قروب طالبات الرياضيات ..

[دلال الحربي]

هدووول ..

الاودوس مقفل حاليا فما تأكدت من الشعب ..

اصلا الشعب حقت الترم الجاي موجوده عند سكرتيرة القسم ...

جديده غير اللي قبل شهر ..

[hadooola]

مشكووره دلول
^_^

[دلال الحربي]

العفو هدول ..

[hadooola]

يا جماعه عندي استفسار صغيرون
لو حبيت اخذ تفاضل وتكامل 202
معادلات تفاضليه 204
اسس رياضيات 251
جبر تجريدي 342 او حقيقي 311
عربي 2
مع بعض في سمستر واحد راح يكون ضغط ولا عادي
لاني متاخره ترم كاامل وابغا اعوض
ياريت الي اخذ شي من المواد هذي يقولي كيف سهله ولا لا
وتنصحوني اخذهم مع بعض ولا كثيير
و بث :)

[مسك العبير]

المشاركة الأصلية كتبت بواسطة hadooola يا جماعه عندي استفسار صغيرون لو حبيت اخذ تفاضل وتكامل 202 معادلات تفاضليه 204 اسس رياضيات 251 جبر تجريدي 342 او حقيقي 311 عربي 2 مع بعض في سمستر واحد راح يكون ضغط ولا عادي لاني متاخره ترم كاامل وابغا اعوض ياريت الي اخذ شي من المواد هذي يقولي كيف سهله ولا لا وتنصحوني اخذهم مع بعض ولا كثيير و بث :)

يااختي الفاضلة نصيحة مني لاتتهوري وتاخذي هذه المواد كلها في سمستر واحد اولا ممكن يصيبك صدمة .... وثانيا ياقلبو راح يخسف بالمعدل مررررره
اسس الرياضيات نهائيا مو سهلة كثير من الطالبات تعثروا فيها
اتمنى لك التوفيق

[loody mohammad]

202 سهله جدا بس يبغالها تذاكري اول باول واسس رياضيات صراحه مع دينا مرا حلوه بس انا اخدتها مع استاذه منى وكنت احضر احيانا لدينا ابو زيد ومع انو كتير يقلو صعبه انا ما اشوف صعوبه في الماده دي ابدا وتقدري تاخديها مع 202 بس لازم تذاكري برضو لانو الرياضيات عموما يعتمد على المذاكره اول باول وما اعتقد اللي يذاكر يوم الاختبار حيجيب درجه زي اللي عارف المعلومه وكررها ستمية الف مرا في حلول السكشين والكويزات والدوريات يعني تدخلي الفاينل وانتي الماده في جيبك اما لو ماتذاكري كل شي صعب
حقيقيث311 ماتقدري تاخديها لانو متطلب الاسس على ما اتذكر بس لازم تاخدي المادتين 202 واسس لانها متطلب للبعدو ولا حتاخري نفسك كمان
معادلات مرا ماده حلوه كمان مو صعبه
وابدا لاتحطي في بالك انو في ماده صعبه او سهله اعتمدي على نفسك وخديها نصيحه مني لانو لو سمعتي وحطيتي في بالك انو صعبه صعبه راح تستثقلي الماده وانا مريت بدا الشي في تفاضليه 2 نجحت فيها بس مرا كنت مستثقلاها من كتر مايقولو عبه وهيا ابدا مافيها اي فكرا كل المنهج من اولو لاخرو يتكلم عن شي واحد ومافيلو افكار كتير والاساله مابيخترعو ويجيبو شبه الافكار
لاتسمعي لاحد انتي قرر الماده صعبه ولا سهله
سوري طولت بس من كتر ماعانيت من موضوع التحطيم اللي كلو صعب
ربنا يوفقك ويوفقنا

[شوشو0]

السلام عليكم بصراحه لفتني الموضوع وحابه اكون معاكم

[شوشو0]

بقلكم المواد إلي باخدها الترم الجاي وقولو ايش رايكم
جبرتجريدي1وتوبولوجي ونظريه اعداد وتطبيقيه وهندسه تحليليه

[دلال الحربي]

حياك يا شوشو

موادك حلووة ما عليها كلام كلها سهله وحاولي ترفعي معدلك فيها ,, وركزي على التبولوجي ,,

انا ان شاء الله بآخذه الترم الجاي ,,

اناماذخذه صيفي الحين تدريب ,, واي وحده من بنات التدريب وعندها اي سؤال انا حاضره ,,

[توليب الرائعة]

سلام

بنات التدريب بسألكم عن التقرير قالوا لنا اكتبوا السلبيات والايجابيات

طيب نكتب السلبيات والإيجابيات في مكان العمل ولا في تدريبنا وإيش نكتب مثلاَ؟؟
أصلا ما أعرف أش أكتب...