قبول الطلاب والطالبات الغير سعوديين

[heba.]

ليش خايفين
اول شي الكلام دا لام القرى يعني يمكن نحنا غير
وهم كاتبين الجنسيات "سوري/مصري/فلسطيني/يماني فقط
مادري ايش اللي خلاهم يختاروا الجنسيات دي اول شي يمكن لان عندهم منح من السفارة ماعرف والله
بس انتو ادعوا انوا ننقبل ومايفرقو بيننا في الجنسية ومايكونو عنصرين زي ام القرى
يعني لو مثلا قالو بنطلع اول شي اسماء اللي موزنهم عالي مثلا 98 % او 96% وبعدين الباقي احس
بيكون فيه عدل وانصاف مو على حسب جنسو يقبلوا

[Traneem Alamal]

السلام عليكم
اولا صلوا على النبي ايش الكلام الكثير اللي تقولوا عليه اولا لسه الأسماء ما نزلت يعني كلنا في ألهوا سوا
في احد راح اليوم الجامعه ولا الكل منتظر كلام من النت وتسمعو الإشاعات و وتحطموا نفوسكم بكره ان شاء الله نستفسر من الجامعه ونشوف ايش الصح ولا تعتمدو على كلام اللي لسه ما انقبلوا هم زينا لسه كيف نسمع منهم ونصدق المهم كل شي جايكم في الطريق ان شاء الله

[شوكولاتوو]

بنات هذا خبر عن ام القرى


بنات الحقوني الله يرضى عليكم مدري ايش اقول ايش اسوي شوفت رد في منتدى جامعة ام القرى مدري كيف
وانا مقدمة في ام القرى ؟؟ايش ذا ؟؟واحد راح الجامعة وستفسر
شوفوا ايش قالوله ....
المهم هذا نسخ ولصق





انا الان في الجامعه
الزبدة انه كل واحد يعطيني اجابه شكل
بس الحقيقه الاليمه يا جماعه ان الجنسيات اللي ذكرها الاستاذ علي غير مقبوله مثل سوريا فلسطين اليمن مصر نيجيريا جنوب شرق اسيا .. بسبب الاكتفاء من هذه الجنسيات ،
واللي قدموا في شعبان نزلت اسمائهم من الجنسيات الاخرى
وقريبا بيحطوها في الموقع ، اما اللي قدموا في ذي القعده فما نزلت

لا تعتمدوا على كلام احد نصيحتي الانتظار فماعندنا غير الامل
انا لله وانا اليه راجعون




<<<<<مدري ايش اقول

[سوزوكي]

حاجتين بقولهم تعليقا على موضوع أم القرى
1 جامعة الملك عبدالعزيز مو هي جامعة ام القرى ليش نربط كل شيء بيهم هذا غير ان باقي ع الترم التاني كثيير
2 وين الصبر اللي دايما نتكلم عنو !!؟ هذا كلو ممكن يكون سوء فهم لخبطة قاعدينًنشوف غيرنا ونحسب اننا حنكون زيهم خلينا نصبر وننتظر وكل تأخيرة فيها خيرة احنا قاعدين نبلبل مع نفسنا نعكر يومنا ونكتئب ليش ذا كلوا الصبر الصبر الصبر حتى انا انتظر وادعي ومليت بس أفضل شيء اننا نتجاهل اي خبر مو حلو بس عشان ننبسط بيومنا وبكرة حنفرح كلنا باذن الله

[Traneem Alamal]

ما اعتقد كلامه صحيح اولا ايش بقى ما ترك جنسيه ما قالها لا تعتمدو على كلامه يبغى يصرف من جيبه ذا ان كان الوزاره بنفسها كلامهم معانا كان مبشر غير كذا لا تعتمدو على كلام موظفين بسيطين ما يعرفو شي كل واحد يصرف من عنده

[بنت عز ما تنهز..]

المشاركة الأصلية كتبت بواسطة شوكولاتوو بنات هذا خبر عن ام القرى بنات الحقوني الله يرضى عليكم مدري ايش اقول ايش اسوي شوفت رد في منتدى جامعة ام القرى مدري كيف وانا مقدمة في ام القرى ؟؟ايش ذا ؟؟واحد راح الجامعة وستفسر شوفوا ايش قالوله .... المهم هذا نسخ ولصق انا الان في الجامعه الزبدة انه كل واحد يعطيني اجابه شكل بس الحقيقه الاليمه يا جماعه ان الجنسيات اللي ذكرها الاستاذ علي غير مقبوله مثل سوريا فلسطين اليمن مصر نيجيريا جنوب شرق اسيا .. بسبب الاكتفاء من هذه الجنسيات ، واللي قدموا في شعبان نزلت اسمائهم من الجنسيات الاخرى وقريبا بيحطوها في الموقع ، اما اللي قدموا في ذي القعده فما نزلت لا تعتمدوا على كلام احد نصيحتي الانتظار فماعندنا غير الامل انا لله وانا اليه راجعون <<<<<مدري ايش اقول

لا تخافي ان شاء الله بتتيسر الامور

وحاولي تقولي لابوك او اخوك يراجع العمادة في العزيزية عند عميد القبول والتسجيل ..ما افتكر اسمه بس الحازمي لا تاخذوا اي كلام من غيره

اما على حكاية اكتفوا من هذي الجنسيات فاتوقع هذا الكلام خطاء 60% لان القبول بيكون لاعلى 5% من الطلاب المقدمين>>هذا كلام الحازمي ل ابوي لما رحت عندهم في شعبان

واللي قدموا متاخر طبيعي تجي اسمائهم من الوزارة متاخر


فلا تشغلوا بالكم واكثروا من الدعاء..بالتوفيق

[بنت عز ما تنهز..]

المشاركة الأصلية كتبت بواسطة ابداع3 اتصلت ع الوزارة قلي اعطيني رقم المعاملة اعرفلك وين صارت المعاملة وكم باقيلها ما يبين برقم الهوية ،،

طيب لما اتصلتي ايش اخترتي؟؟ المنح الداخلية

وطيب ما حاول بالاسم دام رقم الهوية ما بين شيء ؟؟

[حيــــــاة]

بسم الله عليكم ياجماعه اشبكم اهدو ..
مالحقت كل التعلقيقات بس الي متأكدة منه ان في لخبطة ولغوصة واشاعات ومصادر وكلام خطأ انقال قلفتو نفسكم عشانة ..

كل سنة نسمع هالهبل والنهاية كله يطلع خطأ ..
+
ماعمرها جنسيات اكتفوا منها وقالوا ماتقبلها لانه اصلا القبول للموزون ومو للجنسية ..

الله يسعدكم لاتخبصو وتسمعوا لكلامهم وتتناقلوه لانه مابيعمل فيكم شيئ غير يقلقكم وبسس ..

راجعة لكم بعد شوي واعقب على كل رد ..

موفقين : )

[ابداع3]

المشاركة الأصلية كتبت بواسطة بنت عز ما تنهز.. طيب لما اتصلتي ايش اخترتي؟؟ المنح الداخلية وطيب ما حاول بالاسم دام رقم الهوية ما بين شيء ؟؟

ايوا لما اتصلت اخترت المنح الداخلية والجامعات الاهلية
قلتلوا احنا مرشحين من جامعة الملك عبدالعزيز ومقدمين الكتروني
وين صارت معاملتنا ؟
قال اعطيني رقم المعاملة قلتلوا ما عندي الا رقم الهوية
قال ما يبين برقم الهوية اعطيني رقم المعاملة اعرفلك وين صارت وبس

[حيــــــاة]

+
عدتُ مرة اخرى : )

الأسماء وصلت !!
امر القرى اعلنت عن الاسماء ؟
عبدالعزيز اعلنت عن الأسماء ؟
في احد انقاله صريح " ماراح تنقبل " !!
كلكم كنتوا تتصلوا واسمائكم مرفوعة في الوزارة مو !
اذا :
مافي اسم يوصل للوزارة وماينقبل ..
الي ماينقبلوا من البداية اسمائهم ماتروح من الأساس ،، واكبر مثال عندنا الي موزونهم اقل من المطلوب والي حتى موزونهم فوق95 من برا جدة ،
من رمضان وهم يتصلوا وينقالهم مااااافي اسمائكم ،، ليش ؟
لانه ماحققوا الشروط ،
بس الحين كلكم سواء طلاب ام القرى او عبدالعزيز الي منططبقة عليكم شروط الموزون والمنطقة خلاص اسمائكم الف مرة ومرة تتصلوا وتكون موججودة ..
يعني جاية جااااااية ..
بس كملوا جميــــلكم " مع نفســـكم " شوي وريحوها والهموها الصبر ،
ادري انه هذه الفترة كأنها موت بطيئ ،،
بس صدقوني تعددددي ،
طبعا كل يوم تناموا عشان يجي اليوم الي بعده وتبغوا الي بعده يجي عشان الي بعده يجي وهكذا تعيشوا ايامكم ،
بس نصيـــحة ..
استمتتعوا بأيامكم ولاتخلوا هالشيئ يعكر صفوكم ،، ادري طبعا احيانا نكون غير قابلين عالتحمل ،،
بس الي يصبركم شيئ واحد :
مجرد سؤال تسألوه نفسكم ..
: : معقول تعبكم بيضيع ؟؟ : :
لا والله حقكم بيجيكم الين عندكم ،، بس جرعة صبر بريال واحد بس ودفعة ذاتية ويقين انه ماراح يصير الا الخير الي موعارفينه ،

.،.

كلامي يتكرر نفسه كل مرة ،،
بس مافيني اعمل شيئ غير كذا ،، ماني قادرة اتحمل قلقكم وحوستكم وكمية اليأس الي انتو فيها هالأيام بسبب كــــــــلاااااااااام فـــــــــــاضيييييي
كلام كلام كلام كلام كلام فاااااضي


اي احد يقولكم اي شيئ ،، سواء طالب اليـــن موظف في الوزارة او العمادة ،، اعطاكم اي خبر بدون اثبات بدون احصائية بدون دليل يعتبر مو صحيح .
ليش !
لانه كل شيئ يحتمل الصواب والخطأ .. وطبيعي اذا كان معاكس لكل القوانين والاشياء الي نعرفها انه يكون اقرب للخطأ طبعاً اكثر من الصواب ،
يعني الخلاصة ..
كيف تزعلوا نفسكم على " ولا شيئ "
مو حرام تقلبوا نفسيتكم وتتعبوا نفسكم الين تكرهوا دا الشيئ بسبب ولا شيئ ،

كونوا واقعيين واحسبوها شوي معاي ..

موزون عالي = شروط محققة = ترشيح في الموقع = اسم مرفوع لللوزارة ،
اذاً اش الي يغير الموضوع ويخليكم مو مقبولين !!!!!!!
ولا شيئ …

+
لو كنت في الرئيسي كنت كل يوم في وجه العمادة واسألكم
وطبعا لو كنت ولد عاد مابقصر

الله يعدي هالترم على خير واقابلكم كلكم في العمادة قريب ^ـ*


.،.
اخيراً ..

لم القلق والخوف من المستقبل وهو بيد من نحبة ونثق به !!

،.،

.
انتهى ..

موفقين : )