تجمع استفسارات ؟ ♥ ♥ #تحضيري_15 ♥ ♥

[Somaiah Yousef]

المشاركة الأصلية كتبت بواسطة يآآرب فيونكة أبغى أسالك وين الاقي تمارين كثييييرة بالاحصاء ونماذج لانه حابة اتدرب ع الحل والافكار بس مو ملاقيه

الاحصاء حلي امثلة الكتاب مع تمارين السيلابوس والتست بانك والنماذج القديمة عند دعاء بوقري ترى كاافية جدا

واذا حابة تمرني يدك اكثر

ادخلي شوفي نماذج الاولاد .. عبدالقادر داغستاني كنت اشوف نماذجه بس الحين شكله شالها من الموقع

شوفي سعيد الغامدي كمان منزل نماذج .. بس اسئلته صعبةة يعني ماتجي زيها

لو مسكتي كل مصادر البنات احس خلاص كفايه :(

[Somaiah Yousef]

المشاركة الأصلية كتبت بواسطة اكريلك اهلين طمنيني عن الرياضيات يمديني اخلصو لو بديت من دحين والفيزياء كمان

رياضيات جزئية الدوري الثاني من اسهل واتفه الجزئيات :p

اللي هي جزئية النهائيات لو كنتو ماشين بنفس ترتيبنا :)

بس تتعلمي استراتيجيات الحل ومتى تستخدمي ذي الطريقة وهكذا

وبطريقة اسهل ! لو ماعندكم في المنهج لوبيتال

اتعلموه .. يساعدكم تتأكدوا إن حلولكم صح

بحركة بسيطة يحل النهايات في خطوة وحدة

بس لا تعتمدوا على الطريقة بشكل اساسي لانه لازم تتعلمي كيف تحلي النهايات بطريقة مطولة خاصة للبنات اللي بيتخصصوا رياضيات وهنددددسة

اتعلموه عشان تضمنوا ان حلولكم صح



اما الفيزياء وما ادراك ما الفيزيا

يمديك تخلصيه بس ابدئي من دحييين لانو يبغالو صراحة خاصة لو ماكنتي فاهمة الهرجة

اكثر جزئية تعبتني هي جزئية الدوري الثاني لان دكتورتي الفاضلة كان شرحها خايس مع احترامي الشديد

واحتجت زويل بشدة بارك الله فيه بس تتابعت محاضراته وثبت المنهج في راسي الحمدلله الين دحين فاكرتو :)


الله يوفقكممم يآآآرب

[يآآرب]

المشاركة الأصلية كتبت بواسطة فيونكـه الاحصاء حلي امثلة الكتاب مع تمارين السيلابوس والتست بانك والنماذج القديمة عند دعاء بوقري ترى كاافية جدا واذا حابة تمرني يدك اكثر ادخلي شوفي نماذج الاولاد .. عبدالقادر داغستاني كنت اشوف نماذجه بس الحين شكله شالها من الموقع شوفي سعيد الغامدي كمان منزل نماذج .. بس اسئلته صعبةة يعني ماتجي زيها لو مسكتي كل مصادر البنات احس خلاص كفايه :(

وااو هو فيه تست بنك ؟؟
وينه دا وين ألاقي التست بنك ؟
ويسلموو الله يسعدك

[Somaiah Yousef]

المشاركة الأصلية كتبت بواسطة يآآرب وااو هو فيه تست بنك ؟؟ وينه دا وين ألاقي التست بنك ؟ ويسلموو الله يسعدك

اقصد الوورك شيت

في موقع الدكتورة دعاء بوقري

[دانه الكويسه]

ايوه فيونكه ع نفس ترتيبكم
في الهندسه تدرسوا كتاب كالكلوس كامل صح ؟
سؤال شاطح : )

[Somaiah Yousef]

المشاركة الأصلية كتبت بواسطة دانه الكويسه ايوه فيونكه ع نفس ترتيبكم في الهندسه تدرسوا كتاب كالكلوس كامل صح ؟ سؤال شاطح : )

تصدقي للآن ما أدري صراحة إيش الجزئيات اللي حندرسها في الهندسة عموما

لان منهجنا تغير عن السنة اللي فاتت واضافولنا اشياء زيادة ف ماعرف الحصيلة كيف حتكون

بس شكلو حندرسو كله أو أغلبه على الاقل

وهذا الشي يسعدني بلا شك

[asma.]

سلام,ابغا فكرة عامة عن دراسة الانقلش اانا لفل 4 يعني الريدنق و الرايتنق و كذا كيف حيكون و ليش قالولنا لازم كل اسبوع اختبار مو داخل في الدرجات طيب ايش الفايدة يعني ممكن البنات يقولو خلاص مو داخل فالدرجة ليش ادرس اصلا... و كمان انا عندي مشكلة فالقرمر يعني مو حافظة القواعد دايما احل حسب النطق يعني لما تطلب مثلا نكتب فعل مناسب للجملة اقول الجملة كاملة و اشوف اذا يظبت ولا لا بس القواعد مرا اكرها و مو فاهمة شي فيها هي راجعتلنا اليوم و فهمت بس خوفتي قالت حيجيكم كثير قرمر

[دانه الكويسه]

انا كمان نفسها مو عارفه كيف يعني مادرسنا و لا فوكاب بس قرامر طيب كيف الاختبارات و اش نذاكر و الاشياء اللي نسحب عليها
مرا ضايعه اول ادرس انقليش عشان:)

[اكريلك]

المشاركة الأصلية كتبت بواسطة فيونكـه تصدقي للآن ما أدري صراحة إيش الجزئيات اللي حندرسها في الهندسة عموما لان منهجنا تغير عن السنة اللي فاتت واضافولنا اشياء زيادة ف ماعرف الحصيلة كيف حتكون بس شكلو حندرسو كله أو أغلبه على الاقل وهذا الشي يسعدني بلا شك

يسعدك؟ ممكن توضحي اكتر!

[HATIMz]

^^
بخصوص الإنجليزي ليفل 4 واختبار كل اسبوع هو مجرد تدريب وممارسة عشان تتعودوا وتتجهزوا للاختبارات النهائية، وغالبا لها علاقة بالعشرين درجة حقت المشاركة اللي بيد المدرس.
*مستويات الانجليزي السابقة ما كنتوا تعملوا كذا ؟ *
احنا كنا كل اسبوع (مو كل اسبوع من بداية المنهج، ممكن اخر اربع اسابيع) برضه ناخذ زي الاختبار كتابة وتحدث وكمان قراءة القصة (The Jungle Book)