قـــــــــروب طــــآلــــبـــآت ادآرة أعـــمــــآل الــمسـتوى السـآبع ومـآفـــوق 2012

[سبأ]

مرسي
يا اووووونس =)

[عبق الورد~]

المشاركة الأصلية كتبت بواسطة سبأ لا ياقلبي صحبتي اخدت المادهـ وهيا انتساب

صح كانت متاحه قبل..ومن السنه اللي فاتت ماسارت تنزل

[عبق الورد~]

المشاركة الأصلية كتبت بواسطة لودي! بنات نزلت ايقونة الحذف والاضافة وانا تخصصي موارد بشرية وطالعتلي المواد الاختيارية مكتوب عليها حرة وفيه مواد بضيفها حرة ماني لاقيتها في الاوديس وانا تخرج ايش الحل عندي مادتين حرة ومادتين اختيارية وتلخبطت بينهم ماعرفت افرق فهمووووني تكفووون

حبيبتي شوف مواد الاختياري تحصليها في نهايه هذا الرابط
http://business-administration.kau.edu.sa/content.aspx?Site_ID=120001&lng=AR&cid=37837
والمواد الحره تكون من خارج القسم مثل قسم علم النفس

[سبأ]

المشاركة الأصلية كتبت بواسطة عبق الورد~ صح كانت متاحه قبل..ومن السنه اللي فاتت ماسارت تنزل

لا لا بجد بيمزحوووو

على كدا لازم نروح حضرتنا للجامعه
نشوف ايش المواد الحرهـ اللي حاطينها

[الانس]

المشاركة الأصلية كتبت بواسطة gardenia ياحيآاااااااااااااتي والله من جد مآشالله عليكي :) طيب قوليلي ياقلبو تنصحيني فيها ؟؟؟ بصراحه انا ما أحب التاريخ ولا ليا في السياسه :( لكن أبغى ماده أجيب فيها الآي بلس بالرآااااحه يعني وانا مغمضه :) قوليلي هالماده ينفع أجيب فيها الأي بلس ؟؟؟ والله ياقلبي أنا اللي من حسن حظي إنك معايا :) يسلملي قلبك يآرب =)

الله يرضى عليك حبيبتي ويسلم لسانك على كلامك الطيب
ويارب زي ماجمعنا في الدنيا يجمعنا في الآخرة في الفردوس الأعلى .. اللهم آمين

شوفي حبيبتي .. بالنسبة للسياسة .. أنا كمان زيك ماأحب السياسة ولا لي فيها
لدرجة إني ماأشوف الأخبار أبدا ..

عني اتشجعت وأخذتها مع زميلتي .. وفي الأول بصراحة كرهتها
بس بعد ماأستوعبت المادة وذاكرتها وفهمتها .. وحطي 100 خط تحت فهمتها
حسيت المادة حلوة ومفيدة .. خاصة بالنسبة للناس اللي زيي مايحبوا السياسة

ومن حسن حظكم إن المادة سنترا ماشاءالله .. لأنه شرح الدكتورة مررره مههههم
ركزي ع المحاضرات وعلى أي شي تقوله .. وبصراحة الدكتورة تشرح بضمير ومنتهى الوضوح .. و أسئلتها تعتمد على الفهم والتركيز أكثر من الحفظ
أسئلتها ماتجيكي بالنص زي اللي في الملزمة .. ركززززي في الإختبار لأنه .. أحيانا .. تغير كلمة أو حرف فيتغير معنى الجملة تماما

وفي النهاية عزيزتي .. أقولك أي مادة مهما كانت سهلة وأتساهلنا في مذاكرتها ماراح نوصل للدرجة اللي نطمح في تحقيقها 00 والمواد الصعبة بالجد والإهتمام نجيب أحلى درجة وماكنا مانتوقعها

فشدي حيلك فيها وبإذن الله 100
أتوكلي على الله وخذيها

وأي سؤال أنا حاضرة ياقلبي

[الانس]

المشاركة الأصلية كتبت بواسطة سبأ مرسي يا اووووونس =)

العفو عزيزتي ..

[الانس]

للعزيزة قاردينيا .. وكل طالبة منزلة نظام سياسي سعودي

http://www.skaau.com/vb/showthread.php?t=495637

موفقين حبيباتي ..

[jo0odi]

المشاركة الأصلية كتبت بواسطة gardenia مسآء الخير والإحسآس والطيبه مسآءِ مآيليق إلآ بأحبآبي هلابڪ قآردينيآ ^^ تسلميلي جودي ياقلبي والله الموضوع منور بصآحبته الحلوه وبكل البنوتآت اللي هنآ الله يسلمڪ يآرب والله أنا مبدئيآ مخططه أنزل : تخطيط وتنمية موارد بشريه إدآره إستراتيجيه إستثمار بحوث عمليات مشاريع صغيره موارد بشريه إنجلش .. طبعآ هم نزلولي جدول على كيفهم وأنا موعاجبني لأنه منزلينلي ثقافه 4 ونوع إجتماعي وأنا مو حابه آخدهم إلا في آخر سمستر مع البحث والتدريب لأنها مواد سهله وماتحتاج مجهود في المذاكره .. كمان ماني متشجعه آخذ مواد إختياريه حابه أخلص المواد الأساسيه بالأول عشآن أرتاح بالنسبه للمواد الحره سمعت إنها بتتعادل .. يعني ممكن يعادلوها مع المواد اللي درسناها زمان وإنلغت من الخطه فقولت خلي موضوع الإختياري والحر للترم الجآي بإذن الله أكون على الأقل إرتحت من أغلب المواد الأساسيه اللي باقيه لـي :) بقوووه مآني معڪ بهالنقطه وانا اعتبرها اكبر غلط انڪ تخلي المواد الحره والاختياريه آخر ترم أو انڪ تأخرينهآ ! أنآ اقولك ليش ..؟ . . المواد الحره والاختياريه اذا نزلتيهآ مع موادڪ الأساسيه تڪون لڪ بمثابة مواد مساعده يعني لا سمح الله لنفرض انڪ جبتي بماده اساسيه 70 وماده اختياريه 90 فهنآ رآح توازنين معدلڪ بعكس اذا ڪانت موآد اساسيه مع بعض ممكن تڪون درجاتڪ متقاربه وفي حالة ڪانت موادڪ كلها اساسيه لنفرض انڪ جبتي بماده اساسيه 70 والماده الاساسيه الثانيه 90 صح وازنتي مااقولڪ لأ لڪن تخيلي لو في ماده اختياريه ثالثه جبتي فيها 90 هنآ وآزنتي ورفعتي معدلڪ . . وطبعآ إلى الآن ماإستقريت على الجدول .. كله رح يعتمد على أسماء الأستاذات !! لأني جدا خايفه آخذ الإستراتيجيه مع - ساميه .. ممكن آخدها في حال فتحو شعبه تانيه مع دكتوره غيرها.. كمان لو مثلا في مواد أنا مو مقرره آخدها ونزلت دآ الترم مع أستاذه ممتازه وقتها رح آخدها عشان لا أضيع على نفسي فرصه يمكن ماتنزل معاها الترم الجاي يعني في النهايه كله رح يتضبط بعد نزول أسماء الأستاذات بالسلامه حلوو وإنشآلله بإذن الله حايفتحو الحذف والإضافه بكره السبت والله يعيننآ على الزحفااااان وربي يوفقنا ويكتبلنا الخير اللهم آمين إنتي كيف طمنيني إيش ناويه تاخدي دآ الترم ؟؟ أنآ هالترم نوعاً مآ استقريت على هذه المواد 1- ماليه شركات 2- بحوث عمليات 3- القياده والابتڪار 4- تخطيط وتنمية الموارد البشريه 5- اتفاقيات منظمة التجاره العالميه 6 - أخلاقيات عمل . . طبعآ هالترم الاساتذه مش ولابد لڪن مضطره والله يعييين وبإذن الله نلتقي هنا كلنا بكره وننسق جدآولنا مع بعض أشوفكم على خير ياحلوووين

موفقه يآلغلآ
. .

[Shgawa]

مرحبا بنات كيفكم
ان شالله يكون ترم حلو يارب علينا
بس حابه اسال من حتنزل اداره اعمال دوليه انجليزي
انا نزلتها بس مافي اسم استاذه واتمنى تكون رنا مو شاهيناز

[jo0odi]

المشاركة الأصلية كتبت بواسطة سهاام الليل قاردينيا ياعسل من زماااان عنك الف مبروووك على الترقية انك صرتي مستشااارة والله يزيدك رفعة فوق رفعتك وينفع بعلمك حابة اقلك بخصوص جدولك مع انك موجهة الكلام لجودي بس السموحة منك ومنها على التطفل بس مايصلح تحطي كل المواد الصعبة في ترم واحد يعني انتي حاطة انجليش وانتي شفتي معاناتن مع الانجليش واستثمار ماخذته مع بحوث بالرغم من ان المادتين حلوة بس ماينفع تاخذينهم مع بعض لو انك تقسمينهم على ترمين على اساس تكون فرصتك في رفع المعدل مقسمة على ترمين لكن لو اخذتي كل المواد الصعبة في ترم واحد ولا قدر الله الله يبعد عنك الشر نزل المعدل ايش حتستفيدي في اخر ترم كل اللي حتسويه محاولة في رفع المعدل لكن اذا قسمتيها على ترمين واخذتي في كل ترم مواد سهلة ومواد صعبة بتقدري ان شاء الله ترفعي المعدل عموما حبيت اعطيكي وجهة نظري المتواضعة وقد تحتمل الصواب او الخطا والله يوفقك في جميع الاحوال ويرتفع المعدل وتفرحي ياااااارب موفقة

خذي رآحتڪ سهآم الليل وبالفعل كلامك %
بس شوفي سهآم الانقلش مررررره عآدي تآخذه مع اي مواد لأن مع شاهيناز جداً متعآونه لأبعد حد والماده سهله معآها
. .