ll حياكم الله ..هنا للإجابه على أسئلتكم أحلى دفعه ll med 12

[yahya alshardi]

المشاركة الأصلية كتبت بواسطة بشائر الفرح =) تفائلي - yahya alshardi حياكم الله , هو فعلاُ حتوصلكم رسايل بوقت المقابله وف أي يوم بس أودس بلس يختلف عن القديم اللي تغير الأرقام منه كان أسهل :/ عشان كذا ماعندي خلفيه للأسف , إن شاء الله الدكاتره مايقصروا معاكم :) وبالتوفيق دائماً

الله يحييكي
ان شاء الله أحد راح يفيدنا

[sara g]

اهلين دكتورة بشاير حابة اسألك عن العربي والدين حيكون كتاب واحد ولا عدة كتب ومراجع
وبخصوص العربي ايش راح يكون نحو ولا ايش؟
وبالنسبة لايام الاختبارات هل بين كل اختبار والثاني فيه كم يوم ولا ورا بعض؟ واسئلة الاختبار مين يحطها قسم البنين
او البنات ؟ وطيب في المعامل نقدر نصور بالذات في الهستولوجي ولا مايرضوا ؟
وجزاك الله الف خير والله يوفقك في دراستك ويسهلها عليكي زي ما بتحاولي تساعدينا

[بشائر الفرح =)]

المشاركة الأصلية كتبت بواسطة sara g اهلين دكتورة بشاير حابة اسألك عن العربي والدين حيكون كتاب واحد ولا عدة كتب ومراجع وبخصوص العربي ايش راح يكون نحو ولا ايش؟ وبالنسبة لايام الاختبارات هل بين كل اختبار والثاني فيه كم يوم ولا ورا بعض؟ واسئلة الاختبار مين يحطها قسم البنين او البنات ؟ وطيب في المعامل نقدر نصور بالذات في الهستولوجي ولا مايرضوا ؟ وجزاك الله الف خير والله يوفقك في دراستك ويسهلها عليكي زي ما بتحاولي تساعدينا

أهلاً وسهـلاً

مواد العربي والثقافه حيكون لكل ماده كتاب خاص فيها تلاقوه في المكتبات .. ومافي أي مراجع أخرى .. والإختبار مايخرج عن الكتاب نهائياً ..

العربي المستوى الأول إيوا " نحو" نفس اللي درسناه ف المتوسط والثانوي تقريباً كل الدروس إعاده مافي شي جديد أو صعب عليكم بإذن الله :)

أيام الإختبارات

إذا بنتكلم عن العربي والثقافه فإيوا بيكون في أيام تفصل مابينهم يعني مثلاً لو إختبرتوا الثقافه السبت العربي يكون الأثنين .. فإيوا يراعوا إنكم تحتاجوا لو على أقل يوم بين كل ماده والثانيه وغير إنها مواد مشتركه بين كل الكليات الطبيه ..

وعلى باقي أيام الإختبارات في باقي المواد سواء نصفي أو نهائي بيترتب الجدول ويكون في يوم أو يومين أوأكثر بين كل ماده والثانيه بحسب الماده والوقت اللي تحتاجه من المذاكره .. فدائماً هذه الأمور سهالات لا تشيلي همها .. :)

بالنسبة لمن يضع الأسئله فغالباً من قسم البنين ..

وعلى المعامل إيوا تقدروا تصوروا وإذا على الهستولوجي فكتاب المعمل حتكون فيه كل الصور اللي تحتاجوها :)

الله يسعدك يارب ولك بالمثل
جزاك الله خير على الدعوات الطيبه :)

والله يوفقك ف مسيرتك القادمه دكتورتنا ^^
حياك الله دائماً ,

[doctor alanood]

السلام عليكم ''
لو سمحتوا ممكن اعرف من فين اشتري كتب الطب عشان روحت العبيكان مالقيت غير كتابين ؟؟

[حُمرة الورد..!]

المشاركة الأصلية كتبت بواسطة doctor alanood السلام عليكم '' لو سمحتوا ممكن اعرف من فين اشتري كتب الطب عشان روحت العبيكان مالقيت غير كتابين ؟؟

وعليكم السلام
تسمحيلي د. بشاير اجاوبهم
بالنسبه للكتب عندك
مكتبة المريخ -شارع الستين- ومركز الكتاب الطبي -مقابل الجامعة مول-.
وشوفي هذا الرد http://www.skaau.com/vb/showpost.php...10&postcount=3

وطبعا فيه غيرهم
انا اشتريت من الكتاب الطبي ومن الشقري كان فيها كذا كتاب
لكن انتبهي تشتري من جرير لانهم حراميه

[doctor alanood]

المشاركة الأصلية كتبت بواسطة حُمرة الورد..! وعليكم السلام تسمحيلي د. بشاير اجاوبهم بالنسبه للكتب عندك مكتبة المريخ -شارع الستين- ومركز الكتاب الطبي -مقابل الجامعة مول-. وشوفي هذا الرد http://www.skaau.com/vb/showpost.php...10&postcount=3 وطبعا فيه غيرهم انا اشتريت من الكتاب الطبي ومن الشقري كان فيها كذا كتاب لكن انتبهي تشتري من جرير لانهم حراميه

تسلميلي حمرة الورد الله يوفقك يارب

[Dr.sh]

السلام عليكم ..د.بشاير بستفسر عن المقابلة الشخصية لكلية الطب عرفت انها يوم السبت و الاحد و بعض صحباتي جاتهم رسائل على الجوال حددوا فيها وقت المقابلة..و أنا ما جاني شي للحين فأبى اعرف اذا ما جاتني اروح السبت و لا ايش اسوي وشكرا على كل شي و مجهودكم الرائع فيteach me madicine واللهم اجعلوا في ميزان حسناتكم يارب..

[حُمرة الورد..!]

المشاركة الأصلية كتبت بواسطة dr.sh السلام عليكم ..د.بشاير بستفسر عن المقابلة الشخصية لكلية الطب عرفت انها يوم السبت و الاحد و بعض صحباتي جاتهم رسائل على الجوال حددوا فيها وقت المقابلة..و أنا ما جاني شي للحين فأبى اعرف اذا ما جاتني اروح السبت و لا ايش اسوي وشكرا على كل شي و مجهودكم الرائع فيteach me madicine واللهم اجعلوا في ميزان حسناتكم يارب..

وعليكم االسلام والرحمه
انا بجاوبك بدل د. بشاير اذا ممكن
اذا ماجاتك رساله افضل تروحي السبت اول شي عشان تسألي بنفسك وتشوفي ليه ماجاتك الرساله
وعشان كمان لو كانت السبت تكون مافاتتك
وكمان انتظري شوفي يمكن بكرا يرسلولك مين عالم
واعتقد انهم يمشوا بترتيب الاسماء زي ماسووا معانا السنه الي فاتت
يعني اذا انتي حرفك من الحروف الاولى مثلا فاتوقع انو مقابلتك السبت مجرد توقع ^^
الخلاصه : انصحك تروحي السبت وتشوفي الوضع

.. واللهم امين واي سؤال تحتاجوه لاتترددوا ابدا حتى خلال الدراسه حتشوفونا فـ وجهكم كثير ^^

وصح اني دخلت متأخر بس حابه
اشكر دكتوره بشاير ماقصرت صراحه بالموضوع ابدا
وبمساعداتها لكم ،، ربي يجزاكي كل خير
"بدور "

[Dr.MEEM]

^
انا حرف الميم ومن اخر الحروف ومقابلتي يوم السبت :)
يعني مااتوقع ابجدي



د. بشاير يعطيك العافية
مقابلتي يوم السبت وجدا خايفه ومتوترة واحاول اجهز نفسي من الحين
لسى مااشتريت السكرب والاب كوت وللاسف المقاسات خلصت :(
ماني عارفه اذا بلقى بكرا او لا !
يصير اروح المقابلة ببنطلون وبلوزة مرتبين كذا ولا بينـتقدون >< ؟
كل صحباتي زيي ومحتارين وانا اسال بالنيابة عنهم


ثاني شي ابغى اسالك ينفع بالمعامل نصور ؟
احس بتساعدنا اكثر ف المذاكرة
وشكرا حبيبتي :)

[بشائر الفرح =)]

#
هلا هلا
الله يسعدك دكتوره بدور ماقصرتي والله :)
إعتبري الموضوع موضوعك منوره جداً ..:)
ويا هلا فيييك دائماً ,


#
د .مرام
حلو حلو وإقترب الوقت وأخيراً ههه الله يوفقك لا تتوتري ولاشيء حتستمتعي بها وتمر بسرعه بإذن الله
اممم إيوا يصير تروحي ببنطلون وبلوزه عمليه أهم شيء يكون شكلك مرتب حتى لو ما لبستي السكرب واللاب كوت ولا إن شاء الله ما توصل لدرجة النقد إذا كنتِ مهتمه بمظهرك كطبيبه ^_* ..

وبالنسبه لسؤالك الثاني إيوا تقدروا تصوروا ف المعامل ف حال إحتجتوا للتصوير بس حلو تستأذنوا من الدكتوره والأغلب يوافقوا وإذا ماوافقوا وإنتي محتاجه ممكن ف نهاية اللاب بشكل سريع وتمشي الأمور :)

بقي من الوقت يوم واحد فقط !!
إستعدواااااااااااااا :)

الله يوفقكم ويجعلها بدايه عامره بكل خير ..