استثمار Bus345 مع الدكتورة نسمه حشمت 2012

[mionila]

بنات الاسئله اللي نزلتها ريفال كويسسسه
انا ذاكرت الماده وراجعت الاسئله حتحسي في شغلات من ماليه شركات او انها استثمار بس من فصول مو محدده معانا
بس حددت اللي معاانا تقريبا جات كلها الا 15 مو معانا وحق الاختيارات 25 مو معانا انتي بعد ماتذاكري الماده حتعرفي ايت اللي معانا واللي مو معانا
فـ الافضل تشوفوها وتقرأوها لانها صح وخطاء واختيارات ويسسهل عليك حفظها وكيف صيغتها


الله يوفق الجمييييييع

[%بحر العطاء%]

آمين آمين آمين يااارب الله يوفق الجميع ويوفق من سهل علينا المادة بعد الله سبحانه تعالى

عسى ربي يكتب لكم الأجر يااارب ... خسارة انو المحاضرة اللي قبل الأخيرة ما تسجلت :(

أتمنى التوفيق لي وللجميع :))

[gardenia]

صبـــآآآآآح الخيــــر بنوتـــآآآآآت ~

كيف حآلكمـ وكيف المآدهـ معآكمـ أنآ كمآن شويه ببدأ مرآجعتها ..

الله يسهلهآ علينآ وعليكمـ يــــآرب ويفرحنآ بأعلى الدرجــــآت ♥

[kholoud ahmad]

بنات عندي سؤال

في قانون الانحراف المعياري في الحاله الي حنستخدم فيها معاما الارتباط

القانون المكتوب في الورقه بعد ماكتبت ( الافتراض المعطى في المساله ) معامل الارتباط

سار فيه اضافه للانحراف المعياري a والانحراف المعياري b

يعني كدا سار

الوزن a تربيع * الانحراف المعياري a تربيع +الوزن b تربيع * الانحراف المعياري b تربيع +2* الوزن a*الوزن b * (معامل الارتباط الي هيا القيمه المفترضه ) * الانحراف المعياري a * الانحراف المعياريb

طبعا الكل تحت الجذر

الي ابغى اتاكد منه انو بالتمرين السابق الي استخدمنا فيه دا القانون بس بالتغاير في الاخير ماضربنا بالانحراف المعياري aوb


يعني حاله استثنائيه او يكون غلط مطبعي

[gardenia]

^

مسآء الخير ..

هي مو حاله إستثنائيه ولآغلط مطبعي ..!

هو القانون كده ..

يعني لما نحسب المخاطر الكليه للمحفظه بمعلومية الإرتباط نضيف الإرتباط x الإنحراف المعياري الأول x الإنحراف المعياري التاني

ولما نحسبه بمعلومية التغاير نضيف بس التغاير ..


بعدين لو ركزتي في قانون التغاير ..

التغاير بين الإستثمارين = معامل الإرتباط x الإنحراف المعياري الأول x الإنحراف المعياري التاني ..!!

يعني هي نفسها ..

[kholoud ahmad]

ايوه بجد وانا جالسه افكر ليه كتبو دا القانون تبع التغاير واحنا اخدنا قبل كدا

عموما انا حفظتها بدي الطريقه بس حبيت اتاكد

تسلمي ياقمر والله يوفقنا بكره جميعا

[asdf]

ربي يسهلها علينا ويلهمنا الاجابات وناخد اعلى العلامات

[gardenia]

يسعد صبآحكم أحلى بنـــآت~

يــــــــــآرب وفقنآ ويسرلنآ الإختبـــآر يــــآآآآآآآرب وسهلنآ الصعب آللهم آمين ..

[تمتم2008]

الله يوفقكم ياااارب ويسهل عليكم امتحانكم يارب ..
طمنونا بعد الاختبار ان شاءالله تجي الاسئلة سهله بأذن الله ...

[فلتوكا]

صباحكم سوكر


قاريدينا كيف طلعت الماده؟؟؟ إن شاء الله سهله على البك ^_^