ماحصل في الدورة التأهيلية الخطه ( أ ) لعام 1430 هـ ." لـلــطـــالـــبــــات ".

[shy rOoOs]

حبيبتي الدلوعه
انا من خارج جده فقط متابعه يوميات الدورة التاهيليه مع البنات هني بالمنتدى
واستنتجت من كلامهم ان الثقافة بس نذاكر ملخص اخر كل وحده يعني انا ارتب معلوماتي واسأل فقط
إن شاء الله يفيدونا الاخوات اللي حضروا الدورة بمحاضرات الثقافة الاسلاميه..
تحياتي

[سُلافه]

بنات الله يعافيكم أبغى مفردات الرياضيات ضروري

[سـجـايـا]

ماادري اذا نذاكر بس الخلاصة والا شي ثاني بس لاتستعجلي راح أشوف نهاية الدورة في المراجعه


ايش راح تقول لأني ماحضرت غير محاضرة وحده في الثقافة امس وأشرت الاشياء المهمه


راح أنزلهـا اليوم إن شاء الله بس امس في المحاضرة ماجابت سيرة الخلاصة بنتظر للنهاية إن شاء الله يصير خير

[سـجـايـا]

يابنـــات أبغى أحضر بكره محاضرة انجليزي فين أحضر عند أي استاذة


اليوم رحت أشوف 301 قالولي في محاضرة فيها السبت والاثنين والربوع قلت أعرف مكانها بالاول عشان بكره مااضيع


زي أمس ورحت ولقيت في الجدول ان الانجليزي بعد الساعه 6


وأنا أبغاه إما الساعه 3 أو 4 ونص،،،، أمس حضرت عند وحده مافهمت منها شي تشرح بالانجليزي


ابغى وحده تفهم وتأشر بلييييز قولولي من الكويسة وبأي قاعه والساعه كم ...؟

[فرحة]

المشاركة الأصلية كتبت بواسطة سُلافه بنات الله يعافيكم أبغى مفردات الرياضيات ضروري

سلافة اسمك مره حلو
ما تتخيلي قد ايش احب الاسم دا وكنت ابغا اسمي بنتي الكبيره سلافه بس ربي ما اراد
المهم مفرادات الرياضيات هي
math 111
وعشان اذا تبغي تعرفي من فين تلاقيها
من صفحتك في نظام الاودوس تدخلي على صفحتك وفي اليمين في اختيارات كثيره
اختاري مفردات السنه الدراسيه منها تلاقي مفردات كل الكتب

[فرحة]

المشاركة الأصلية كتبت بواسطة سـجـايـا ماادري اذا نذاكر بس الخلاصة والا شي ثاني بس لاتستعجلي راح أشوف نهاية الدورة في المراجعه ايش راح تقول لأني ماحضرت غير محاضرة وحده في الثقافة امس وأشرت الاشياء المهمه راح أنزلهـا اليوم إن شاء الله بس امس في المحاضرة ماجابت سيرة الخلاصة بنتظر للنهاية إن شاء الله يصير خير

عزيزتي انا قرأت الدروس وشفت انو الملخص اخر الوحده شامل على كل شي مهم في الوحده
وانا شخصياً راح اعتمد عليه

[فرحة]

انا ما ابغا اخوفكم بكلامي يا بنات بس بنت صحبتي
عندكم في جده البنت في الروضه جاها انفلونزا الخنازير
يا بنات لازم نحصن اولادنا كويس واذا امكن اعطوهم كل يوم ملعقه عسل وع ليمون او ملعقه عسل مع ثوم
سمعت انها تقي من الانفلونزا
الله يحميهم يارب ويحفظهم

[سُلافه]

سوري ياحلوات كنت اقصد الملخص

[فرحة]

سلافه ملخص الرياضيات انا كلمت اختي فراشه المنتدي اليوم بخصوص انها تنزلنا هو بس هيا ما تقدر تقول انو كتابة رياضيات صعب جدا كلو ارقام
وهذا جدا صعب عليها
بس تتدبر ان شاء الله ممكن نحاول بطريقه الاسكنر نطبعو ونزلو حشوف الله يسهلها
الرياضيات لله يسعدكم يا بنات شوفو حل فيها الله يخليكم اشرو لنا على الهام والمحذوف وقولولنا

[سُلافه]

فرحة حبيبتي الملخص بس ارقام الأمثلة وبعض التمارين هذا اللي قالته الأستاذة لنا وأنا شفتو كمان مع بنت اليوم بس مو لاقيته هنا