قبول الطلاب والطالبات الغير سعوديين

[ابو نضال]

المشاركة الأصلية كتبت بواسطة الـ عسجد دحين لما ننقبل بيعملولنا يوم ارشادي خاص بينا ولا ؟

نعم ( ولالالالالالالالالالالالا) على الكلاس على طول
بس يقولون تعالوا
اليوم ارسلت واحد اعرفه على مبنى قبول جامعة البترول بس مجرد سؤال ( كانه راح يشحت منهم --- قالوا مافي جديد واذا في شيء راح نتصل على المرشحين ومع السلامة )

[همس الخواطر ..]

يعني تنصحونا نروح اليوم الإرشادي ولا مو ضروري ؟

[بنت عز ما تنهز..]

المشاركة الأصلية كتبت بواسطة همس الخواطر .. يعني تنصحونا نروح اليوم الإرشادي ولا مو ضروري ؟

من وجهة نظري انو البرنامج الارشادي جدا مهم

منه بتعرفي كل ما يخص الجامعة من اول يوم في التحضيرية ليوم التخرج>> جدا مستعجلة على التخرج

وعن طريقه بتعرفي كليات القسم اللي بتدخليه سواء علمي او ادبي

وبيكون عندك فكرة عن طريقة المذاكرة واشياء كثيرة زي كدا

[ابداع3]

ع حسب علمي مانقدر نحضر اليوم الإرشادي بدون البطاقة الجامعية
حسام الجهني كدا كاتب ف تويتر
وكلامه كان للانتساب والتعليم عن بعد اللي ما وصلتهم البطايق
فكيف إحنا !!!

[بنت عز ما تنهز..]

المشاركة الأصلية كتبت بواسطة ابداع3 ع حسب علمي مانقدر نحضر اليوم الإرشادي بدون البطاقة الجامعية حسام الجهني كدا كاتب ف تويتر وكلامه كان للانتساب والتعليم عن بعد اللي ما وصلتهم البطايق فكيف إحنا !!!

ايوة شفت كلام حسام الجهني أمس في تويتر وعشان كدا اتصلت اليوم على الجامعة عشان اتاكد

والموظف اللي رد علي قالي عادي تدخلوا المحاضرة بدون البطاقة الجامعية دامكم ما استلمتوها

وسالته يعني وقت الدخول ندخل بالاقامة يعني؟؟ قالي ايوة >>>مدري هي تصريفة ولا من جد يتكلم

المهم زي ما قلت لكم ااتصلوا على الجامعة بكرة وتاكدوا منهم وأفيدونا بما هو جديد..بالتوفيق للجميع

[بنت عز ما تنهز..]

رقم جامعة الملك عبدالعزيز 8001169528

[الحمدلله1000]

المشاركة الأصلية كتبت بواسطة الفتاة الغامضة نفس السنة اللي اتخرجت ^^ ‥

اش يعني؟

[حيــــــاة]

المشاركة الأصلية كتبت بواسطة الـ عسجد دحين لما ننقبل بيعملولنا يوم ارشادي خاص بينا ولا ؟

المشاركة الأصلية كتبت بواسطة بنت عز ما تنهز.. بنات/شباب البرنامج الارشادي ممكن نحضره على حسب كلام الجامعة لما اتصلت عليهم اليوم اما بعدين يسوا لنا برنامج ارشادي خاص بنا ابدا ما اتوقع لان عددنا بيكون جدا قليل بس انتو كمان بكرة اتصلوا على الجامعة وتاكدوا منهم وافيدونا بما هو جديد..بالتوفيق ان شاء الله

المشاركة الأصلية كتبت بواسطة ابو نضال نعم ( ولالالالالالالالالالالالا) على الكلاس على طول بس يقولون تعالوا اليوم ارسلت واحد اعرفه على مبنى قبول جامعة البترول بس مجرد سؤال ( كانه راح يشحت منهم --- قالوا مافي جديد واذا في شيء راح نتصل على المرشحين ومع السلامة )

.,.
لو انقبلتوا عالترم الثاني ماراح يكون فيه يوم ارشادي طبعاً ..
واقولكم ياها ،، ترا هو شيئ ابد ابد ابد ابد ابد ابد ابد موووووووو مهم .. مجرد قرقر كثير ><
نصه تعرفوه ونصه ماله داعي ،،
وماراح يأثر عليكم لو ماحضرتوه <<زي حضراتنا درعمنا عالجامعه في رابع اسبوع في الترم وبعد اسبوعين اختبرنا دوري وما اثر علينا لا ارشادي ولا غيره ولله الحمد

ولو بالنسبة للكليات والتخصصات والتعرف عليها في الترم الثاني بيعملوا يوم اسمه " يوم التسكين " تعرفي بالكليات وكذا ،، طبعا لم تكونوا مقبولين بيمديكم تحضروه ،

.،.

اما الي ما استلموا بطاقاتهم صح كثييييييير من الانتساب والانتظام وعن بعد وراح يدخلوا بهوياتهم بســــ كمان لازم يطبعوا سجلهم او جدولهم من الاودس ،،
يعني لو رحتي بالهوية بس احتمال كبيييير مايدخلوكي الامن لانهم اكثر من مشددين ><
مع هذا الي يبغى يغامر وعنده شغف فلـ يروح ويجرب ،، اما يدخل او يرجع - ـ -

.،.

هذا مالدي ..

موفقين : )

الله يفرحكم بما تتمنوه في اسرع وقت : )

[حيــــــاة]

المشاركة الأصلية كتبت بواسطة الفتاة الغامضة thank you تصدقي نفسي اشوفك في الجامعة واتعرف عليك ^^

اكيد بإذن الله بيكون لنا لقاء دامنا نفس الفرع ونفس الخطة كمان *ـ^

صحيح اعطيني برنت من جدولك ممكن عندنا شعب مشتركة ..

وارسلي لي طريقة للتواصل معك
: )

[الفتاة الغامضة]

المشاركة الأصلية كتبت بواسطة حيــــــاة اكيد بإذن الله بيكون لنا لقاء دامنا نفس الفرع ونفس الخطة كمان *ـ^ صحيح اعطيني برنت من جدولك ممكن عندنا شعب مشتركة .. وارسلي لي طريقة للتواصل معك : )

*_^إن شاء الله
الجدول لسى ما نزلوا لي … إن شاء الله لمن استلم البطاقة اسألهم على طول عن الجدول …
يااااارب ينزل اليوم‥

ايش رايك نتواصل ع الفيس أو الواتس ^^