{..تنظيـم الجدآول و اختيـآر المـوآد للفصل الدرآسي الجديد..طـآلبـآت الإنتساب..}

[ام حمدان]

حذفوا مناهج بحث لكل طالبات 09 قلك الاولويه للخريجات اوكي ماقلنا شي بس احنا ايش ذنبنا يتأخر تخرجنا وتروح علينا الماده مع دكتوره ماتتعوض مو كفايه اخرونا الترم الي فات وماخلونا ناخذها بحجه انه لازم نجتاز الادب والان يقولوا تجتازوا الادب واللغويات +ماتكونوا من دفعه 09
بجد نظام عجيب
الي اعرفه الخريجات لهم وضع خاص وبإمكانهم يوسعوا الشعبه ل100 بدل 80
وكمان بإمكانهم يفتحوا شعبه وهميه للخريجات عشان تنضاف الماده لهم زي مايسووا دايما

فليه معقدين الحكايه علينا وحارمينا ابسط حقوقنا ويلعبوا في جداولنا على كيفهم !

لاحول ولاقوة الله الا بالله

[mycat]

يابنات يا امامير انتم فاهمين غلط زيي في الاول مناهج البحث مانقدر ناخذها الين نخلص مواد الادب كلها قصة ودراما وشعر مو بس مقدمة في الادب وهذا كلام استاذة جميلة بنفسها انا رحت سالتها بنفسي لمن حذفت لي المادة فلا تحاولو تنزلوها ثاني لانهم بيشيكو على الجداول والي منزلتها بتحذفها لها

[ѕυрзя пıdσ]

لاتقوولي !!!

مس سوزان قالت كدا برضو لازم نخلص كل مواد الادب
بس بعدين قالو الي تخلص مقدمة في الادب تقدر تنزل البحث

مدام حاسبينها كدا ليش منزلين المادة في المستوى الخامس ؟؟؟

صبرا جميل وبالله المستعااان

[ام حمدان]

المشاركة الأصلية كتبت بواسطة mycat يابنات يا امامير انتم فاهمين غلط زيي في الاول مناهج البحث مانقدر ناخذها الين نخلص مواد الادب كلها قصة ودراما وشعر مو بس مقدمة في الادب وهذا كلام استاذة جميلة بنفسها انا رحت سالتها بنفسي لمن حذفت لي المادة فلا تحاولو تنزلوها ثاني لانهم بيشيكو على الجداول والي منزلتها بتحذفها لها

ادري ياقلبي سمعت الكلام ذا الترم الي فات لكن مع احترامي لمس جميله هذا شي مو من حقهم دكتوره الماده مس نجوى الغريبي بنفسها قالت لسوما صديقتي لمن راسلتها اهم شي انك اجتزتي اللغويات والادب وماجابت سيره بقيه المواد
وقالت انه الافضليه للدفعات القديمه الي قبل 09 عشان كذا حذفوا لنا البحث بينما الدفعات الي قبلنا ماحذفوا لهم
فهمتي القصه الحين

وهنا من حقنا نعترض من حقنا ندرس الماده مو ذنبنا يتأخر كل شوي يأخروا تخرجنا بسبب خطه غلط في غلط من الاساس وننبلش بالسنترا الترم الجاي (لان الماده بتصير سنترا الترم الجاي )ونفرط في مس نجوى هالترم الي لايمكن تتعوض

لا والف لا ماراح نسكت لهم وبنحارب عشان نضيفها مره ثانيه

[SσσσMαα]

mycat متى صار الكلام هذا متى سالتي جميله ؟؟!!

انا اخاف بكره تقول من شروط اضافة الماده ان لا يقل طولك عن 70 سم ووزنك عن 60 بالله ايش هالقرارات الاعتباطيه

تصريفه حلوه بس فيها عيوب
1- سبق وفيه بنات درسو الماده مع انهم ما خلصو مواد الادب كلها
2- عذرها الترم اللي راح انه لازم نخلص مقدمه ادب ولغويات فقط
3- ليه حطوها في المستوى الخامس في الخطه

الشعب يريد ايقاف القرارات العشوائيه ,, لان اذا احنا راضيين بالتنازل عن حقوقنا وما دافعنا عنها محد مجبور يدافع عنا

[nour al3mr]

المشاركة الأصلية كتبت بواسطة رحماك ربي السلام عليكم كيف حال الجميع نور أم حمدان مشورة هذا جدولي وشرايكم الصرف علم الاصوات مقدمة في الادب اللغويات التطبيقية التدريب العملي في الترجمة أفكر أحذف وحده يااللغويات أو التدريب واضيف سمنتكس شورائيكم وأبغى أسال عن مس سهام فطاني كيفها في الادب تعقدت من الادب حسبي على من كان السبب كان نفسي أكون عن مس نجوى بس ربي ماقسم وكمان مس شادن الحزيم كيف اسلوبها واخيرا مس منى البلوي أحس إني خايفه منها هل خوفي في محله وكيف اسلوبها للتعرفها وجزاكم الله الجنه

وعليكِ السلام ورحمة الله و بركـــــــــاته ..

الأدب مع مس نجوى لايفوت ..حاولي تآخذي معاها ..

الآبلايد = اللغويـات التطبيقية أعتقد أن الدكتورة خولة نازلة عندها المادة و اللي اعرفه انها ممتـــازة ولا تعوض فخذي المادة .. بس ترى الماده دسمة وغنية بالمعلومات كأنك تذاكري إدارة بس بالانقلش وبتوسع أكثر ..

الفونولوجي قريب من اللي درستيه في اللغويـــــات .. لا سهل ولا صعب .. يعتبر الفونتكس أسهل منه ..

البراكتكم 1 .. عندنا مايرضوا يضيفوه الا للبنات اللي قريب التخرج .. مع اني مستوى سابع مارضيوا يضيفوهـ قالوا انتوا لسه مو تخرج ..

فأخاف تضيفيها ولا قدر الله يحذفوها مع أنه ما اعتقد ..

الصرف رائع ويجنننننننننننننننننن ( المورفولوجي ) .. أعتبريها مادة متنفس لك ..

السمانتكس لسه ما أخذته لكن صديقاتي مستمتعين بالكـورس ..

منى البلوي عندنا نعمة و البنات يدورا على شعبها ويآخذوا معاها ..
اعطت صديقتي فونتكس وأنا كنت مع دكتورة ليلى ..

عجبني شرح مس منى و طريقة تبسيطها للمنهج لبناتها ..
وحاليا البنات عندنا ياخذوا مورفولوجي معاها و حابين الكورس ..

بس منهج الانتظام يختلف شوي عن الانتســـــــاب ..

سـآمحيني على التأخير بس ماشفت ردك لانه راح في الصفحات اللي قبـــــل ..

يرعـآك الرحمن ..~

[ѕυрзя пıdσ]

يآبنات من يومين احآول افتح صفحتي ومآتفت معآيأ في احد زيي
ولآ انآ عندي مشكلة ؟؟؟؟؟؟؟؟؟
ابغا اشوف اخر التطورات في جدولي الكريم =(

[i still feel ya]

شكلو السستم متحسس من الغبار فعشان كدا متنح
الدنيا زنقا زنقا لازم نشوف اش حذفو كمان
ما اعرف متى هيفتح الاوديس دا
..خوفتوني من حكاية البحث دي..انا اضفتها وشالوها رجعت اضفتها وكمان ضلينا اسبوعين في الاخر اخر مره شيكت على الجدول لقيتها موجوده... تتوقعو هيشيلوها تاني؟؟

[رحماك ربي]

المشاركة الأصلية كتبت بواسطة nour al3mr وعليكِ السلام ورحمة الله و بركـــــــــاته .. الأدب مع مس نجوى لايفوت ..حاولي تآخذي معاها .. والله ودي يعني بعد تجربة البنات الترم الأول معاها حمسوني أنزله ذا الترم بس طلعت مع مس سهام طيب قوليلي كيف أسوي علشان أجي في شعبتها الآبلايد = اللغويـات التطبيقية أعتقد أن الدكتورة خولة نازلة عندها المادة و اللي اعرفه انها ممتـــازة ولا تعوض فخذي المادة .. بس ترى الماده دسمة وغنية بالمعلومات كأنك تذاكري إدارة بس بالانقلش وبتوسع أكثر .. بحاول أبذل جهدي والله كريم لايضيع أجر من أحسن عملا الفونولوجي قريب من اللي درستيه في اللغويـــــات .. لا سهل ولا صعب .. يعتبر الفونتكس أسهل منه .. الفونتكس كان سهل صعب كوكتيل يعني اختبرته بديل بس ماطلعت النتيجة طيب إذا لاقدر الله ماعديت في الفونتكس نتصحيني أحذف الفونولوجي البراكتكم 1 .. عندنا مايرضوا يضيفوه الا للبنات اللي قريب التخرج .. مع اني مستوى سابع مارضيوا يضيفوهـ قالوا انتوا لسه مو تخرج .. فأخاف تضيفيها ولا قدر الله يحذفوها مع أنه ما اعتقد .. هيه مضافه أصلا في جدولي هم نزلوها الله يسمع منك وأتخرج من جد تعبت أنا ماراح احذفها إذا ربي أراد بأخذها لأني قريت للبنات موضوع مستقل عنها وأتحت لكلامهم وإن شاء الله خير الصرف رائع ويجنننننننننننننننننن ( المورفولوجي ) .. أعتبريها مادة متنفس لك .. أنا حملت الماده سهل ممتنع ماأدري يمكن أنا ذاكرتها غلط أوفهمت الأسئلة غلط ما أدري بس بعيد حساباتي وطريقة مذاكرتي السمانتكس لسه ما أخذته لكن صديقاتي مستمتعين بالكـورس .. السمانتكس عديته الحمد لله الترم الأول مرررررره يجنن انا استمتعت فيه منى البلوي عندنا نعمة و البنات يدورا على شعبها ويآخذوا معاها .. اعطت صديقتي فونتكس وأنا كنت مع دكتورة ليلى .. حلو الكلام يطمن عجبني شرح مس منى و طريقة تبسيطها للمنهج لبناتها .. وحاليا البنات عندنا ياخذوا مورفولوجي معاها و حابين الكورس .. بس منهج الانتظام يختلف شوي عن الانتســـــــاب .. سـآمحيني على التأخير بس ماشفت ردك لانه راح في الصفحات اللي قبـــــل .. يرعـآك الرحمن ..~

ماقصرتي الله يجزاك الجنه ياقمر وييسر أمرك وتتخرجين قريبا بإمتياز يارب

[nour al3mr]

^
ياقلبي تقدري تغيري شعبك من خلال ايقونة الحذف و الاضافة ..

شوفي أول شيء إذ شعبة د/ نجوى ماتتعارض مع اي مادة .. + إذا الشعبة لسه مفتوحة .. مو حمراء ..

يصير غيري شعبتك من مس سهام إلى د/ نجوى..

::~

الفونتكـس إذا لاقدر الله ماعديتيه أفضل تحذفي الفونولوجي لاني أخاف يحذفوهـ لك ..< عملوها مع بعض بنات الانتظـآم ..

::~

المورفولوجي حـلو لو ركزتي وفهمتيه مزبوط .. منهج الانتظام و الانتساب وآحد لما درسته الترم الماضي ..
لكن هذا الترم غيروه للانتظـآم ..
فاشفت المنهج حقيقة ممتع لكـن مو مشكله بإذن ربي تعوضيه وتنجحي بدرجات عاليه هالترم ..

ربي يفتح عليــــك ويطمنك .. =)