تجمع طالبات الانتساب .. جداول .. استاذات .. المستوى 4-8

[alawizz]

بنات بليييييييييز ساعدوني


طلعلي محاسبه مع حمديه عبد الغفار مهران سالم


و بحوث عمليات مع امل تركستاني


و تخطيط موارد بشريه مع كاميليا الجنايني

شو رايكن بالاستاذات

الاداره الاستراتيجيه طلعتلي مع ساميه

لكن وين افضل اخذها مع ساميه مقبول او بثينه جمجوم

بليييييييييييييز بنات اللي تعرف تقول لاني خايفه

بالنسبه لدراسات اداريه معاصره و ادارة موارد بشريه بالانجليزي لحد الحين ماطلعت اسامي الاستاذات

متى راح تطلع

[@^@]

مرحبا بنات



كيفكم مع حوسة الجداول

حابه اضيف ادارة اعمال دوليه بس ماني قادره للاسف وما تعرفون مين اللي يعطيها السيمستر هذا

مين تتبرعلي بالمقعد في شعبة na هههههه عن جد والله

المهم حبايبي هذا جدولي الين ذحين

ادارة اعمال بالانجليزي مع غاده والحمدلله الكل بيمدحها
استثمار مع سحر مهران وكمان كويسه الحمدلله بس ما اعرف اشوف فيه موضوع اعتراض على درجات ؟؟
ماليه دوليه ماني عارفه مع مين
مباديء اقتصاد كلي برضو ماني عارفه مع مين
وثقافه اسلاميه 4 مع انصاف ياريت تخبروني كيف انصاف في الدرجات ؟؟

الاقتصاد والثقافه حاطتها بس املي الجدول انا حابه ادخل ادارة اعمال دوليه وادارة مشاريع صغيره مع شذى بس للاسف الشعب كلها فل


المهم انا اليوم فتحت الموضوع وقريت كل الصفحات

ابي اطمنكم اللي متخوفه من كميليا الدكتوره اكثر من رائعه اختبرت معاها السمستر اللي فات نوع اجتماعي وذاكرت من الملزمه بس ولا حظرت معاها المحاضرات وماشاء الله تبارك الله جبت 95 معاها

اسئلتها واضحه وسهله

والمقاليه تعداد تعطيك 3 اشياء وتقولك اختاري منها وحده واذكري عليها 3 نقاط واصلا النقاط تلاقيها مكتوبه من ضمن فقرات الاختياري

السؤال الثاني المقالي بتعطيك نقطتين وهل انتي متفقه معاها او معارضه والسبب من وجهة نظرك طبعا انا ما ادري وش سالفة هالسؤال وحطيت راي الشخصي اللي بعيد تماما عن الملزمه وكنت خايفه ورحت لها سالتها اني ما عندي خلفيه ايش المقصود قالت هذا سؤال حريه شخصيه ايش ما تكتبي فيه صح يعني درجات على طبق من ذهب

وتمنيت تعطي مواد ثانيه كان اخذتها كلها مع كميليا وعلى فكره انا ما احفظ نهااائي بقرء الملزمه قرائه فقط

يالله تطمنو ولا تندمو من وجودها في الجدول

[rubi]

ززو

تسلمي ياعسل كويس احد مدحلي البحوث

وانصحك تبعدي عن سامية نهائي نهائي نهائي

[نوقه]

بنات من عندها بحث وتدريب هذا ترم مع لاستاذه شيماء موسى
تساعدني ايش اعطتهم وايش طلبت منهم

[رقي الأحاسيس]

المشاركة الأصلية كتبت بواسطة ززو اختي انا عندي انجليزي 102 بس مو نفس الاستاذه بس حبيت اسئلك دورتنا حتكون مع الدوره الى بدات دحين ولا الى بعد هذي لان السنترا مو راضي يفتح

ياقلبي دورة الاقتصاد اللي بعد هذي اللي في تاريخ 21/4 عشان كده السنترا ما يدخل معاكي

المشاركة الأصلية كتبت بواسطة @^@ مرحبا بنات كيفكم مع حوسة الجداول حابه اضيف ادارة اعمال دوليه بس ماني قادره للاسف وما تعرفون مين اللي يعطيها السيمستر هذا مين تتبرعلي بالمقعد في شعبة na هههههه عن جد والله المهم حبايبي هذا جدولي الين ذحين ادارة اعمال بالانجليزي مع غاده والحمدلله الكل بيمدحها استثمار مع سحر مهران وكمان كويسه الحمدلله بس ما اعرف اشوف فيه موضوع اعتراض على درجات ؟؟ ماليه دوليه ماني عارفه مع مين مباديء اقتصاد كلي برضو ماني عارفه مع مين وثقافه اسلاميه 4 مع انصاف ياريت تخبروني كيف انصاف في الدرجات ؟؟ الاقتصاد والثقافه حاطتها بس املي الجدول انا حابه ادخل ادارة اعمال دوليه وادارة مشاريع صغيره مع شذى بس للاسف الشعب كلها فل المهم انا اليوم فتحت الموضوع وقريت كل الصفحات ابي اطمنكم اللي متخوفه من كميليا الدكتوره اكثر من رائعه اختبرت معاها السمستر اللي فات نوع اجتماعي وذاكرت من الملزمه بس ولا حظرت معاها المحاضرات وماشاء الله تبارك الله جبت 95 معاها اسئلتها واضحه وسهله والمقاليه تعداد تعطيك 3 اشياء وتقولك اختاري منها وحده واذكري عليها 3 نقاط واصلا النقاط تلاقيها مكتوبه من ضمن فقرات الاختياري السؤال الثاني المقالي بتعطيك نقطتين وهل انتي متفقه معاها او معارضه والسبب من وجهة نظرك طبعا انا ما ادري وش سالفة هالسؤال وحطيت راي الشخصي اللي بعيد تماما عن الملزمه وكنت خايفه ورحت لها سالتها اني ما عندي خلفيه ايش المقصود قالت هذا سؤال حريه شخصيه ايش ما تكتبي فيه صح يعني درجات على طبق من ذهب وتمنيت تعطي مواد ثانيه كان اخذتها كلها مع كميليا وعلى فكره انا ما احفظ نهااائي بقرء الملزمه قرائه فقط يالله تطمنو ولا تندمو من وجودها في الجدول

كويس طمنتينا الله يطمن قلبك

انا زيك عندي استثمار واقتصاد كلي

وادارو اعمال عند غادة اخذتها السمستر اللي فات

الاستاذة جدا راااااااااااااااااائعة

واهم شي في كل فقرة توضحلك كيف بيجي السؤال وتترجم معاكي كمان

بس ابغى اسالك انتي اخذتي التخطيط مع مين ؟؟؟؟

[ayoooo]

المشاركة الأصلية كتبت بواسطة نوقه بنات من عندها بحث وتدريب هذا ترم مع لاستاذه شيماء موسى تساعدني ايش اعطتهم وايش طلبت منهم

نفس الطلب انا كمان عندي بحث وتدريب مع شيماء موسى بس لسا اوراقي بتروح العمادة عشان يوافقوا على زيادة الساعااات

ياريت الي يعرف ساعاتها المكتبية او طريقة التواصل يبلغنا

[inon]

المشاركة الأصلية كتبت بواسطة @^@ حابه اضيف ادارة اعمال دوليه بس ماني قادره للاسف وما تعرفون مين اللي يعطيها السيمستر هذا مين تتبرعلي بالمقعد في شعبة na هههههه عن جد والله

بسررررررررعة ألحقي ضيفي المادة
أمس كانت الشعبة مقفلة بس اليوم فضييت كرسيّن في الشعبة ..


بنات اللي عندها إدارة إستراتيجيه مع ساميه سليمان مقبول
أخذتها معاها الترم اللي فات وكانت أول مرة تعطي إنتساب
الكتاب كثيييير و هي تشرح من سلايدات ،
لكن >> وحطوا عليها عشريييين خط
تجيب بعض الأسئلة من خارج السلايدات + تجيب عللي و إشرحي وتكلمي
والتعريفات تجيب التعريفات وإنتوا تكتبوا المصطلحات
يعني ما تجيب المصطلحات وإنتوا تختاروا

[inon]

أنا نزلتلي بحوث عمليات مع ريم مشاط .. كيف أسلوبها ؟
لأنو شعبة أمل تركستاني وحدة مقفلة ووحدة تعارض مع إدارة أعمال دولية

[اشوريا33]

بنات انا في جدولي عدد الساعات المسجله 112 والمكتسبه 115 الحين عندي نوع اجتماعي واداره مشاريع صغيره واستثمار ونظام سياسي سعودي واداره خدمات صحيه وبحث وتدريب كذا تمام عشان اتخرج ولا لازم اضيف ماده كمان ساعدوني صبايا

[نووونه]

اشوريا ساعات التخرج 128 اذا انت 08 وماقبل

129 اذا فوق

عموما شيكي على الخطه الدراسيه وقارني