~~ شــــــتــــــات ~~ ♥ مُصرهـ علـى قــراري ♥..

[مصره على قراري]

خنقه بداخلي ..

والسبب معروف بس

مقدر اقوله .. لانو اخاف اظلم فيه شخص ومايستاهل

بس احساس الضعف وقلت الحيله هو الطاغي علي

لما اقول بداخلي .. راح السند

احس اني ماكذبت

وكلها فتره ويروح الكل


ولازم استعد لهالشي

وما اصدق الوعود مهما كانت

صادقه في ظاهرها

[مصره على قراري]

ودي اتهور .. واسوي شغلات مو من طبعي

من باب تغير المود ..

تصدقون .. شكلي بقراء كتاب تافهه

في كتاب ليزيد اخوي

عن الدنبوشي فالكره السعوديه

شكلي،بتهور واقراه

ههههههههههه

[مصره على قراري]

الله يصلحه ويهديه
ويزوجه بالبنت الي في باله

اوك انا من احد داعمي الاسفهلال
ورواده فالقرن الحالي



الا انو كمية الرزانه المتواجده في لب حواراته
تجبرني ادعيله بالراكده ..

ههههههههههههه

على فكره مافي فرق انا وهو طقم

ليش اتلسف عليه مدري

خل اسنع نفسي اول واصير

ليدي .. قولا وفعلا

بعدين نتفاهم

هههههههههههههه

.،

على قد الشقاوه الي انا فيها

الا اني اعشق الهدوء وطقوسه
واكره الصوت العالي والصراخ

هو ماتجي بس معي جات


على قولت حمودي ..

كل يوم نكتشف فيك شي جديد
حشا محيط،مو بنت

هههههههههههههه

،.

بس التقيم النفسي لهالتنوع الي انا فيه يقول

بحكم اني الصغنونه .. فما زلت قيد الطفوله في سجلات العائله

وهالشي يفرض علي اسلوب تعاطي معين مع الامور ،،.
بحدود اهلي والمقربين
واحيانا يمتد لابعد من كذا

وشخصيتي المرتبطه بعمري .. تأثرت بشكل كبير

مع مراحل،النضج السريع الي وضعت فيها من عمر صغير

محيط عمل وشغل وكتب ونقاشات وعطاء

كلها اعطت لشخصيتي حدود ابعد

كل الي محتاجته عشان ارتبط بالشخيصه الاكثر رزانه وخبره

من الجانب الطفولي الي فيني

الافصال عن فكرت الصغنونه .. دلوعة اهلها

بس ،.

صباح الفلسفه الشخصيه على ضوء الدعاء لفاضل خلق ما

ههههههههه

[مصره على قراري]

الســـاحـــه الـــعامـــه / تحت المجهر .,~

[مصره على قراري]

رحت امس لدكتور ،،

كل كلمه والثانيه يقلي .. انتي دلوعه

رفع ضغطي .. يعني ما اقوله ايش يوجعني

عشان اصير .. شنب :((

.،

ويرفع ضغطي لما اقله .. حاسه بألم

يقول وين انا مو شايف شي

هو الالم ينشاف ياجماعه ؟؟

ما فك عني الا يوم قلت

تصدق مافي الم مره .. ولا في شي يوجعني

،.

امحق علاج .. نتعافى بالاكراه

-_-!

[مصره على قراري]

* صداع مو طبيعي .. من ساعه وللحين مستمر

* افرمت لابي واثبت برامج من اول وجديد

* الله يشفيك يافهودي ولا يورينا فيك مكروه

* لحد يعطيني اكبر من حجمي بليز .. انا اغلط واجيب العيد
واحتاج مهارات كثير .. ومازلت اتعلم .. ورح اظل في طور التعلم
مع كل نفس اخذه

^


هذا كل الي ببالي الان

مع شغله خاصه واهم من كل الي فات

[مصره على قراري]

لو عملت تجربه بسيطه ،.

بوكس زجاجي ،. وكل احساس يضايقني

او احس فيه اكتبه .. بورقه صغيره

احطها بهالبوكس

ولو تلاشى هالاحساس .. او قلبي ما طاوعني

استمر فيه تجاه شخص .. اسحب هالكرت ،.

النتيجه معروفه عندي صراحه

رح يكون البوكس سريع الامتلاء
وبنفس الوقت يتفرغ بسرعه ..

مو لاني تعافيت من هالاحاسيس الخانقه..

لاني .. رح اطلع مليون عذر وراضي نفسي بنفسي

واقول مايقصدون انا حساسه بزود

وهم احسن مني .. ولازم اعترف بكذا

وانا مالي حق ازعل .. ولازم اتعامل بنضج

،.

طيب لمتى بظل كذا؟؟

للامانه هالطبع اكيد لي اجره
لاني ابادر بالخير وانام وانا مسامحه الكل
ومراضيتهم بعد ،.

بس متعبني مع هالبشر

صرت حق مكتسب و مستهلك للكل

اقدم كل شي .. ولا احصد شي


،.

كل الي خايفه منه اني انجبر اتغير .. لطبع ماتخيلته بيوم

من الضغط وكثرة الاساءه ،.


الله لا يجيب هاليوم ..

^
هاه .. برضو قلبي مو مطاوعني اتخيل مجرد تخيل

اني اعطي نفسي التقدير اللازم وانسف الكل


الحمد الله على كل حال

[مصره على قراري]

المشاركة الأصلية كتبت بواسطة دارس1431 اتمنى أني ما مارست الحرب النفسية هنا ): على فكره انا صح كنت مشرف لكن لم أكن متألق أبداً وكنت دائماً ألعب دور المفهي اللي جالس آخر الفصل ويتابع الدوافير بصمت (: أختي مصره على قرارها كانت شعله جزاها الله خير وكل مانفذ الفترة الماضية من إقتراحها وتنفيذها وبمشورة الأخ أمير جزاه الله خير (: وأي هفوه أو خطأ حصل في الساحة في الفترة الماضية أبداً لا أعفي نفسي منه ): الساحة تحت إدارة شخص واحد بتكون أفضل بشكل كبير لأنه بيتحمل المسؤولية تجاه نفسه وتجاه الأعضاء وأنا شخصياً متفائل بجهود الأخت مصره وياليت الساحة تكون تحت إدارة الأخت مصره خلال هالفتره لتعود لسابق عهدها

مشرف ومتألق وهذا مافي احد ينكره .. ابد

وكل القصه .. انشغال بأمور اهم

وهذا هو السبب الاول والاخير لكل الي حصل بالفتره الي فاتت

ولو كنت تملك الوقت والتفرغ كان نسفت اسم مصره عن بكرت ابيه بأبداعك

وهذا الواقع .. وما تم اختيارك للاشراف اصلا الا لانك الاكثر تميزا وستظل

وفي فرق بين بنت،.. تاركه الدراسه لظروف ما ومتفرغه للقسم

وبين شباب مسؤولياتهم اهم واكبر من اي مسؤوليه ممكن اتحملها انا

لذالك كنت اعطي .. وكنت مقصره بعد .. واعتذر من الكل


لا لوم عليكم .. مسؤولياتكم اكبر من اشراف قسم

اعانكم الله .. ولا احد يقدر يلومكم

ومن احساسكم العالي بالمسؤوليه .. طالبتوا بالاستقاله

رغم انو مافي احد ممكن يقدم للقسم اكثر من الي قدمتوه

على اشغالكم ومسؤولياتكم ..،كنتوا تتواجدون

عشان تدعمون فكره متواضعه اطرحها

وانتم عندكم الافضل .. بس ضغط الحياه منعكم

فما عليكم لوم ابد

ربي يوفقكم ..

والقسم .. منبر طرح وله رواده

ومسؤوليتي رضاهم عن القسم .. ومحتواه

والله يقدرني على هالشي

[مصره على قراري]

رزق اخوي ميدو باشا بمولود عصر الامس :))

الله يصلحه ويهديه .. ويجعله قرت عين لوالديه

وسبب لدخولهم الجنه .. بصلاحه

،.

وعقبال كل متمني يارب ،

[مصره على قراري]

مازلنا في صراع مرير .. عشان يقتنع يسميه (محمد)
على اسم اخوي ..

بس مو راضي

وتم اغرائه بمبلغ رهيب .. لدرجه اني تمنيت يكون عندي بيبي

واسميه محمد .. بدون تفكير <اتهازيه

هههههههههه

بس مو راضي .،

يقول بسميه زياد عشان يتمشى مع اسماء اخوانه الي قبله

طلال وراكان

.،

يلا بنشوف اخرها .. زياد ولا محمد


...

وابوي متابع بصمت .. لو انا منه

اخليه يسمي علي ..

بحاول العب بمخه

هههههههههههه

.،