نقاش حاد جدا ,,,

[MISS EZ3AG]

روني
سوما
الله يعين
أهم شي قلت اللي بقلبي
وربي شي يقهر ويبكي ..

[روووني]

خلاص يابنت ولا تزعلي نفسك فعلا الو ظايف اللي بدون اختلاط خلصت

مره سمعت في الراديو واحد نرفزني وحسيت انو ازا شفتو حقتلو المهم كان يقول (وش دعوه الحرمه تشتغل والرجال يجلسون بالبيت المفروض يشغلو الرجال ويجلسو الحرمه بالبيت )
رد عليه المقدم وقلوه(والحرمه ام اليتامى والمساكين اللي مالهم احد يعيلهم)
قلوه الادمي داه(اهل الخير ماراح يسيبوها وماقد سمعنا عن احد مات من الجوع وتروح للمؤسسات الخيريه عشان يساعدوها)
اتمنيت اموتو بيدي يعني المسكينه تروح لجمعيات لا ويقولها باستهتار اهانه كمان

من جد مافي وظايف والدنيا دي مالها امان المهم الشهاده

مشكوره مس ازعاج على الرد

[واقعية]

بجد كلامك ياخيتي روووني

الحين بعض الرجال انتبهوا انا اقول بعضهم وما اعمم حتى التعليم نفسهم المراة ماتتعلم

طيب بدون تعليم اكيد نادرا مابتلقى وظيفة نظيفة وركزوا عنظيفة

وغير كده يقولوا ليش المراة تدرس ولا تشتغل من بيت اهلها ابوها ولا خوانها يصرفوا عليها

وبعدها بيت زوجها زوجها يصرف عليها

طيب لنفرض ان زوجي توفى ولا تطلقت سواء كان عندي اولاد او ماعندي برجع عند اهلي ولا زوجات اخواني واكون تحت رحمتهم متى يصرفوا علي

ليش انا اضمن مستقبلي بتعليمي واتوظف وظيفة ماتعيب على اخلاقي واهم شي اني ما اكون تعديت حدود الشريعة فيها

لحد هنا ما احد يحقله يتكلم لانو بجد بهالوقت ماحد ينفع احد للاسف \,,,,

[روووني]

صح كلامك واقعيه الله لايحوجنا لأحد الا لوجهو الكريم سبحانه

الدنيا دي صعبه وعلى قولك ماحد ينفع احد الا ازا فيها مصلحه

[دمعة وفآ]

صح كلامك والله الدنيا مالها امان ابد والوحده مالها غير دراستها وشهادتها

[مايلي]

هذا الي يبغوه اصحاب العقول المتحجره ذحين اذا مات زوج اخته او تطلقت مايدري عنها بس عند مرته ولايفكر بيها هي عايشه ولا ميته قال الجمعيات الخيريه تعطيها بالله ايش بتعطيها 1000 ريال هي هذي تكفي لبس واكل ومصاريف بيت ولا ايه اختلاط اختلاط هذا بس الحجه ايش فيها اذا نزلت المستشفى بحجابي ونقابي ومحترمه نفسي واعالج الناس وافرج عنهم كربتهم صرت عاصية ولا كافره ياناس في كل مكان فيه محترمين وغير محترمين يعني تتوقعوا ان المدرسات والي في الاماكن على قولكم متحصنه والله ثم والله مدرسات يخرجون من المدرسه لاغراض دنيئه خلاص المجتمع يقول عنهم محترمين وماني عارفه ايش ووحده في عمل مختلط صارت فاجره مهما كان ادبها واخلاقها وعلى قول سوما الحلوه الاختلاط حاصل حاصل سواء رضي المجتمع او لا

[روووني]

كلامك حلو فعلا يامايلي ازا خرجتي بحجابك وبنقابك مااحد يقدر يرفع عينو في عينك عوضا عن يأزيكي

والمهم الوظيفه وبعدين الزوج والرجال وخالتي دايما تقول لويخيروني بين العريس والوظيفه اختار الوظيفه لانها اهم

مدري بس احس خرجنا وبقوه عن الموضوع

[soma al7elwa]

هههههههههههههههه

يا حبيبتي يا مايلي

الكلام اللي هنا ولاشي من الكلام في مواضيع تانية

اصلو احنا بلاعقل وبلادين

وبعنا شرفنا وعرضنا وديننا عشان قرشين في اخر الشهر

ومحد يبغى يتزوجنا

وابائنا ناس ديوثين ومعدومين الغيرة ولا يعرفوا كيف يربوا

وبلاوي متلتلة

مششي حالك يا بنتي

[متطلع]

المشاركة الأصلية كتبت بواسطة soma al7elwa هههههههههههههههه يا حبيبتي يا مايلي الكلام اللي هنا ولاشي من الكلام في مواضيع تانية اصلو احنا بلاعقل وبلادين وبعنا شرفنا وعرضنا وديننا عشان قرشين في اخر الشهر ومحد يبغى يتزوجنا وابائنا ناس ديوثين ومعدومين الغيرة ولا يعرفوا كيف يربوا وبلاوي متلتلة مششي حالك يا بنتي

عيب تقولوا الكلام دا ، أكبر ظلم وانا ما بأسكت عن الظلم ،

البلد ناقصة الناس العاقلة تنظلم وماحد يناصرها ؟؟

يا مجبور أوادعها أكبر ظلم إنك تعمم !!!!!!!!!!!!!

إيش اللي الشباب يفهموا أكثر من البنات ؟؟؟

أكبر ظلم والله !!!

اقروا ردي في الموضوع دا !!!



خلونا نتناقش يمكن نقدر نغير الواقع!!!



وإذا ما فيكم هذا اللي كتبته فيه :

سوما ، والله ترى وضعك يرثى له ، رجاءً لا تحاولي تقنعي أحد مو متعلم إنه يتناقش ويقتنع قبل ما يقنع غيره ( ما أقصد أحد فيكم كلكم ما شاء الله عليكم كويسين وحلوين ، مجرد نصيحة لله مالها دخل بالموضوع ، اللي على راسه بطحة يحسس عليها ، اللي يبغى يتخانق على الكلمة أتحداه يحاول يثبت إن كلامي خطأ ، ويتناقش بانفتاحية شوية وبتقبل هزيمة لو انهزم ، وأوعدكم إني حأعامله بالمثل ) حأتكلم بطريقة علمية ، وماحد يقدر ينكر هذه المعلومات لأنها وردت في الصحيحين وذكرها علماء أخر ، كلامي باختصار شدييييييييييييييد ، واسمعوا يا معارضين ، بأذن متقبلة للهزيمة أو الفوز ، صلوا على رسول الله 1- أيااااااااااام الرسووووول ( اللهم صلي على سيدنا محمد ، وسلم تسليمًا كثيرًا ) ، كان في اختلاط !!! وكان الرسول اللي هو قدوتكم يا شباب يخاطب النساء في مواقف عديدة ، والدليل إن كان في صحابيات يقولوا الشعر ، اتوقع إن كل الموجودين سمعوا شعر الخنساء ، ولا تنسوا إنها قالت شعر قدام صحابة ومنهم الرسول وهي كانت تستحي من الرسول ، ما منعها حياءها من إنها تكمل الشعر ، فيرد عليها الرسول : " إيه يا خناس " بمعنى : أكملي يا خناس . هذه المعلومة رقم واحد . 2- أياااااااااام الرسوووووول ( اللهم صلي على سيدنا محمد ، وسلم تسليمًا كثيرًا ) ، كان في زنا ، والدليل حديث الصحابية التي أتت للرسول تقول له : يا رسول الله إني زنيت فطهرني . وهذه المعلومة رقم اثنين . 3- من المعلومة واحد واثنين ، نستنتج أن الصحابة والصحابيات يااااااااااما اختلطوا ، ويااااااااما اتكلموا ، ويااااااااما كان في ضعاف نفوس ، ويااااااااااما زنوا ، الصحابة ليسوا معصومين من الخطأ !!! ياااااااااما غلطوا ، طيب والحل ؟؟ كيف قامت الدولة الإسلامية بكامل مجدها وقوتها ؟؟؟ صحيح كان في بعضهم ضعاف نفوس ، بس كانوا يفكروا صح ، ما كانوا يقولوا نمنع الاختلاط !!!!!!!!!! ما كانوا يقولوا نفرق بين الجنسين حتى في العمل !!! من سنن الحياة إن المرأة تشتري بنفسها ، الأرزاق بيد الله ويااااااااااما كانت النساء تبيع وتشتري في زمن الرسول ، كانوا يغلطوا بس يصححوا أغلاطهم ، وولي أمرهم اللي هو الرسووووووووووول ما منع البيع والشراء تماما !!! ما منع العزاب ينزلوا السووووووووق ، شغلة عوائل بس في المولات هذه من تأليفنا إحنا ، مو الرسول اللي قالها ، المفروض حسب كلامكم يا ناس إن منهج الدين يصلح في جمييييييييييييييييييييييع الأوقات صح ؟؟؟؟؟؟؟؟؟؟؟؟؟؟؟؟؟؟؟ طيب ليش تمنعوا الاختلاط ؟؟؟؟؟؟؟ حتقولولي حرام ؟؟؟؟ أيام الرسول كان في اختلاط ، أنا أتكلم عن هذا النوع من الاختلاط !!! طيب ليش تمنعوا المرأة من الخروج والسعي في طلب الرزق ؟؟؟ ياااااااااما النساء قالوا الشعر قدام الرسول ( صلى الله عليه وسلم ) وشجعهم !!! ويااااااااااااما في نساء حااااااااااااااربوا بنفسهم وقتلوا يهود وكفار بنفسهم !!! والرسول شجعهم !!! واللي مو مصدقني يكتب في قوقل هذا الاسم ويشوف قصة حياة هذه الصحابية : نسيبة بنت كعب استحلفكم بالله قبل ما تردوا علي تكتبوا اسمها في قوقل لأن أي رد تفكروا فيه ردي حيكون موجود في قصة حياتها !!! الاسم مرة ثانية عشان لا تغلطوا : نسيبة بنت كعب طيب ممكن تسألوني : إنت إيش تبغى مننا دحين ؟؟ أبغاكم تعترفوا بهزيمتكم ، وتقولوا الجملة دي بلسانكم قبل ما تكتبوها في ردكم : مو كل قرار تطلعوا المملكة العربية السعودية صحيح ، والدليل إنها دولتنا الرشيدة بتتراجع عن بعض قراراتها وهذا طبيييييييييييعي ، الإنسان يخطئ والدول تخطئ ، وأنا ممكن أخطئ وإنت ممكن تخطئ ، لسنا معصومين !!! وأسألكم بالله تتقوا الله في ردكم ، حاولوا تتقبلوا الهزيمة قبل ما تردوا بكل عنف وقوة ، لأني ما حأرد على ردود ما تتقبل النصح ولا الحقائق العلمية !!!

[soma al7elwa]

جاي جاي بشكل اكثر في المستقبل

يا سيدي الكريم

ولاحيقدر يمنعه أحد

بدل المحاربة دي

الأولى نغرز فنفسنا أداب التعامل مع الجنس الاخر وايش المسموح وايش الممنوع

ونفهم كيف يفكر كل طرف

جملة دااايما تقولها نورث

"العلاقة بين الذكر والأنثى ليست مجرد علاقة جنسية

في أشياء اسمى من كدا بكتير"

لازم نرقى بعقولنا للاشياء الأسمى من كدا

اميييين يارب

دنيا واخرة