::هنا ضعي استفسارك.. عن جدولك وموادك:: .. *_^

[*زهرة السوسن*]

المشاركة الأصلية كتبت بواسطة ملكة بكبريآئي مسسآئكم ورررد ~ بنات شرايكم انا باخذ هذي المواد ان شاء الله ... مبادئ محاسبه ,, قالو لي ساره بكر بس مااعرف موجوده ؟ او سحر جبروني مبادئ قانون ,, اكرام ثقافة اسلامية 2 ,, رشا رجب نظرية تنظيم ,, عنود قيسي ولا عنود السبعان ادارة خدمة مدنية ,, نورا نجار شرايكم كويسه المواد كذا مع بعض ولا ازيد او اغير ؟؟ افكر اضيف اخلاقيات عمل بس ماادري يصلح ثقافه واخلاقيات ! وكمان ابغى رأيكم بالاستاذات انتظركم ^_^

أخلاقيات العمل يقولون سهلة ...بس ما أعرف لإني لسة ما اخذتها ..
المحاسبة سحر كويسة ...اما سارة ماعندي فكرة ...وقانون إكرام كويسة ...اما باقي المواد لسة راح اخذها ...

[طيور الجنة]

مساء الخير

اهلين بنات انا حابه اخذ بحث وتدريب تنصحوني اخذها مع مين ؟؟

اعطوني افضل وحده من ناحية من كل شي الدرجات والتعامل الخ..........

انا محتاره في حياة راجخان او سناء باناجه ؟؟

بصراحة انا مااخذت المادة بس انا اعرف
أ.حياة راجخان مره طيبة وتعطي درجات

[الريم اللعوب]

يعطيك العافيه طيور الجنه

انا اخذت مع حياة بس طفشت وماني عارفه كيف اسلوب سناء

شكرا

[*زهرة السوسن*]

المشاركة الأصلية كتبت بواسطة جــنـــااااااان أنتظررررركـــــــــم ^ــ*

انا مستوى رابع زيك ...وراح آخذ نفس المواد ...ترى احسها تمام ...بس انا المستوى الثالث أخذت 6 ...لإني ماشية حسب الخطة ....موفقة

[كاتمة المشاعر]

ياحلوين الله يسعدكم
اداره محليه مع مين اخذها احسن
وشكرا

[Diana]

بنااات انا مستوى رابع ومعدلي 2.87 وابغا ارفعو وابغا اعرف تمام كدا المواد ولا لا

ثقااافة 2 .. مع زينب حبيب الله

ادارة عامة .. عنود سبعان

محاسبه حكوميه .. انيسه تركستاني

قانون اداري .. صباح المصري

اخلاقيات عمل .. هيفاء عبد الفتاح


وافكر ازيد معاهم مادة ايش رايكم ؟؟ ازيد ولا كدا تمام مع معدلي ؟؟

[طيور الجنة]

حبيبتي كاتمة المشاعر
ادارة محلية مع أ.العنود السبعان

[Back Back]

ديانا، ماشاء الله الله يوفقك، موادك حلوة ومع دكتورات تمام، اتوكلي على ربك واعتمدي ولاتضيفي شي تاني = )

[Back Back]

المشاركة الأصلية كتبت بواسطة abrar ahmed بنات انا انتظام ونزلي الجدول ١٨ ساعة وحابه تكون ١٥ ساعة المواد : ثقافة اسلامية ٢ اخلاقيات عمل نظرية التنظيم ادارة الخدمة المدنية سلوك تنظيمي سياسة عامة وصناعة قرار ادارة محلية وابغى احذف مادتين وايش اصعب مادة ؟؟؟ يالييييت تشاركوني برأيكم ^^

ماشاء الله عليكي، حيمديكي تلحقي المواد دي مع بعض...؟ مو قصدي احسدك بس ترى مررة كتير والمعدل حيتأثر جامد سواء بشكل سلبي أو إيجابي، لاتستعجلي إزا مافي داعي للعجلة... نصيحة لوجه الله

ثقافة إسلامية خديها، لو قدرتي خديها مع دكتورة رشا رجب، فتاكة وشرحها مرة فزيع + تخطط على أشياء مهمة مرة وربي إنها تيجي وتيجي معظمها كمان، الله يذكرها بالخير ويذكر صحبتي إللي دلتني عليها كمان <3

أخلاقيات عمل وانتي مغمضة، هيفاء عبد الفتاح، أخلاق وتعامل وشرح مايتفوت..وتوزيع علامات جدًا عادل وفي صالح الطالبة أولًا وأخيرًا، بس زاكري المادة أول بأول عشام ما تتراكم عليكي الأدلة

..

آسفة باقي المواد والله لسا ما اخدتها =/
الترم دا نازلتني نظرية تنظيم وإدارة خدمة مدنية..=/

بس الكل يقولو مادة سياسة عامة وصناعة قرار صعبة ودسمة... فأجليها ولاتفكري تاخديها دحين

وإزا ماكنت غلطانة حتى سلوك تنظيمي..والله ماني متأكدة..

القصد آخر تلاتة مواد لاتاخديها كلها دحين مع العلم إنو آخر تلاتة ما اخدتهم لسا، والتالتة والرابعة حاخدهم الترم دا إن شاء الله

موفقة خيتو = )

[Back Back]

(النرجس)

محاسبة حكومية <<حالي حالك=/ نفسي آخدها مع مي لأنو هيا أفضل الموجود بشهادة الردود إللي بقراها عنها
قانون اداري << برضو حالي حالك، بس إن شاء الله أخدها مع إكرام
أخلاقيات العمل << على طول وسيدا ومن دون تفكير، هيفاء عبد الفتاح
الثقافة الاسلامية (2) << أنصحك برشا رجب، اقري ردي إللي فوق
نظرية التنظيم << الحال من بعضو
إدارة الخدمة المدنية << الحال من بعضو =/

^ تمام كــذا ولاا <<تمام ولاتزيدي، مجرد وجهة نظر


وعلـى فكـرة أنـا ماأخذت مبـادئ العلـوم السيـاسية وش رأيـكــم أنزلها هذا التـرم << خديها مع دكتورة زينب، بس ركزي في شرحها والشي إللي ماهو مكتوب أوتعيدو أكتر من مرة دايمًاا اكتبيه لأنو تجيب، وهيا أصلًا صريحة، تقلك من البداية كيف أسألتها (الشرايح + شرحها)
والله إنها قمة في التعامل والأخلاق، والمادة حلوة معاها =)