفيها يكون أفضل.. لأنه جدولك صح 4 مواد بس مادتين بساعة يعني المجموع 9 ساعات..

الله يسعدك انا معدلي فوق 4 بس ماكتب نصيب لي بتخصص اللي اتمناه .. يعين إذا ماقدرت اضيف ثقافة .. لايوجد اشكالية بموضوع.. اتوكل واكتفئ باربع مواد عشان ارفع معدلي اكثر واحول ...الله يوفقيك ويجزء كل خير اللي يرد علي.. نفسية سيئة بسبب هذا الموضوع ..

[LeLou]

المشاركة الأصلية كتبت بواسطة aws1111 الله يسعدك انا معدلي فوق 4 بس ماكتب نصيب لي بتخصص اللي اتمناه .. يعين إذا ماقدرت اضيف ثقافة .. لايوجد اشكالية بموضوع.. اتوكل واكتفئ باربع مواد عشان ارفع معدلي اكثر واحول ...الله يوفقيك ويجزء كل خير اللي يرد علي.. نفسية سيئة بسبب هذا الموضوع ..

آمين يا رب و إياكِ :)
لا تزعلي بإذن الله خيرة و الخيرة فيما اختاره الله..
ما تعرفي كيف كان راح يكون وضعك لو دخلتي اللي تبغيه و لا أيش البلاء اللي اندفع عنك بعدم دخولك الكلية اللي تبغيها..

لا إن شاء الله ما له دخل..
مع أنه مرة الشؤون قالوا لي أنه أدنى عدد ساعات لازم تاخذيه = 12..
بس قريت في المنتدى ما أفتكر فين ناس بتقول 9..

بس ما أتوقع لو عدا الترم أيش ح يعمولوا لك مثلاً ما ح يضربوكِ و يقولوا لك ليش ماخذة 9 ساعات..
بس الأفضل تضيفي الثقافة لأنها وراكِ وراكِ,, متطلب جامعة و لازم تاخذيها..
فارتاحي منها الآن أفضل لك..

بالتوفيق||~

[فراشه البستان]

السلام عليكم ورحمة الله وبركاته
يا أخواتي انا في حيرة وطالبة نصيحتكم
انا المستوى السادس احياء أخذت تلوث و
جزيئية وثقافة 4 ونبات وتقنية حيوية وحذفت الجينوم
تنصحوني أضيف ميكروبيولوجيا تطبيقية ولا لا
بلييييييييز أفيدوني أضيف ولا لا
دمتم بود ^___^

[Nareez]

انا راح اداوم الأحد الجاي إن شاء الله لانه جدولي خلاص تثبت اليوم وأبغى اسأل عن الدكاترة واللي مخوفني أكثر دكتورة الكمياء العامة 202 ابتسام سرور الصبان اللي سمعته من البنات انه مافي سلايدات بس من الكتاب وأسئلتها

صعبه انا ماني عارفه طرقة تدريسها والدوريات وكمان استاذة كمياء حيويه عامه 201 سوسن محمود خوجه من الكتاب ولا سلايدات والأمن وسلامة مختبرات عند نفس الأستاذة سلايدات ولا كتاب واحياء عامة 2عند الأستاذة

سهيلة عبد اللطيف عاشور قاري كتاب ولا سلايدات وادا ممكن فضلا لا أمرا ابغى اعرف كل وحدة وطريقة تدريسها وكيف اختباراتها صعبة ولا سهله عشان اقدر اغير الشعبه بسرعه وعذرا للإطالة الله يعطيكم العافية وشكرررا

[بيو كيميائية ^_^]

كيمياء 202 و أحياء 202 الاختبارات كلها موحدة

سهيلة رائعة جدًا درستني

و سوسن خوجة لا تشيلي هم أي مادة معاها أسئلتها سهلة و سلايدات

[Nareez]

الله يعطيكم العافية انا جدا جدا مكتئبة ومحتارة هل احدف كمياء عامه 202 بما انه انا اساسا بأحول وهمه اخدو محاضرات كثيرة وهادا الأسبوع بيختبروا وانا ما حضرت ولا محاضرة لأني اضفتها متأخر واضيف معمل كمياء او معمل احياء و سمعت انه معمل احيا صعب وكمان بأضيف مادة حرة ب3 ساعات وهل في مادة حرة بس تكاليف من غير اختبارات لانه موادي جدا جدا جدا صعبة ودسمة وكثيييرة فيبغالها وقت طويييييل افيدووني الله يجزاكم خييير ويوفقكم قبل ما احدف واندم

[بيو كيميائية ^_^]

إحذفيها أفضل

و مافيه مادة حرة أو مادة في الجامعة مالها إختبارات بس ما أظن تلاقي مفتوح الحين

معمل الأحياء مو صعب حفظ بس أبدًا مو صعب

[Mj.S]

السلام عليكم
هل في امكانية احذف مادة دحين لانو جدولي مانزل غير متاخر والماده ماحضرت ليها اي محاضرة
الماده هيه كيميا عضوية وانا قسم احياء مستوى تالت لانو ابا اقلل الساعات عشان ارفع معدلي واحول لكلية تانيه فلو كلمت الشؤؤن بيرضو يحذفوها ليا لانو اظن قفل حذف المواد
وهل اقدر احول لكلية غير صحية بعد ترم ؟؟
يريت تفيدوني وشكرا

[بيو كيميائية ^_^]

جربي شوفي يمكن تقدرين أو لا

بالنسبة للتحويل ايوا أي كلية غير صحية التحويل بعد ترم

[وسام نوح]

ابعرف..

كم لازم يكون معدلي التراكمي عشان احول الى علوم تطبيقية؟