قروب طالبآت وطلآب قسم الرياضيات ..

[رنيم العسولة]

هلا dho0om


انا المرشدة حقتي قالتلي لازم تفاضل وتكامل 2 و3 مع بعض تدرسينها ...
حاولت احدفها قالتلي لازم تاخديها لان التفاضل وتكامل 2 و3 والاسس مع بعض وزي كدا والسمستر الجاي محقدر اضيف مادة تانية والمهم اقنعتني وانا مابغا ...

وبس ...؟

[dho0om]

^
طيب انتي درستيها ولا لسى ؟ برضو أنا المشرف قلي خليك على الخطة الدراسية أحسن وخذ تفاضل وتكامل 2 و 3 ، بس أنا غيرت معمل الكيمياء بأمن وسلامة .. وحذفت اللغة العربية ..

طيب يعني كدا الجدول تمااااام؟ مافي ضغط من ناحية صعوبة المواد ؟ لاني سمعت ان البرمجة صعبة جداً هي و202 .. واحد من اصحابي في المستوى الخامس خوفني صراحة .. يقلي احذف 203 لانو عندك مادتين صعبة غيرها .. وانا مختااااار الى الآن ما أدري والله ؟ اخليها زي كدا ولا أحذف 203 !!

شكراً لك.

[أم جود الحربي]

سلااام ياعسولاات..
كييييفكم؟؟
بنات الي عندها حقيقي 2 أخذتو شئ؟!
وكمان تحليلية وتجريدي 1 وبرمجة مع د.فريدة؟!
بلييييييز جاوبوني..

[أم جود الحربي]

مو بمجة أقصد برامج,.,. سوووورري.. :)

[رنيم العسولة]

انا لمن رحت للمرشدة حقتي تقولي لازم تاخديها تفاضل ووتكامل 2 و3

وووعشاان كلها مرتبظة ببعض وزي كدا ...
طيب احدف البرمجة لانو انا حدفت ليا الثقافة عشان تضيف ليا تفاضل وتكامل3 تقولي اهم دي من الثقافة ..

وخلاص اتوكل على ربك وخد 2 و3

ووووربي يكتب اللي فيه الخير

[أم جود الحربي]

المشاركة الأصلية كتبت بواسطة dho0om ^ طيب انتي درستيها ولا لسى ؟ برضو أنا المشرف قلي خليك على الخطة الدراسية أحسن وخذ تفاضل وتكامل 2 و 3 ، بس أنا غيرت معمل الكيمياء بأمن وسلامة .. وحذفت اللغة العربية .. طيب يعني كدا الجدول تمااااام؟ مافي ضغط من ناحية صعوبة المواد ؟ لاني سمعت ان البرمجة صعبة جداً هي و202 .. واحد من اصحابي في المستوى الخامس خوفني صراحة .. يقلي احذف 203 لانو عندك مادتين صعبة غيرها .. وانا مختااااار الى الآن ما أدري والله ؟ اخليها زي كدا ولا أحذف 203 !! شكراً لك.

أنا أعرف بنات السنة اللي فاتت أخذوها مع بعض وعادي جابو درجات حلوة..
هي صحيح فيها صعوبة شوي لكن بإذن الله تعدي انا أخذتها كل واحدة في ترم لانها كانت كذا في الخطة القديمة بس ترى المادتين متعلقة في بعض كثييييير..
بس انت استخير وتوكل على الله..
بالتوفيق ان شاء الله

[dho0om]

يعطيكم العافية .. وبالتوفيق للجميع ان شاء الله.

خلاص راح آخذ المادتين بإذن الله .. بس بسأل عن البرمجة ، كيف المادة ؟ لاني سمعت انها صعبة جداً .. ؟

[رنيم العسولة]

ام جود بسالك عن تفاضل وتكامل 2 و 3

كيف سهلة والا فيها شوية صعوبة ؟؟؟

انا المادتين مع سعده ووود. ايمان هلال


كيف الاستاذات ..؟؟؟؟

[Sho0o$hoo]

صصصبآآحوو ...
دحووم البرمجه حلووه مو صعبه ولا شئ أنا ما كنت أحبها لأنو محاضراتها كانت كثير بس ولا الماده حلوه
أمممم والتفاضل 3 سسسسسهل أكثر شئ كمان تفاضل 2 سهله وبسس ،..

[dho0om]

مافي صعب ؟ كل شيء سهل ههههههههه .. والله انا خلاص توكلت على الله واخذت هذي المواد كلها ،كنت بروح الجامعة دحين وفكرت أحذف 203 وأنزل لغة عربية ، لكن خليتها كذا ، وان شاء الله اداوم من السبت والأمور تسهل بإذن الله ,,

بالتوفيق للجميع وشكراً شوشو.