لأي إستفسار حول نظام التعليم عن بعد .. تفضل هنا

[فاقدة أبوها]

طيب ياسارة انتي متى سجلتي وأرسلتي أوراقك!!
لأن كل اللي ارسلوا ملفاتهم لسا صفحتهم زي ماهي ماتغير فيها شي
طيب هم اعطوك اشعار للتسديد ولا كيف!

[سر الوجود]

السلام عليكم ورحمة الله

انا صار لي أسبوع من ارسلت الأوراق ومافي رد للأن

اختي سارة اذا ممكن تخبرينا انتِ شاهدتك من ضمن الشروط يعني من عام 1424- 1425 هـ

الله يوفق لك يارب

[فاقدة أبوها]

سارع بسداد الرسوم عن طريق برنامج سداد من خلال احد البنوك التاليه (بنك سامبا – البنك العربي – بنك الرياض – بنك الراجحي – البنك الأهلي – البنك السعودي الفرنسي – البنك السعودي الهولندي - بنك الجزيرة – بنك ساب - بنك الامارات – البنك السعودي للاستثمار ) من خلال شبكه الانترنت أو الصراف الالى .

سيتم سداد رسوم الدراسه برقم الطلب ( لذا يرجى الاحتفاظ برقم الطلب ) و يتحمل الطالب كافه المسؤليه المترتبه على السداد برقم طلب لا يخصه

هذا اللي موجود في الموقع ياسارة والله يوفق الجميع

[سـ’ــآره]

انا سجلت اول مافتح التسجيل وارسلت اوراقي من اسبوع ،
ارسلتها الاحد وطلع قبولي المبدأي الاثنين ، وعلشان يكمل تسجيلي رسمي لازم اسدد ،

المربع اللي قلتلك عنه في مكتوب استلام الاوراق والتـأكد من صحتها حطوا لي عنده صح ،
وباقي اسدد علشان يكمل التسجيل ويررسلون بطاقتي ،


سر الوجود انا خريجة 27-28 ، يمكن علشان كذا طلع قبولي بسرعه ،

يا قلبي يافاقده مشكوره ماقصرتي،،هالكلام شفته طالع عندي بحسابي بس مشكلتي برقم الحساب تبع الجامعه اللي ارسل عليه،

[فاقدة أبوها]

طيب ياسارة ادخلي موقع نظام سداد يمكن يفيدك

[سـ’ــآره]

كيف ادخل على هالنظام.؟

[فاقدة أبوها]

سوي بحث في جوجل عن نظام سداد وتلاقي الموقع الرسمي
ادخلي وشوفي
والله يوفقك

[منتسبة لأول مره]

أنا خريجة 1417 و كلمت وحده قالت لي عادي سجلي 1424- 1425 تتوقعون عادي ولا تصير اوراقي مرفوضة ؟؟؟؟وبالنسبة لصفحة الاخيرة اللي تطلع لي فيها طباعة بيانات الطالب بس ؟؟؟؟ يعني وين راح الاقي طباعة النماذج؟؟؟؟

[فاقدة أبوها]

يامنتسبة لأول مرة لما تحطين أمر طباعة بتنطبع لك كل النماذج
تلاقينها فوق الصفحة على اليمين
والله يوفق الجميع

[baby`pink]

تعبت نفسيتي وانا انتظررررررررر صراحه


صار لي اسبوع زيكم يا بناات والى اللحين ما طلع شي ياليت حتى لو ما راح يقبلونا على الاقل يبلغوناا ولا نجلس كذا


والله يوفقك ياساره وييسر لك امرك ان شاءالله