تجميعة لاستفسارات دكاترة و دكتورات Med11 :)

[د. هدّولا]

إيش المعآمل اللي رآح تكون سنة تآنية !
غير طبعا الأناتومي :)

وايش نسوي في كل معمل ؟!!

[FrfoSha]

المشاركة الأصلية كتبت بواسطة د. هدّولا إيش المعآمل اللي رآح تكون سنة تآنية ! غير طبعا الأناتومي :) وايش نسوي في كل معمل ؟!!

في عندك :
Biochemistery
Histology
Pathology

*Biochemistery :

اول شيء بشكل عام كل معمل مدته ساعتين اقصى شيء و طبعا في اغلب الاوقات بنخلص قبل

في لاب البايوكيم نسوي تجارب في test tubes و تسخين و كلام من كذا .. كل الكلام حيكون موجود في الملزمة اللي راح يعطوكم هيا القسم اول السنة تمشوا بالخطوات اللي مكتوبة ..

غالبا يكون تاكيد لكلام المحاضرات و احيانا يشرحوا فيه اشياء زيادة ..


*Histology :
اول شيء معناه علم الانسجة .. اللاب ذا مرا سهل و مو متعب ابدددا ^^"
كلو تتفرجوا في شرايح تحت المجاهر و اذا الدكتورة شرحت كلام ع السبورة تقسيمة مثلا او شيء تكتبوها

و راح يكون معاكم دفتر مخصص ترسموا فيه الاشياء اللي تشوفوها تحت المايكروسكوب و عليه درجات .. اهم شيء ترسموا بالالوان " الازرق و الاحمر " مو بالمرسام .. و التحضير احيانا في المعمل يكون على الرسمة

*Pathology :
علم الامراض

راح تشوفوا فيه جارات " ما اعرف ايش اسمها بالعربي :$ " حنوريكم هيا في الكورس ان شاء الله .. و كمان احيانا سلابدات تحت المجهر

ان شاء الله كذا تمام اذا نسيت شيء احد يكمل على كلامي ^^"

[shingetsu]

الله يعطيگم الف عافيهـ


أنا حابهـ اسأل عن الكتب الي راح نشتريها بإذن الله

هل ضروري نحضر كل يوم بالكتب

او اننا ماراح نستفيد منها وقت المحاضره ؟!


ولگم جزيل الشگر

[all_femi_9]

السلام عليكم

لو سمحتو ابا اسال سوال

دحين الدورة هادي

حتكون الشهادة تبعها على الحضور ولا على حل الكويزات الي حنختبرها وكدا


وجزاكم الله كول الخير

[واثق الخطا]

الكتب ما تجيبيها معك للمحاضرات في الغالب

الكتاب تحتاجه في حالة انك ما فهمت حاجة معينة ترجع لها في الكتاب وبتفهمها بسهولة ان شاء الله

:)

[د.مشبب]

السلام عليكم ورحمة الله وبركاته ..
أهلاً بكم أخواني و أخواتي مره أخرى .. عندي سؤالين ::
1 / بالنسبة لشعار كلية الطب عايدي أخيطه على اللاب كوت ولا ما يتخيط إلا على السكرب فقط

2 / بالنسبة للإختبارات كيف تنزل الدرجات وكيف نعرفها , و هل الدكاترة يوقفون قدام
الدفعة كاملة و يقرؤن أسماء الطلاب ودرجاتهم ولا كيف الهرجة ؟
و شكراً ...

[حُمرة الورد..!]

المشاركة الأصلية كتبت بواسطة د.مشبب السلام عليكم ورحمة الله وبركاته .. أهلاً بكم أخواني و أخواتي مره أخرى .. عندي سؤالين :: 1 / بالنسبة لشعار كلية الطب عايدي أخيطه على اللاب كوت ولا ما يتخيط إلا على السكرب فقط 2 / بالنسبة للإختبارات كيف تنزل الدرجات وكيف نعرفها , و هل الدكاترة يوقفون قدام الدفعة كاملة و يقرؤن أسماء الطلاب ودرجاتهم ولا كيف الهرجة ؟ و شكراً ...

بتلقف شويا

هذه الاسئله تقريبا انطرحت من البنات عندنا بالدوره

السؤال الاول ايوا تقدر تخيط الشعار ع اللاب كوت عادي

اما الثاني فالي عرفته انها تنزل في الاودس حتى الميدتيرم .. مستحيل يقرون الاسماء والدرجات ١٣٠ اسم كيف يمديهم

يمكن يختلف شي عند الاولاد بس اعتقد مافي اختلاف

[_soso_]

السلام عليكم

ابي استفسر الله يسعدكم ردو عليا دحين مثلا لو حطيت رغبة اولى كلية الطب مثلا والتقنية الطبية ثالث رغبة

واتسكنت بالطب كليتكم وانا اصلا ما ابي الطب حطيته مجرد رغبة اولى على اساس اني مها انقبل فيه بس انقبلت

هل يمديني على طول احول للتقنية الطبية

بدون ما ادرس سنة جديدة يعني دايركت الادوس ولا الجامعة ييحولني للرغبة الثالثة الي ابيها بدون اعادة سنة

على اساس انه معدلي عالي وانا ابي تقنية حبا بهالتخصص يارب فهمتو عليا

[حُمرة الورد..!]

المشاركة الأصلية كتبت بواسطة _soso_ السلام عليكم ابي استفسر الله يسعدكم ردو عليا دحين مثلا لو حطيت رغبة اولى كلية الطب مثلا والتقنية الطبية ثالث رغبة واتسكنت بالطب كليتكم وانا اصلا ما ابي الطب حطيته مجرد رغبة اولى على اساس اني مها انقبل فيه بس انقبلت هل يمديني على طول احول للتقنية الطبية بدون ما ادرس سنة جديدة يعني دايركت الادوس ولا الجامعة ييحولني للرغبة الثالثة الي ابيها بدون اعادة سنة على اساس انه معدلي عالي وانا ابي تقنية حبا بهالتخصص يارب فهمتو عليا

طيب ليه ماتحطي رغبتك هي الرغبه الآولى

ليه تجازفي وخصوصا انك تقولي حابتوا ..

اما التحويل ما اعرف تفاصيله صراحه بس مو شرط تضمني التحويل لانوا من البدايه يكون فيه مقاعد محدوده

فالافضل تحجزيلك مكان في الشي الي تبغيه

بعدين لسى قدامك سنه كامله شدي حيلك وقت التسكين استخيري ووقتها ربك يحلها

[M.Radoy]

سؤال عن موقع كلية الطب شمال جدة الرجاء توضيح الموقع ...............Plz