قبول الطلاب والطالبات الغير سعوديين

[حيــــــاة]

مدري اش وضعهم ةحكايتهم على سيرة الدفعات !!
شكلهم كانوا منتظرين بقية الاسماء تجي ويرسلوا للجميع او لم نسالهم يقولوا انها وصلت !
مرة غريب امرهم .
لانه حتى فسم الرجال الي هو اصدق مصدر للمعلومات ما اعطوا جواب ><
الله المستعان ..

مافي الا ان البقية يحاولوا يراجعوا وباذن الله يجيكم الخير ..

الله يبشركم بالي يسركم ♡

[Bushra Hg]

المشاركة الأصلية كتبت بواسطة سوزوكي توتا العامري بنت عز منولي الله يباارك فيكم اجمعين وان شاء الله انتوا كمان تفرحوونا بنت هز لاحظي ان هي سألت اختي سؤال سؤال مع كل سؤال اختي تشوف النبرة تحس يعني هههههه شغلي حدس المرأة اللي داخلك وان شاء الله خيير وحدة رااحت بعد ماقلت لكم الخبر مارضيو يدخلووها قالولها القبول من عند الرجال جيبي ورقة معااكلة مااني عارفة كييف بكرة الله يسسهل ان شاء الله

عجبتني أختك قدعة 👍👍
ألف ألف مبروووووك سوسو صبرتي ونلتي الحمد لله
وعقبالنا ياااااارب

[sereeno]

السلام عليكم ورحمة الله وبركاته

أولا مبروك لسوزوكي القبووووول الله يفرحك كمان وكمان وعقبال الباقين >> وحده متابعة بصمت

تاني شي حابة أسال القوائم كولها الي جات الين دحين ماتشمل القائمة حقت العربيات الي مقدمين من نفس الجامعه ولا !!

[بنت عز ما تنهز..]

المشاركة الأصلية كتبت بواسطة oblivion بنت عز انتي من جنسيه عربيه؟ لاني ابغى اروح اسال عن الجنسيات العربيه بس ما ادري اذا رح اقدر ولا لا

اهلا

ايوة انا جنسية عربية

[بنت عز ما تنهز..]

المشاركة الأصلية كتبت بواسطة سمية عبد الجواد طيب سؤال من متى لمتى دوامهم ؟

الدوام الرسمي من الساعة 8 الى الساعة 3

[Traneem Alamal]

ماشاء الله الف مبروووووووووك سوزوكي ربي يبشرك بالجنه ...... طيب قالو خلاص تسلمي أوراقك ولا لسه ، في احد تاني هنا طلع اسمه يصير اذا بكره راجعنا وما كانت هناك اسماء جنسيات عربيه يكون النظام زي ام القرى لما نزلت جنسيات غير عربيه وبعدين العربيه وان شاء الله كم يوم ويجي القبول للكل

[جودي12]

سوزوكي مبرووووووك الله يوفقك
عقبال ماتستلمي البطاقه يآآرب ~

[الـ عسجد]

ما شاء الله. مبروك سوزوكي وعقبال البطاقة قريب يارب
ودي زغروطة لك كمان لولولولوي

مممم محتارة أروح ولا لا ، بما إني قدمت في آخر تسجيل كان مفتوح... اللي في شعبان اللي راح.
لو رحت، إيش الأوراق اللي آخدها معايا؟

[mno0oli]

المشاركة الأصلية كتبت بواسطة سوزوكي توتا العامري بنت عز منولي الله يباارك فيكم اجمعين وان شاء الله انتوا كمان تفرحوونا بنت هز لاحظي ان هي سألت اختي سؤال سؤال مع كل سؤال اختي تشوف النبرة تحس يعني هههههه شغلي حدس المرأة اللي داخلك وان شاء الله خيير وحدة رااحت بعد ماقلت لكم الخبر مارضيو يدخلووها قالولها القبول من عند الرجال جيبي ورقة معااكلة مااني عارفة كييف بكرة الله يسسهل ان شاء الله

آميييييين يا رب (:

كيف يعني ما رضيو يدخلوها ؟؟!!
ما دخلوها الجامعة ولا العمادة ؟؟
وإيش ورقة المعاملة دي ؟؟!! :(
إن شاء الله خير ..
ربي يسههل لك وتتممي قبوولك على خيييييييييييييييير ")

[جودي12]

بنات ابغى استشيركم في شيء :)
انا قدمت في ام القرى عن طريق المنح الداخليه وفي عبدالعزيز عن طريق منح بقشان
وقبل فتره سلمت اوراقي للاستاذ مجدي باوريز وطبعا من ضمنها الشهاده الاصل
وقبل كم يوم اتصلت على الوزاره عشان ابغى اعرف اسمي ارتفع لاي جامعه لانه طبعا لو اسمي ارتفع لجامعه يلتغي من الثانيه
وطلع اسمي ارتفع لام القرى ,, انا الصراحه ابغى عبدالعزيز لانه المجالات فيها اوسع وكمان عبدالعزيز افضل في الاقسام العلميه
وام القرى الغير سعودين لهم اقسام محدد
بس من جد الحمد الله اهم شيء اني انقبل يعني الشخص مايدري وين ربي كاتب له الخير
الحين مو عارفه اخذ شهادتي من منح بقشان لانه اخاف لما تنزل اسماء ام القرى مايكون عندي وقت عشان اخذها يعني عشان يكون وقت محدد للتسليم الاوراق
واخاف اخذها ويصير شيء وماينزل اسمي :/
الله يخليكم شوروا علي والله انا محتاره وخايفه وكل شيء :(
ايه وكمان سؤال لو اترشح اسمي يعني اكيد مقبوله ولا يمكن ايه ويمكن لا ؟؟
معليه كثرت كلام بس من جد مو عارفه اش اسوي :(