تجمع بنات ادارة سكن ومؤسسات متجدد باذن الله

[Twix~}..]

رورو دا جدولكـ .. دحين حبدا فلسفه عليكي .. :)

سبت وأثنين وربوع عربي 2 من 8-9 , سبت واثنين الادوات والاجهزه المنزليه من 10-12 وثقافه 2 من 9-10,
احد وثلوث علم نفس عام من 9:30- 11
, أحد سكن وتأثيثه 11-4:20

أحس البريكات كثيره وملخبط باقي لي ماده بروح الجامعه اضيفها إن شاء الله يوم اللسبت اللي هي أدارة موارد أسريه 1

جدووووووووووووولك حلووو ياعسسسسلهـ .. ومافيه اي بريكات بالعكس كل المحاضرات ورى بعض ..

يعني السبت حتاخذي عربي بعدين ثقافه بعدين ادوات واجهزة منزلي ..

بس خلي بالك انك يوم الربوع حتداومي عشان محاضره وحدهـ .. فانا من راااي إذا قدرتي تخلي سكن وتأثيثه في يوم لوحدو حيكون مرآآ احسسن يعني أذا في شعبه لمادة سكن وتاثيثه يوم الربوووع يصير غيري شعبتك والعربي خلي مع علم النفس يوم الاحد والثلوث .... وحتى لما تضيفي إدارة موارد خليها برضو احد وثلوث .. لانو تعب تداومي من الصباح يوم الاحد لما 3 او 4..

انتي شوفي إذا قدرتي حيكون مرآآ اوكي وإذا ما نفع برضوو جدولك اوكي ..

بالنسبه لأستاذهـ هيفاء مرآآ اوكي .. العربي والثقافه ما اعرفهم واحسس ما تفرق لانهم مواد عامه ..

[Twix~}..]

Ro0oraT Jed دا جولك وحتفلسف عليك زي رورو :)

لغة عربية من 9_8 السبت والاثنين والتلوت وبعدين اخدت علم نفس من 10_9 السبت والاثنين والتلوت واخدت سكن وتاثيث يوم الاتنين بس من 4_10 بس في بريك ساعه من 1_12 واخدت صحة فرد بدل ادارة موارد اسريه من 9.20_8 الاحد والتلوت وكمان اسس تغذية من 11_9.30 بدل اجهزة منزليه وبسس

جدول السبت والاثنين والربووووع .. حلو .. بس يوم الاتنين حتطولي حبتين في الدوام بس يووم ويعدي ..

وبالنسبة للبريك عاتي ياعسسسله كل الجامعه من 12 إلى 1 اغلبهم بريك لانو وقت صلاهـ ..

اما بالنسبه للاحد والثلوث فانا راي انك إذا قدرتي تاخذي مواد اسريه 1 احسلك بدل صحة فرد .. لانو انا اول سميستر ليا بالتخصص اتفلسفت وكان جدولي يوم الاحد والثلوث زيك بالزبط اسس وبعدين صحة فرد وكان ملل وتعب وطفش لانو المحاضره ساعه ونص وكلام كتير على راااسك فتملي .. فلو قدرتي تخليها موارد اسريه ترآآ احسسسلك لانو السميستر التاني راح تتعلطلي لانها متتطلب ..

[رورو^_^]

يعطيك العااافيه تويكس ماقصرتي حشوف اذا فيه شعب مفتوحه اولا

[Ro0oraT Jed]

تويكس ياعسل شوكرن على رايك بس المشكله موادر اسريه ماافي وانا حشووف يوم السبت بس ازا ماافي ايش اسوي اخلي كداا ولا ادور مااده تاانيه :( وعلى يووم الاتنين يب يوم وااحد ويعدي اصلن من يوم مااكنت في المدرسه يوم الاتنين طويل ومو حلو :p بس الاحد والتلوت دا ايش اسوي فيه ازا ماالقيت شعبه في موارد اسريه

[Twix~}..]

رورو ..

الله يعافيك يااارب .. :)

[Twix~}..]

Ro0oraT Jed

العفو ياقلبو .. :)

و ان شاء الله راح تلقي لانو اغلبيتكم بيقووول الشعبه ما قفله ولا قدر يسسسجل فيها يعني باللهي من موجود بالشعبه انتي روووحي وحاولي قد ما تقدري انك تضيفيها واكييد انهم راح يعملو توسيع للشعبه ..

[لوووووودي]

أنا رجعت

ساعدوني يابناااااااااااااااااات دكتورة نداء جمبي كييييييييييف؟

[ربيع الورد]

بنات سوؤال عبييط شووي
نحتااج اللاب كوت بهالتخصص ؟

[بطووووطه]

.
.

ربيع الورد ..
تبغي الحق ؟؟؟ لا :d
بس عشان احنا نبغى نلبس بناطيييل :d

لوودي..
دا ردي لوحدة سألت عنها في موضوع تاني:

مادة صحة فرد متطلب لكل بنات الكلية .. يعني لاتفكري سهلة أو صعبة لأنه لازم تاخديها <.< أنا الترم الفايت اخدتها مع د.نداء جمبي .. و من كتر ماكانوا البنات يخوفوني منها و من أسئلة اختباراها .. كنت مستعدة لها .. بس انطباعي عنها انها حبوبة و شرحهااا مراا حلوو .. و من دحين اقولك انه اختبارها مايجاوبو عليه إلا اللي حظروا الدرس .. لأنه نصه ثقافة أكثر من حفظ المادة .. و نص اختياري .. صراحه كل البنات ماعجبتهم و ما اكدب عليكي كتير راسبين .. لكن الحمدلله أنا مشيت معاها و عاجبتني و اخدت a وبالتوفيق لكِ ..

و على افتراض انك كنتي علمي .. فالمادة دي سهلة عليكي .. لو انتي تجي كل المحاظرات و مهتمة .. حقولك انك حتمشي فيها و تكون حلوه لك .. مع العلم انه د.نداء جمبي تطلب: ( بحث رئيسي + أدوات تثقيف صحي + عرض باور بدون شرح و تقديم + واجب لينكات ) كلهم على بعضهم عاادي يعني مو سهل و لا صعب ..

.
.

[Twix~}..]

الاب كوت يمكن تحتاجي اكتر شي في المواد العمليه لانك تتحركي وتشتغلي ..

بس احيانا عادي نجلس في الكلاس من غير لاب كوت الدكتورات والاستاذات ما يقولولنا اي شي ..

بس لما تخرجي من الكلاس لازم تلبسي عن الشؤون الحلوووين ..