القبول ببرنامج الانتساب للعام 1431/1432 لمرحلة البكالوريوس

[الهزازي2011]

السلام عليكم ورحمة الله وبركا ته
انا انهيت جميع مراحل القبول ماعدا استلام البطاقه الجامعيه وسؤالي ماذا بعد استلام البطاقه هل توجد هناك
مراجعه بالجامعه اريد فكرة مختصرة باللذي اعمله قبل الاختبارات وهل تبقي اجراءات علي القيام بها

[مشاري الرياض]

المشاركة الأصلية كتبت بواسطة الهزازي2011 السلام عليكم ورحمة الله وبركا ته انا انهيت جميع مراحل القبول ماعدا استلام البطاقه الجامعيه وسؤالي ماذا بعد استلام البطاقه هل توجد هناك مراجعه بالجامعه اريد فكرة مختصرة باللذي اعمله قبل الاختبارات وهل تبقي اجراءات علي القيام بها

عليكم السلام ..... اذا استلمت ان شاء الله البطاقه ... وفتح معك النظام بتاريخ 15-10

تقدر تشووف انت اي خطه علشان تشتري الكتب والملخصات ... ويكون فيه دووره

تأهيليه لمدة اسبوعين تقام بجده ... وهي ليست اجباره للحضور .... ولا يتبقى لديك الا الاختبارات فقط ... بالتوفيق

[لورآآآآنس]

مشكووور أخوي مشاري على تعقيبك ..
بس اظن ان مايخفى عليك أمووور الاتصال على الجامعة اللي اذا يردون عليك فهذه بحد ذاتها من إنجازات الجامعة انهم تكرمو عليك بالرد فقط وبعد هذا تبدأ قصة جديدة طوووووويلة مالها حل اسمها التحويل على القسم المختص وماشاء الله عليهم مشغولين أكثر من علماء تطوير القنابل النووية ومشغولين أكثر من مهندسين مايكروسوفت يعني من الاخر هم ناس الله يعيينهم ماحد يحس بعملهم تحت الاسقف والمكيفات المركزية والاثاث والكنب والفطووور لا ننسى الفطور هذا اكبر هم عليهم لانهم يتعبون أثنااء تأدية وجبة الافطار وبعدها تجي السوالف مثلك عارف بعضهم ماشاء الله عليه أخصائي مجتمع فيلسوف بالعربي مايخلي شاردة وواردة الا وحكى فيها المهم المساكين اللي بحالتي بعيدين عن جدة مالهم غير الاتصال بس نتصل عليهم والتلفونات ترن من الصبح للمساء عل وعسى أحد يرد لكن
لو ناديت لاسمعت حياً :: ولكن لاحياة لمن تنادي
وعلى قولة المثل / من أمن العقوية أساء الادب .. يعني هم ماكانوا مثلنا أول قبل الوظيفة وكان يحسون بالمعاناة وعدم الاستجابة والرد ولا خلاص من الله عليه وجحد الناس عسى الله لا يحوجنا لغيره .. هذا هو سبب تخلفنا عن الدول المتقدمة أكبر شعب مخلص بأداء عمله واذا كلف فيهم الواحد بعمل يؤديه على أكمل وجه هم الشعب الفرنسي طيب ليه وإحنا أعزنا الله بالاسلام وش يمنع هالموظف ذا من الرد على الناس .. كل شي الا الاستهتار بالرجال تحط الجامعة رقم للاستفسار وماحد يرد وش هالمهزلة مافي احترام للانسان احنا مانبي منهم يتوسطون لنا اللي نبيه اننا نسأل ونلقى إفادة فقط !!
ولكن يبقى السؤااااااااال ؟؟
إلى متى!!!!

[الشامخ999]

بسم الله الرحمن الرحيم

السلام عليكم ورحمه الله وبركاته

اخى الكريم هذه اول مشاركه لى با المنتدى وأسال الله ان يوفقنى وياكم لما يحبه ويرضاه

انا مسجل جديد انتساب وعلى وشك ان ارسل الطلبات على hd بس تبقى لى شى واحد

؟؟ الموافقه من عملى هل هى الأن مع الطلبات ام انتظر حتى تتم الموافقه من الجامعه

ولكم منى جزيل الشكر والعرفان

اخوكم ابو فارس الزهرانى

[مشاري الرياض]

هلا ولله عليكم السلام .... ولله مايحتاج اذا كانك تضمن الاجازه من الدوام والموافقه ...

انا قدمت بدون لا اخذ الموافقه يعني شغلتها تطووووول ..... بس عطيتهم خبر ... قدمت على الموافقه

على ماتخلص الاجراءات لانها تطول قدمت على الجامعه وانقبلت الحمدلله ... فـ انت اختصر السالفه

والعب ع الحبلين ,,,,, بالتوفيق

[الشامخ999]

مشكور اخوى مشارى

الله يعطيك العافيه

طيب نظام الأنتساب انا ماعندى فرصه الا وقت الأختبارات

احضر فقط هل فى محاضرات ضرورى احضرها بعدين انا فى الباحه

موفق اخوى مشارى

[مشاري الرياض]

العفوا اخوووي .... بخصوص المحاضرات مافيه الا للتعليم عن بعد .. انت انتساب مافيه ...


بس فيه دوره تأهيليه تقام بشهر 11 تقريباً لمده اسبوعين هي مهمه بس مو ضرووري تحضر

ان شاء الله الاعضاء يعطوونا المفيد ( الحذف والمطلوب ) ...واي استفسار الكل حاضر

بالتوفيق يارب

[غلآوي]

تحياتي
هاااي حبايبي انا سجلت وتم التسجيل وبدي ارسل المستندات وعندي استفسار ياليت تساااعدوني الله يخليكم

المستندات المطلوبة

1- نموذج بيانات الطالب المطبوع من الانترنت (( اي بيانات يقصد مطبوعه من الانترنت؟؟؟؟؟؟؟؟؟؟ + صورة من استمارة الثانويه العامه ( كشف الدرجات ) مصدقه ومختومه من وزارة التربيه والتعليم بالمملكة.


2- صـورة بطاقـة الأحـوال للطلاب وبطاقة العائلة للطالبات


3- (يجب تكبير الصورة وتدوين رقم السجل المدني بخط واضح للأهمية) .


4- عدد 2 صورة حديثة ملونة مقاس 4×6 سم مدون عليها من الخلف بقلم جاف اسم الطالب/الطالبه ورقم السجل المدني.


5- خطاب موافقة جهة العمل (للموظفين) + صورة منها.


6- الطلاب غير السعوديين ومن أم سعودية عليهم إحضارصورة من (شهادة الميلاد+حفيظة نفوس الوالدة+الإقامة) .


7- تعهد جامعة بلا تدخين المطبوع من الانترنت . ؟؟؟؟؟؟؟؟؟؟ بلا تدخين مافهمته سووووري

8- تعهد الالتحاق ببرنامج الانتساب المطبوع من الانترنت . ؟؟؟؟؟؟؟؟؟ هذا بعد مافهمتوة

[مشاري الرياض]

ادخلي الرابط اللي تحت واطبعي الاوراق وارح تطبع معك كل التعهدات .. عن طريق طباعه طلب سابق

http://odus2.kau.edu.sa/app_v3/Entsab/index.asp

اي استفسار انا حاضر .. بالتوفيق

[iMari]

المشاركة الأصلية كتبت بواسطة مشاري الرياض ادخلي الرابط اللي تحت واطبعي الاوراق وارح تطبع معك كل التعهدات .. عن طريق طباعه طلب سابق http://odus2.kau.edu.sa/app_v3/Entsab/index.asp اي استفسار انا حاضر .. بالتوفيق

ياشيخ الله يجزيكم الخير أفيدونا عن حالتنا من هنا:

http://www.skaau.com/vb/showpost.php?p=2416703&postcount=1944

ودلونا عمن يفيدنا في أقرب وقت قبل قفل باب التسجيلات؛

الله يجزيكم الخير كله؛