قبول الطلاب والطالبات الغير سعوديين

[حيــــــاة]

مســـــائكم سعادة ورضى من الرحمن وراحة بال ماترحل
.،.

اولاً .. آسفة جدا عالتأخير في ردودي ارد واختفي ><

معدلي اقل من 90% يعني لازم اقلق شويتين لول < انا اعرف ناس فوق ال85% وانقبلوا يعني في احتمال ننقبل باذن الله حتى لو كنا تحت المطلوب ولن يصيبنا الا ماكتبه الله لنا .. الله يريح بالنا بالقبول يارب

ام القرى ولا عبدالعزيز ؟ لو ام القرى يقبلوا لتحت الـ 90 بكثير فاطمنـــــي ..
ولو عبدالعزيز ترشحتي ؟

.،.

بكرا الخميس 9صفر وحياة قالتلنا انو نصبر ونراجع الجامعة 10 صفر ..حيكون الجمعة يعني كيف نسوي حياااة بماذا تنصحينا ايش الخطوة القادمة الله يسعدك ،،

لم قلت لكم 10 صفر كان مجرد توقع وانه تنظروهم شوي وماتروحو من اول الشهر ،،
لو في احد يقدر يراجع نص الاسبوع او نهايته .. مافينا الا نتوقع وبس لانه مامعنا اوقات محددة كالعادة ،
يعني لو راجعتوا هالاسبوع بعدها انتظروا لبعد اسبوع وهكذا ..
+
ابغاكم تطمنو من شغلة .. انه الحين باقي وقت عالترم الجاي ،، يعني حتى لو فرضاً جات الاسماء ومادريتوا عنها يومين او ثلاث ماراح يكون عندكم مشكلة لأن الترم مابدأ اصلا ،،
مو زي وضعنا لم بدأ الترم وكان عندنا قلق الاسماء توصل واحنا مو داريين ويصير لنا تأخير ووو الخ .
بس انتو الحين بإذن الله راح تجي اسمائكم هالفترة قبل لاينتهي الترم ،
وكل الي مرشحين من اول وضعهم سليم ،،

ربي يوفقكم ويرزقكم بفرحة القبول

[حيــــــاة]

المشاركة الأصلية كتبت بواسطة سومية انا اتصلت ع الوزاره لاول مره بس للاسف قللي اسمي مو موجود ف ان شاااء الله حراجع الجامعه الاحد وياارب يبشرنا بالقبوول وبسألكم في احد لمن قدم اوراقه اعطوه رقم معامله ولاكلكم زيي بدون لانو في الوزاره لمن دقيت طلبو ولمن قلت ماعندي طلب رقم الهويه ف حابه اعرف اذا كلكم زيي وللي عندو يقولنا من وين اخذو عشان يكون الاستفسار اسهل للمرات الجايه ان شاء الله

التقديم الإلكتروني ماله رقم معاملة ،،
والوزارة لم يقولوا جيبوا رقم المعاملة شكلها تصيريفة ><
من العام وانا اقولهم مافي ارقام معانلات للتقديم الالكتروني ولسى مصرين -ـــــ-
الي قدمو يدوي <زي قبل ثلاث سنين كان التقديم يدوي > كان فعلاً في ارقام معاملات ،، بس الحين لا ،
.،.
موزونك 90 ووفوق .. مرشحة في الموقع ؟
اذاً وضعك سليم بإذن الله ،،

من كم يوم وحدة اعرفها موزونها 90 وفوق وكانت تسا الوزارة يقوللوا لها اسمك موجود من زمان ،، ومن كم يوم لم اتصلت قلها موموجود >.<
وشكلهم طلعوا يصرفوها ،،
لانها لم راجعت العمادة قسم الرجال قالوا دامها مرشحة واسمها مرفوع يعني وضعها سليم وبيجيها القبول مع البقية .

<زي ماقال ابراهيم قبان لواحد معانا هنا " ناسية اسمه " لم الوزارة قالوا له اسمك مو عندنا والعمادة قالوا له ان وضعه سليم دام ترشح >
.،.
اعتقد الوزارة صارت تقول زي مايقلقونا بنقلقهم
لذا : الي مرشح وموزونه 90 وفوق ،، حتى لو قالوا لكم الوزارة ان اسمكم موكوجود يعني وضعكم سليم ،،

…

بالتوفيـــــــــق : )

[ابداع3]

ايوا موضوع رقم المعاملة اكبر تصريفة
انا كنت اتصل وعلطول يطلب رقم الهوية والحمدلله يقول اسمك موجود
آخر مره اتصلت ما رضي ياخذ رقم الهوية يقول لازم رقم معاملة

[سوزوكي]

احس اني فرحانة لطالبات وطلاب أم القرى 😊☺️عقبالنا يارب

[سومية]

ان ششاء الله يطلع زي ماتقولي لانو مجربه مرتين وبرقم الهويه والاسم وبرضو يقول مو طالع عندي شي

وانا فوق التسعين ومترشحه لاكن ماعرفت وين الغلط

ويارب يطمنك حياة زي مابتطمنينا


وان شاء الله ياابداع يطلع برضو بيصرف :)

[عاشق الامل]

اخواني واخواتي الكرام بالتوفيق لنا جميعا ان شاء الله ، بس حاب اقول شي بالنسبة لموضوع النسبة الموزونة 90 ، ما ادري مين اخترع انه انه اللي جاب 90 اكيد ها ينقبل ! الموضوع ده صحيح من ناحية انه قد يكون شرط مبدئي للقبول احيانا ، لكنه غير صحيح دائما ، مثﻻ لو الجامعة ها تقبل 100 طالب فقط وفيه 200 طالب موزنتهم 90 واكتر ، معناته في كتير طﻻب ما هينقبلوا الترم ده مع انهم جابوا 90 ويكمن اكتر.. وقد يؤجل قبولهم للسنة اللاحقة وقد ﻻ يقبلون اصﻻ .. نطلب التوفيق من الله سبحانه ان شاء الله وان شاء الله الجميع مقبولين .

[lind]

أنا سعيدة جداً ومتفائلة
يارب تتم لنا القبول ع خير

[ابداع3]

مافي اي اخبار اليوم ؟!!!

[مريم العثمان]

السلام عليكم
حابة أقولكم اخويا راجع الجامعة وقالوله راجع قسم النساء ورحت راجعتهم ورحت لمكتب مديرة القبول أ.نادية وقالتلي انه لسه الأسماء ماجات من التعليم العالي قلتلها متى تجي؟ قالتلي والله مانعرف بس توصلكم رسايل وبعدين راجعونا

الله يبشرنا بالقبووول قريبًا :) :) :)

[بنت عز ما تنهز..]

المشاركة الأصلية كتبت بواسطة عاشق الامل اخواني واخواتي الكرام بالتوفيق لنا جميعا ان شاء الله ، بس حاب اقول شي بالنسبة لموضوع النسبة الموزونة 90 ، ما ادري مين اخترع انه انه اللي جاب 90 اكيد ها ينقبل ! الموضوع ده صحيح من ناحية انه قد يكون شرط مبدئي للقبول احيانا ، لكنه غير صحيح دائما ، مثﻻ لو الجامعة ها تقبل 100 طالب فقط وفيه 200 طالب موزنتهم 90 واكتر ، معناته في كتير طﻻب ما هينقبلوا الترم ده مع انهم جابوا 90 ويكمن اكتر.. وقد يؤجل قبولهم للسنة اللاحقة وقد ﻻ يقبلون اصﻻ .. نطلب التوفيق من الله سبحانه ان شاء الله وان شاء الله الجميع مقبولين .

عندي تعليق على كلامك

كل جامعات المملكة مسموح فيها قبول 5% من غير سعوديين
و5% في جامعة الملك عبدالعزيز=تقريبا 1000طالب>>طبعا دا الكلام مو من راسي هذا كلام استاذ حسام على تويتر

وطبعا لازم تتحقق شروط عشان يتم القبول واهم شرط نسبة الثانوية ما تقل عن 90 اما النسبة الموزونة تعتمد على شطارة الدفعة نوعا ما
يعني السنوات الماضية انقبلوا عدد من الطلاب وموزونتهم اقل من 90 بشوية>>لاحظوا قلت بشوية بس طبعا انقبلوا مسار اداري اما المسار العلمي لازم موزونة 90
وانا اعرف وحدة موزونتها 90 بس نسبة الثانوي اقل من 90 وما انقبلت انتظام والسبب كان في نسبة الثانوية اقل من 90


وثانيا الاعوام السابقة كان مسموح لطلاب كافة مناطق المملكة القبول بجامعة الملك عبدالعزيز
بس هذي السنة صار الاولوية لطلاب جدة ثم باقي طلاب منطقة مكة اما خارج منطقة مكة شبه مستحيل لان النسبة المطلوبة شبه تعجيزية وهي تقريبا 98.50
يعني نستنتج انو باذن الله كل اللي موزونتهم 90 وفوقها وتم ترشيحهم مقبولين ان شاء الله

وبالتوفيق للجميع..