قبول الطلاب والطالبات الغير سعوديين

[Alaa ameen]

السلام عليكم ورحمة الله وبركاته
مساء الخير
اليوم صحبتي منتظمه فراجعت العماده ودخلت عند مديره عماده القبول والتسجيل وشيكت بنفسهاعلى الورق ومالقيت لا اسمي ولا اسم صحبتي
وتقول انو الاسامي اللي في الورق تقريبا 20 اسم وقالتلها المديره هذه اللي جت من وزاره التعليم العالي
فشكل الاسامي حقت منحة بقشان حق العام

[mno0oli]

السلام عليكم
وحدة من صحباتي في الجامعة راحت العمادة اليوم وسألت أكثر من وحدة وكلمتني ع الواتس ....شوفو المرفق

[D.Amna Mansour]

السلام عليكم اخواني واخواتي بسالكم انا لسى ماتخرجت ثالث ثانوي علمي ومن دحين خايفه على موضوع القبول دا انا مو سعوديه ولا امي سعوديه وابغا ادخل طب في جامعه الملك عبدالعزيز بس سمعت انو ممنوع للاجانب ايش الحل ومتى اقدم على الجامعه من دحين ولا السنه الجايه؟ عشان مابغى التسجيل يفوتني وايش الاجراءات والمطلوب وكل شي افيدوني الله يسعدكم ويوفقكم

[طموحة.]

المشاركة الأصلية كتبت بواسطة d.amna mansour السلام عليكم اخواني واخواتي بسالكم انا لسى ماتخرجت ثالث ثانوي علمي ومن دحين خايفه على موضوع القبول دا انا مو سعوديه ولا امي سعوديه وابغا ادخل طب في جامعه الملك عبدالعزيز بس سمعت انو ممنوع للاجانب ايش الحل ومتى اقدم على الجامعه من دحين ولا السنه الجايه؟ عشان مابغى التسجيل يفوتني وايش الاجراءات والمطلوب وكل شي افيدوني الله يسعدكم ويوفقكم

وعليكم السلام ورحمة الله
أهلا بك
بالنسبة للطب زي ماسمعتي ممنووع لغير السعوديين في الجامعات الحكومية
أما لو جامعة أهلية عادي تقدري تدخلي طب
بما إنك لسه ثالث ثانوي شدي حيلك وبإذن الله تجيبي المعدل المطلوب لغيرالسعوديين
والتقديم في الجامعة يكون تقريبا في شعبان يعني لما تتخرجوا على خير ان شاء الله وتختبروا التحصيلي
وطبعا كل التخصصات متاحة لغيرالسعوديين ماعدا الطب
الله يووفقك ويووفق الجميع

[lind]

انا جنسيتي غير عربية
تنصحوني اروح اراجع الجامعة ولا استنى ؟؟
ولو رحت فين اروح بالضبط ؟؟؟

[mno0oli]

المشاركة الأصلية كتبت بواسطة d.amna mansour السلام عليكم اخواني واخواتي بسالكم انا لسى ماتخرجت ثالث ثانوي علمي ومن دحين خايفه على موضوع القبول دا انا مو سعوديه ولا امي سعوديه وابغا ادخل طب في جامعه الملك عبدالعزيز بس سمعت انو ممنوع للاجانب ايش الحل ومتى اقدم على الجامعه من دحين ولا السنه الجايه؟ عشان مابغى التسجيل يفوتني وايش الاجراءات والمطلوب وكل شي افيدوني الله يسعدكم ويوفقكم

وعليكم السلام ورحمة الله وبركاته ..لا تخافي لأنو الي كاتبه ربي خير لك وبيصير .. بس ادعي واستخيري واجتهدي وإن شاء الله ربي ما يكتب لك إلا كل خير ..بالنسبة للطب في جامعة الملك عبد العزيز للأسف الشديد (غير مسموح لغير السعوديين) .. لكن جمييييييع التخصصات الباقي مسموح لنا الدراسة فيها .. والحمد لله في تخصصات كثثثثيرة ومررة حلوة غير الطب ...أما اذا كنتي مصررة ع الطب ! ما عندك حل غير انك تدخلي أي كلية من كليات الطب الأهلية ..

طبعا التقديم في جامعة الملك عبد العزيز يفتحوه في الفصل الدراسي الثاني قبل ما تتخرجي من الثانوي ويكون التقديم الكتروني عن طريق الموقع وبعد ما تتخرجي وتطلع درجة التحصيلي تأكدي ع الطلب وتستني فرز الطلبات
بالنسبة للإجراءات ماعليك سوا انك تسجلي في الموقع بس .. لمن يرشحووك بإذن الله تطبعي الصفحة الي فيها الترشيح وتصوري هويتك وشهادتك وتراجعي العمادة .. بعد كدا تستني الرسالة << الي احنا نستناها دحين

أهم شي في الموضوع كله عشان تترشحي لازم تشدي حيييلك في المذاكرة عشان تجيبي درجات عالية في الثانوي والقدرات والتحصيلي ( مررة مهمة ) وعشان يكون المعدل الموزون 90 فما فوق وتنقبلي بإذن الله

أسأل الله أن يوفقك ويسههلك ويفتح عليك فتوح العارفين .. بالتوفيييييق (:

لا تحرمينا من صالح دعائكك

[mno0oli]

المشاركة الأصلية كتبت بواسطة lind انا جنسيتي غير عربية تنصحوني اروح اراجع الجامعة ولا استنى ؟؟ ولو رحت فين اروح بالضبط ؟؟؟

برأيي انك تستني معانا لو رحتي دحين ما رح تستفيدي
لأن الأسماء الي نزلت دحين كولها أسماء يمنيات من حق العام يعني الدفعة الي قبلنا
لو رحتي تراجعي بإذن الله روحي مبنى 65 .. لأني سمعت انو العمادة نقلت فيها مؤقتا

اذا رحتي طمنينا اش صار معااكك (:
الله يوفقك ويفتح عليك

[Bayan.as]

يا جماعة ايش هرجة الأسامي اللي نزلت حق بقشان حق العام اللي فات !!

انا حق العام وما جاتني رسالة

اروح أراجع الجامعة ولا ايش

[صباحات الشتاء]

طاب مسائكم احبابنا ،،جمعتنا محاسن الصدف لنصبح اصدقاءً بل اخوة وحدتنا هموم واحدة وقلب واحد ينبض بالامل برب العباد والثقة بمستقبل مشرق انتم احبتي نجومه ،،اجتمعنا هنا نتشارك هموما.. قلقا ..احزانا ..وبعض امنيات لاتزال تنبض في قلوبنا ،،هو ذات الالم نتجرعه معا وهو ذات الامل يعيش فينا سويا!!فأي اخاءٍ هو اكبر من ذلك؟؟!!احبكم اخوة القلب اخوة السهر اخوة القلق الذي لايزال يسكننا اخوة جمعتناالاقدار المشتركة ،،فلتشرق شمس الحياة احبتي ونحن لبعضنا عون وسند وبنيان مرصوص ،،احبكم ولا يزال للعرفان بقية!!! <بوح اخر الليل كلمات ابت الا ان ترى النور

[صباحات الشتاء]

بيان انتي راجعي الاحد ضروري احتمال كبييير انو الاسماء اللي نزلت هي اسمائكم(منح بقشان للي مقدمين من العام) ربي يوفقك ،،،انما بالنسبة لنا المنح الداخلية ف زي ما قالو الوزارة الاسبوعين القادمة راجعو الجامعة يعني اي يوم ممكن توصل الاسماء بس ماني عارفة اذا حيكون في دوام العمادة لانو تقريبا خلال الاسبوعين الكل حيخلص اختبارات واجازة