تجمع طالبات التاريخ

[soo0soo]

ساحبه ع الدنياا

انا من كلام البنااات في اول الصفحاات اللي هون كاتبين عن استاده امل البلادي انها كويسه
بس ياليت البنااات يفيدونااااا ..

[smile3]

حبايب البي متى حيبدء الدوآآم الفعلي


والدراسه مزبوووووووووووووووووووووط...

[جداوية شقية]

المشاركة الأصلية كتبت بواسطة سمو أنثى بنات شو رايكم بهذي المواد دوله عثمانيه.. ومشرق عربي.. وتاريخ مملكه.. ومغرب عربي.. ومنظمات دوليه؟؟؟؟؟؟؟؟

ربي يوفقك يا سمو انثى

دولة عثمانية ماده دسمه بس حلوة ركزي فيها من اول محاضره وما يصير خاطرك الا طيب
بالنسبه لتاريخ المشرق مع دكتورة بلقيس او دكتورة سعدية كلهم اشكر فيهم الصراحة كلهم اسلوبهم اكثر من روعة بس برضو لازم التركيز
تاريخ المغرب مادة جدا جدا جدا سهلة تاخدي فيها 4 دول بس المغرب و الجزائر وليبيا وتونس
تاريخ المملكه الحديث مادة جدا دسمة ويبغالها مذاكره اول بأول عشان ما تضيعي
منظمات دولية مادة عامة ترفع المعدل اذا شديتي حيلك فيها لأنها 3 ساعات الماده سياسية بحته

شدي حيلك

[جداوية شقية]

المشاركة الأصلية كتبت بواسطة nooooosa يب ياليت تفيدونا عن المنضمات الدوليه ووهل لها متطلب ؟؟ انا ضفت مشرق عربي وتاريخ مملكه ويارب تكون سهله

المنظمات الدولية مادة عامة مالها متطلب سابق وزي ما قلت للأخت سمو انثى هيا مادة سياسية بحته

المشرق حلو و تاريخ المملكه دسم وبكل الحالات ركزي وذاكري اول بأول وان شاءالله ربي ما يضيعلك تعب

موفقه

[جداوية شقية]

المشاركة الأصلية كتبت بواسطة nooooosa بنات بليز فيدوني عن استاده عائشه الرفاعي وهل اسىلتها موضوعيه ولا مقاليه وهل تدقق باللبس وقت المحاضره او لا

بالنسبه للأسئله في الدوري الأول و الثاني تعتمد ع المقالي وبالغالب تكلمي
اما النهائي موضوعي

تدقق باللبس ما تحب الألوان الصارخه ولا تحب البلايز الكت يعني خلي معاكي جاكيت لو لابسه كت لمحاضرتها واصلا كدا كدا القاعه بارده يدفيكي الجاكيت

[soska]

بنات مين تعرف دكتوره زينب الحربي

فرق واديان ابغى رايكم فيها ماابغى مع اسماء السويلم

[جداوية شقية]

المشاركة الأصلية كتبت بواسطة soo0soo هآآآي بنوتاااات .. كيفكم وكيف العيد كان معااكم .. بنااااات حابه اسألكم كم سؤال بس ياليت تجاوبوني بصراحه لانوو عن جد احس اني ملخبطه انا نزل جدولي وحايسه فيه ساعدووني بليييييييز اول شي ابغى رائيكم في هادي الموااااد والاستادات ادا كانت صعبه قولولي وايش هيا المواد السهله وكمانه الاستادات ادا كانوو مايساعدووو وشرحهم مو حلو ولا مفهوم او عصبياات قولولي بلييييييييز .. الموااد .. دوله عباسيه و حروب صليبيه و مشرق عربي و حديث وتاريخ المملكه الحديثه و تاريخ الحضاره الاسلاميه و المغرب العربي الحديث والمعاصر .. هادا جدولي ادا المواد تحسوها صعبه وظغط راح تكون عليه اني اخدهم كلهم سوا قولولي اما الاستادات همااا خديجه الغامدي وثريا الغانمي وسعديه افغاني و امل البلادي و بسامه البسااام وبس عارفه طولت عليكم بس ابغى ردكم بصررررررعه وآآخر سؤال اقدر احذف كل المواد وارجع اضيف ع كيف كيفي ولا مااقدر .. وتسلمووو ,,

اول شي المواد مابها شي كل شي يتحدد ع حسب قدرتك انتي واستيعابك للماده
الدولة العباسيه ماده دسمة لأنك بتاخدي فيها العصرين الأول والثاني ودكتورة خديجة اسئلتها جدا سهله
حروب صليبيه أأكدلك انك بتتحمسي لها مع دكتورة ثريا لأن الماده ممتعه جدا ومع دكتورة ثريا تحلى الماده تحسي نفسك مو بالمحاضره تحسي نفسك بوسط العصور الوسطى وسط الحملات نفسها وراح تفهميها معاهـا وتحفظها العمر كلو ما تنسيها لأسلوبها واسئلتها حلوة
مشرق عربي راح تدرسي فيه دول المشرق المهمه في الوقت الحديث قبل انقسام الشام تاخدي العراق ومصر والشام ومع دكتورة سعديه لا تشيلي هم راح تعطيكم اسئله في كل محاضره والاختبار ما يطلع من اسئلتها ومره اسئلتها روعه وبسيطه تركز ع الشخصيات والمواقع و التواريخ اكثر من الاحداث
تاريخ المملكه الحديث ماده دسمة ويبغالها حفظ اول بأول ودكتورة امل البلادي ما درست معاها بس يمدحوها
تاريخ الحضاره الاسلامية ماده سلسة وحلوة ودكتورة بسامه اسلوبها حلو واسئلتها حلوة
تاريخ المغرب اسهل بكثير من تاريخ المشرق يتكلم عن اربعه دولة المغرب وليبيا و تونس والجزائر من بداية العصر الحديث للوقت الحالي والماده حلوة وشدي حيلك

من الاخير اهنيكي ع الدكاتره اللي يدرسووكي بالراحة تنجحي معاهم بس ركزي وشدي حيلك موفقه

بالنسبه انك تحذفي من اول وجديد ما انصحك خلاص الشعب اتملت والدكاتره اللي معاكي ما يتعووضو لا تغيري شي

[جداوية شقية]

المشاركة الأصلية كتبت بواسطة roro-20 بنات كيف مادة السيرة والخلفاء الراشدين سهله تنصحوني اخذها كماده حره وكيف الاستاذه فاطمة محمد سعيد طيبة وتساعد والا شكرا

مادة سيرة وخلفاء ماده حلوة بس دسمة كمادة عامة الا اذا انتي تميلي للتاريخ الاسلامي لهذا العصر بس تقدري تاخدي حروب صليبيه مع دكتورة ثريا احلى واسهل واسئلتها جدا رائعه هذي وجهة نظري

موفقة

[جداوية شقية]

المشاركة الأصلية كتبت بواسطة ساحبهـ ع الدنيا سلآم عليكم كيفكم ع الله بخيييييييييير بنـآـآـآـآت الفزعه لو سمحتووو انا محتاره بين هـآـآـآ الاستاذتين ... واللي عندها خبره ياليت تفيدني بين استاذه نادية بري و استاذه امل البلادي تكفون يابنات التاريخ الفزعه

محتاره فيهم في مادة اييش ؟؟؟؟

بس بكل الحالات انا ما جربت ولا وحده فيهم بس يمدحو امل البلادي في تاريخ المملكة
وانا حاليا منزله تاريخ الولايات المتحده مع دكتورة ناديه وان شاءالله خير

موفقه

[جداوية شقية]

المشاركة الأصلية كتبت بواسطة smile3 حبايب البي متى حيبدء الدوآآم الفعلي والدراسه مزبوووووووووووووووووووووط...

الدوام الفعلي المعتاد من تاني اسبوع