من يؤيد أن تكون إجازة لنا بسبب تداعيات الفيرس

[Rock99]

السلام عليكم
بصراحه ماينفع يمددو الاجازة وربي حنتأخر في الدراسه
انا بتكلم عن نفسي وربي يجيني مرض اذا مددوها يا اخويا
احنا بنمشي بالجامعه تاتا... تاتا كمان نمدد اجازات ومش عارفه ايش
على كدا مابنتخرج ابدا بنفضل نزحف وكل يوم ندور على حجج حتى نأجز
يعني خلوها نظرة عملية بتقنعني انو احنا مابنخرج مولات ولا اسواق ولا مطاعم ولا اي مكان
بالعقل انتا حتحجز نفسك في البيت على اساس دا الكلام اللي بتقولو
يعني صدقني مابتفرق اذا رحنا الجامعه نفس التجمع اللي بيكون في كل مكان
(قل لن يصيبنا الا ماكتب الله لنا)
توكل على الله وبيمشي الحال
تحياتي

[lulu.a7mad]

أنا عن نفسي ضد التمديد دا
لأنو لو ربنا كاتبلنا شي حيسير حيسير
لو فين ما كنا
و زي ما قالت عذبة المشاعر
(( قل لن يصيبنا إلا ما كتب الله لنا ))
فمالو داعي التمديد
كل شي بيد ربنا سبحانه و تعالى

[rara]

ماتفرق والله الي كاتبو ربك بيصير لو كان بعد الحج ولا قبلو كل واحد يمشي بكمامه ويتوكل ع اللله

[Roa'a]

لا
والسبب
اننا بس نبغا اي شي
عشان مانرجع للدراسه
لاننا حتى لو اخدنا اجازه راح نخرج ونروح كل مكان
واحنا آخدين المرض حجه عشان ما نرجع بس

ممكن في حالة انو المرض بدأ ينتشر
يطلع قرار بالتأجيل
كدا احسن

=)

[متفائله دائما]

طلاب الجامعات ما فكرو الا بانفسهم ...طيب فيه مدارس الابتدائيه طلابها لسى صغار وغير واعين بالواقع ..

ممكن اهلهم يلبسوهم كمام وينظفوهم ...ومستحيل الاطفال بهالعمر يلبسو الكمام على طول الدوام...هذا اولا

ثانيا ..الجامعات والكليات هي عرضه ايضا للاصابه لانها طلابها يكونو من مناطق مختلفه ليس من نفس المدينه فقط

كالمدارس...وعلى الفكره ترا الكمام مو مضمون للحمايه من المرض ...الكمام للضروره فقط كالذهاب لسوبر ماركت او

مسجد ....مو زي الدوام اليومي ...

واولا واخيرا صحه الشعب اهم من اي شي..مو مشكله الدراسه تتاجل شهرين او ثلاثه ما راح تضيع من عمرك شي ..

والسعوديه اكثر عرضه لانتشار المرض لكثره الوافدين طوووووول السنه ...فما بالك الان في موسم الحج والعمره ..

التوكل على الله مع الاخذ بالاسباب..لهذا رزقنا الله بالعقول ...ولا تتواكلوا يرمي الشخص نفسه بالنار ويقول متوكل على

الله...والنعم بالله في جميع الاحوال ...الله يكفينا شر البلاوي والاوبئه ...

انهي حديثي بتصويتي الشديد لتاجيل الدررراسه ...وشكرا لفتح المجال لابداء الراي ...

[dr.miawy]

يآجمآعه

ورب العالمين قآل (ولاتلقوا باديكم الى التهلكه)

يعني عقآر مافيه وماأتوقع انو بفتره وجيزه رآح يوصل المملكه

فأنا مع التمديد

آلنفس غاليه ولوعة المرض قآسيه مهما يكونـ

[L--B]

ايه والله النفس غااااليه
والكل خايف على نفسه من المرض الله لا يبلانا ويعافي مراضانا
وان شاءالله تتاجل الدراسه
يسلمو على الطرح

[lolish]

انا مع متفائله دائما الواحد يشيل هم الصغار وربي ولا هم دارين فين ربنا حاطط لهم واكبر همهم انهم يلعبو بعدن الكمامات دي معليش احسها بس كدا صورة هوا صح الواحد بياخود احتياطاتو بس برضو
انا قولت ايوا تمديد عشان فئة معينة غير كدا لأ اتمنى بس انو وزارة الصحة تشوفلها صرفة في الموضوع لأنو ترا عدد الحالات في تزايد والخلق نايمين وبقووووووووووووووة وعندنا ناس الله يستر عليها بتعطس في مكان عام ما يكلف يحط منديل ع فمو ودحين رمضان ومعتمرين يعني بجد نحنا نلاقيها من فين ولا من فين -_-

[عضوة جديدة]

المشاركة الأصلية كتبت بواسطة عذبة المشاعر (قل لن يصيبنا الا ماكتب الله لنا) والله لو رب العباد قال بيصيبك يعني بيصيبك لو انك في بيت ولو ماراح يبتليك يعني ماراح يبتليك لو كنت بين مليوون واحد معه المرض حصن نفسك واستودع ربك وقوي يقينك بالله وتوكل.. برايكم لو اليابان مثلا انتشر عندها مرض تتوقعون بياخذون اجازات وحاله وهم عشقهم العمل والدوام..>>>تخيلوو معي اللهم استودعناك انفسنا..

كلامك بالبداية سليم

ولكن ماتدرين ان من زمن صحابة الرسول كان المكان الي فيه وباء منتشر كمثال الطاعون منعوا دخول القريه او الخروج منها ؟؟؟؟

وبعدين احنا نقتدي بالرسول والصحابة ام باليابانين ؟؟؟ الله يهديك العمل مو اهم من اطفالنا لان مناعتهم ضعيفهم فلازم نحافظ على صحتهم والرسول يفاخر بامته بالاخره بين البشر وحث على التكاثر

اخر زمن الكفار قدوتنا ؟؟؟

انا مع التاجييييييييييل لمصلحة كبار السن والاطفال

[m1402]

تصدقون يا انساتي سادتي ان في واحد اعرفه تمام المعرفة راح اخذ عمرة وانا محاسب على هذا الكلام

ولبس كمام من وقت ماطلع من جدة واخذ عمره ورجع أصيب بانفلونزا الخنازير والحمدلله الان هو بصحة جيدة بعد سرعة المبادرة للعلاج

ولكن الشاهد وحتى وهو لابس كمام انتقل له الفيروس من كثر ما تراكم على الكمام اثناء التنفس اخترق الكمام يا ناس ياهوه والله الفيروس جداً خطيرخصوصا عند عدم الاسراع بالعلاج

ووزارة الصحة هذاها الله عندها بطء شديد في توعية الناس

يا وزارتنا العزيزة فيه اختراع اسمه الجوال برساله توعوية باعراض المرض وكيفية تفادية لجوال كل مواطن ومقيم سوف ينشر الوعي عندك ثلاث شركات اتصالات من واجبهم الوطني التعاون الزاميا وارسال الوعي للجوال وما فيه مواطن ومقيم الايام هذه ماعنده جوال حتى الاطفال الصغار عندهم جوال.

شكراً حمانا الله واياكم من كل مكروه وحفظ الله هذا البلد الطاهر من كل مكروه