قبول الطلاب والطالبات الغير سعوديين

[nour al3mr]

المشاركة الأصلية كتبت بواسطة sose hamad السلام عليكم يا شعب الصمود ابغى اسأل عن جامعة الحديدة مدري تعرفوها او لا المهم دي جامعة كويسة وكيف الدراسة فيها معتمدة أو لا ؟؟ لأنو صحباتي كلموني عنها ويبغو يسجلو فيها فياليت اي احد يعرف عنها شي يخبرني

و عليكم السلام و رحمة الله و بركآته

جآمعة الحديدة اللي مكتبها بالقنصلية اليمنية ؟ إن كآنت هيا
ولا تفكري فيها و لا بأي جآمعة يمنية يا أختي .. إن مرة كآن ولا بد
فَـ عندك جآمعة العلوم و التكنولوجيا ( بالقنصلية كمآن ) لأنها معتمدة عن بقية الجامعات و نظآمية (أرحمهم)
و للعلم : المفترض أنه تم إغلاق التسجيل الجديد للمستجدين بالجآمعات اليمنية
فاللي يسجل حاليًا ( بالذآت الحديدة ) يعتبر مُخآلف و بأي وقت ممكن تغلق الجآمعة .
اختباراتهم بمباني يستأجروها و المحاضرات على حسب هل وفروا مبنى و أستاذات أو لا .

بالتوفيق

[Bayan.as]

المشاركة الأصلية كتبت بواسطة اتعبت الحلم قدمت ع رمضان وطلبو االاصل دحين والرجال قال لبابا ان ملفي جاهز بس كان ناقص الاصل الشهاده .. وانو الاسبوع هذا يحولوها للجامعه والرد بعد شهر ونص . كانه غريبه سنة كامله معاهم شهادتك الاصل ومافي رد اش الي لا المبالاه هذه الله يستر بس

التقديم كان قبل سنة بس قبل شهرين طلبو الشهادة الأصلية

الله ييسر لنا 💞

[sose hamad]

مو انا استغربت لما سمعت عن الجامعة هذي بس قلت أكيد مو معترف فيها (في السعودية )
وصحباتي عجبتهم الجامعة وقاعدين يقولولي .... فيها تخصصات حلوة وفلانة وفلانة سجلوا فيها ... لين ما كبروها في راسي
بس لما دورت عنها في قوقل شلتها من راسي الحمد لله
لأنو ساعات ما يكون عندهم استاذات واختباراتهم ملخبطة

المشكلة ان المقيمين اليمنين لو بيدرسوا في اليمن الجامعات هناك شهر بيدرسوا والشهر الثاني الاساتذة عاملين اضراب لين مايستلموا الرواتب.... وهكذا وتجي الاختبارات ونص المنهج ما انشرح
ولا اذا رسب احد في اول سنة السنة الجاية يعاملوه كأنو طالب جديد بيسجل عندهم ....
كلامي ذا من تجربة أخوي في جامعة العلوم والتكنلوجيا ما ادري ذحين ايش صار فيها ...

[بنت عز ما تنهز..]

السلام عليكم


حياة
عندي سؤال بخصوص مادة الانجليزي

اذا اختبرت اختبار تحديد المستوى وعديت المستوى الاول والثاني والثالث
وبدرس المستوى الرابع

ممكن ااجل دراسة المستوى الرابع وادرسه الترم الثاني اللي هو الترم الاول من السنة الجاية ولا لا؟؟

[حيــــــاة]

المشاركة الأصلية كتبت بواسطة بنت عز ما تنهز.. السلام عليكم حياة عندي سؤال بخصوص مادة الانجليزي اذا اختبرت اختبار تحديد المستوى وعديت المستوى الاول والثاني والثالث وبدرس المستوى الرابع ممكن ااجل دراسة المستوى الرابع وادرسه الترم الثاني اللي هو الترم الاول من السنة الجاية ولا لا؟؟

وعليكم السلام ورحمة الله وبركاته
لا ماراح ينفع ..
اصلا الي يبدو من المستوى الرابع مايبداو بدراسته من بداية الترم .. يدرسوه في الربع الثاني من الترم بعد حوالي 7 اسابي ..
لانه كل ترم يندرس مستويبن كل ست اسابيع مستوى وفي السابع امتحانه .. وبعده يلدا المستوى الي بعده وهكذا ..

اتمنى اكون افدتك ..
موفقه : )

[بنت عز ما تنهز..]

طيب حياة لو عندي شهادة دبلوم انجليزي ممكن ما ادرس انجليزي بالجامعة ولا لازم شهادة توفل او الأيلتس ؟؟

الانجليزي مسوي لي ازمة ابغى اتخلص منه باي طريقة

[حيــــــاة]

المشاركة الأصلية كتبت بواسطة بنت عز ما تنهز.. طيب حياة لو عندي شهادة دبلوم انجليزي ممكن ما ادرس انجليزي بالجامعة ولا لازم شهادة توفل او الأيلتس ؟؟ الانجليزي مسوي لي ازمة ابغى اتخلص منه باي طريقة

لازم آيلتس او توفل ،،
مافي اي شيئ ثاني يعادله حتى لو اش كان المعهد او الدبلوم ،،

.،.
ترا ماهو بذيك الازمة .. عادي كل مافي الموضوع الدوام ،، اما عن المنهج مافيه شيئ وحلو ،
ومايتأثر المعدل او يكون اعلى لو كنتي بدون انجلش ،،


موفقه : )

[بنت عز ما تنهز..]

المشاركة الأصلية كتبت بواسطة حيــــــاة لازم آيلتس او توفل ،، مافي اي شيئ ثاني يعادله حتى لو اش كان المعهد او الدبلوم ،، .،. ترا ماهو بذيك الازمة .. عادي كل مافي الموضوع الدوام ،، اما عن المنهج مافيه شيئ وحلو ، ومايتأثر المعدل او يكون اعلى لو كنتي بدون انجلش ،، موفقه : )

انا ابغى اتخلص من الانجليزي عشان هو اللي نزل نسبتي في الثانوي كثير

وخايفة ينزل معدلي في التحضيرية كمان

لما تخلصي المستوى الرابع اعطيني فكرة عنه

وبالتوفيق

[شوكولاتوو]

المشاركة الأصلية كتبت بواسطة بنت عز ما تنهز.. بجاوبك بالنيابة عن حياة انتي ترشحتي للقبول في جامعة الملك عبدالعزيز ولا ام القرى؟؟ لان نظام السنة التحضيرية يختلف حق جامعة ام القرى عن جامعة الملك عبدالعزيز جامعة ام القرى تدرسي سنة تحضيرية في التخصص اللي انقبلتي فيه وغير السعوديين ممكن ينقبلوا في كل التخصصات عدا المسار الطبي عندك المسار العلمي-المسار الاداري-الشريعة والدراسات الاسلامية-الدعوة واصول الدين-الدراسات القضائية والانظمة-اللغة العربية-العلوم الاجتماعية اما جامعة الملك عبدالعزيز تدرسي سنة تحضيرية مسار علمي او مسار اداري وعلى حسب معدل السنة التحضيرية تتخصصي هذي مجرد فكرة بسيطة عن السنة التحضيرية لمزيد من التفاصيل عن السنة التحضيرية لجامعة الملك عبدالعزيز عندكم الرابط اللي نزلته قبل يومين هنا وحياة ما راح تقصر يعطيها العافية بس يا ليت تقولي لنا انتي اترشحتي للقبول بعزوز ولا ام القرى عشان نفيدك

انا ترشحت في ام القرى
ولله شكرا انتي وحياة ماقصرتوا
جزاكم الله الف الف الف خيييير

[شوكولاتوو]

طيب اختبار تحديد مستوى متى الواحد يختبره .؟