تجمع بنات ادارة سكن ومؤسسات متجدد باذن الله

[Nano0osh]

تويكس كيفك ؟ من زمااااااااااااااااااااان عنك

اولا حبيت اشكرك على كل مساعده ساعدتيني فيها

تانيا حابه اسألك عن دي المواد وكيف كل استاده ادا تعرفيها تعطيني فكره كيف اسلوبها واختباراتها

ثقافه اسلاميه مع نهاد شرقاوي

اسس تغذيه مع منى حلبي

صحة فرد مع نداء جمبي

علم نفس عام مع هيفاء هزازي

عربي مع حنين الدعجاني

وشكرا لكي مرا تانيه

ماننحرمش إن شاء الله

[Twix~}..]

حربيه ماده إدارة موارد اسريه مو ماده عامه للكليه بس بنات تخصص إدارة سكن ومؤسسات ياخذوووهآ وإذا مو غلطانه كمان بنات التربوي ياخذوها بس مو متاكدهـ ..

[Twix~}..]

تويكس كيفك ؟ من زمااااااااااااااااااااان عنك

اهنن اهنن من جد زمان عنك ومبرووووك عليكي التخصص .. انا كووويسسسا الحمد الله ..

اولا حبيت اشكرك على كل مساعده ساعدتيني فيها

ولو ولا يهمكـ تحت امركـ .. والعفو ياقلبي ..

تانيا حابه اسألك عن دي المواد وكيف كل استاده ادا تعرفيها تعطيني فكره كيف اسلوبها واختباراتها

ثقافه اسلاميه مع نهاد شرقاوي

ما اعرفهآ والله .. وما تفرق ترآآ يا عسسسل المستوى التاني في الثقافه حلو ومو صعب بالعكس سهل ويمشي حالو وغير كدا انو الاسئله موحده لكل البنات الي ماخذين ثقافه 2 .. لانها ماده عامه لكل الكليات ..

اسس تغذيه مع منى حلبي

حلوووووووو .. جيدهـ دكتورهـ منى انا حبيت الماده معاها .. تشرررح مرآآ كوووويس وتعطيكي امثله .. بسببها صرت اعرف المفيد من الغير مفيد في الاكل .. اسئلتها اختاري وصح وخطا .. تكاليفها قليله مرآآ وسهله ..

صحة فرد مع نداء جمبي

ما اخذت معاها غير محاضرتين وكان شرحها حلووو .. بس البنات ما يحبوووها انا ما درست معاها وبصراحه ماراح اتكلم عنها .. بس صحباتي نجحو معاها بالـ 60 .. ما اخووفك منها بس مو معنى انها مو كويسسا لا .. بس ركزي بشرحها وكلامها لانو الاسئله في دي الماده سووا معاها او مع دكتوره تانيه تعتمد على شرح الدكتوره نفسها لانها ماده ثقافيه اكتر من انها تكون منهج .. يعني اغلب اسئلة الاختبار الكتاب بجهة والاسئله بجهة الا كم سؤااال .. بس المادهـ حلوووهـ وحتستفيدي منها ..

علم نفس عام مع هيفاء هزازي

احلى من الحلوووووو .. مرآآآآآآآآآ آستآآذهـ هيفااااء عسسسل وشرحها حلو واضح ومختصر وكل محاضره خلي كتابك معاكي الكلام الي ينعرض على البور اشري بالكتاب وذاكري واضمني الـ +a لانو اسئلتها اختياري في الدوري والنهائي .. وطول الترم تتطلب بس تكليف واحد ويكون جماعي كمان يعني مرآآ لا تشيل هم دي المادهـ ..

عربي مع حنين الدعجاني

لعلمك بس ليومكـ دآآآ وحتى لما سويت جدولي في دا السميستر ما اخذت عربي مدري متى حضرت جنابي راح اخذوو .. المهم المستوى الثاني اسسهل من الاول والكل بيقول كدا .. وكتير بيمدحو أستاذهـ حنين .. وعلى اساس كنت اخذ معاها دا السميستر بس ماربنا اراد ..

وشكرا لكي مرا تانيه

ماننحرمش إن شاء الله

العفوووو ياقلبو .. ولا ننحرم منك :)

[sausan]

جدولي ..

صحة فرد .. مع .. نداء جمبي
علم نفس .. مع .. هيفاء هزازي
ثقافه 4 .. مع .. هدى باجبير


ايش رايكم ؟

ادري الجدول عبيط بس اتسوى بالبركه

[Nano0osh]

تويكس طيب دحين اسس تغذيه بالعربي ولا انقلش؟؟؟؟؟

[Twix~}..]

sausan

ليش ياعسسسل ضاغطه نفسسسك يوم الاحد والثلوث .. ومخليه الاثنين والربوع محاضره وحده ومتاخره كمان ..

يعني انتي مستعده تجلسي ساعه ونص في كل محضاره يوم الاحد والثلوث .. وحيكون عندك اربعه محضارات وتداومي من 8 إلى 2 .. ترآآ تعب مرآآ وملل ..

السبت حلووو انو بس يكون عندك سكن وتأثيثه ..

وادوات واجهزة وقتها متأأخر ليش .. مافي شعب قبل ..!!

شووفي حاولي تاخذي ماده من المواد الي محطوطه يوم الاحد والثلوث وتضفيها ليوم الاثنين والاربعاااء ..

يصير عندك محاضرتين احد وثلوث .. ومحاضرتين اثنين وربوع .. ومحاضره سبت .. كدا مرآآآ اوكي ..

[Twix~}..]

في بنات بيقوولو انهم سالو وقالولهم انو اسس تغذيه رجعت عربي مرآآ تانيه ..

بس انا معرفش ..

[الحــــربيهـ]

سؤال الاسئله النهائيه حتكون الكتاب كلو مثل التحضيري أو الجزء الاخير؟؟

[Twix~}..]

على حسسسسسسب الدكتورهـ ..

بس الاغلبيه يخلونا نذاكر كل الكتاب ..

[إشرآقة روح..}]

أحد أخذ ادارة مدرسية؟