طالبات المستوى الثالث والرابع سابقاً شاركونا خبراتكم

[ذكريات حزينه7]

المشاركة الأصلية كتبت بواسطة إلهام لا يا أختي لا تسمحين للخوف يدخل قلبك ....أنا بصراحة كنت من البداية متفااائلة وألحين أحس إن الوضع عاادي وأنا أقدر أتعدى كل الصعوبات اللي تكون قدامي """توكلي على الله"""

فديت قلبك مشكـــوره ربي يسعدك يالغاليه
كلامك صحيح بس الواحد من كثر مايسمع ويشوف يتخوف شوي بالرغم من إني كنت متحمسه من البدايه ..
يالله الله يكتب لنا التوفيق ويسهل علينا إن شاءالله وأكيد إذا ساعدنا بعض ماراح نتوه والتوكل لله أولآ _ وأشكرك مره ثانيه ياإلهام ..

[laZy birD]

عفوا بنات
شنو هذا ال oral
أول مرة أسمع فيه
أفيدوني أفادكم الله

[ام حمدان]

المشاركة الأصلية كتبت بواسطة reem- قراءه مع أ. نسرين الحربي أو هيفاء الروقي كتابه مع أ. مايا اليافي استماع مع أ. هيفاء الروقي فرنسي مع أ. ثريا قزاز

ريم حبيبتي مشكوره عالافاده والله يجعلها في موازين حسناتك

[ام حمدان]

المشاركة الأصلية كتبت بواسطة إلهام سؤال ثاني ريم :::طيب اش رأيك في الأستاذات <<< lane212 القراءة مع :آلاء المحمدي أو مس هيفاء (الكل يقول هم الأحسن )بس مين أفضل lane213 الكتابة مع سحر نصيف أو أبرار مجددي أو رشا قزاز(دقيقة بس تعيد وتمشي في الكتابه خطوه خطوه) lane211 الاستماع والتحدث مع سهام فطاني(حلو الكورس لكن النهائي جابت كم فقرة موواضحه )أو ايمان محمدي(2ليسيننق) lanf221 فرنسي صالحة القحطاني هااه ايش رأيك أو من عنده خبره ,,,,

انتظر اجابتك على اسئلة الهام لانه فعلاً اغلب الي ذكرتهم يمدحونهم البنات

[ام حمدان]

المشاركة الأصلية كتبت بواسطة إلهام بنات////// كان عندي حب فضول::فتحت الشعب الدراسية اسم الماده::lane السنــــــــة::2009 الفصل ::الفصل الدراسي الأول لقيت """"" في شعب وفي عدد فعلي وفي شعب قفلت ::كيف جايه هذي ؟؟؟؟؟لا تقولوا حقت العام::::مااااني فاااهمة اش السالفة....هههههههه والله حاله طمنونا

ايوة حقت العام احنا شعبنا لو حبيتي تشوفينها
اختاري 2010 الفصل الاول
وبتنزلك 3شعب تقريباً لكل ماده وكلها للآن فاضيه

[ام حمدان]

المشاركة الأصلية كتبت بواسطة my-nana إلهام لوتلاحظي معي ان كل شعبه حاطين لها 60 طالبه وفي كل ماده 3شعب معقوله عدد المنتسبات في هذا القسم بس 180

صحيح عدد المنتسبات غالباً يكون في هذي الحدود وحتى بنات الانتظام تقريباً نفس العدد

[ام حمدان]

المشاركة الأصلية كتبت بواسطة pationate bo0osha نور العمر سامحيني على التأخيرفي الرد شوفي حبيبتي....مس سحر ما أعرفها...لكن حنان جبر أعرفها ونص( حسبي الله عليها) أنا ما أدري إذا شرحها يفرق ما بين الإنتظام والإنتساب ولكن أنا كطالبة إنتساب شرحها بالنسبة لي كان ماشي حاله لا بأس به ولكن في الدرجات أبداااااااااااااا ما عجبتني ! أنا يا عزيزتي في مادة الرايتنج 1 كنت عشان أسهل الموضوع علي كما ذكرت هنا سابقا في تجربتي , انا الحمد لله كنت أعمل قطعة على كل فصل ناخذه يا عزيزتي وماشية ولله الحمد على كل القاااعدات بحذافيرها وفي الإمتحان جانا أكثر من موضوع وأنا كتبت عن حاااجة في قمة الوثوق كنت حاسة نفسي فيها...بصراحة حسيت إنها ظلمتني جدا ( بس أنا الحمد لله عديت ) بس الدرجة ماكانت عاجباني على الآخر الله يسامحها وقعدت فترة من بعد الإختبارات أراسل السكرتارية ونصحوني باني أعمل طلب لمراجعة ورقة الإمتحان وبطريقة رسمية عند بداية السنة هذه !!! يعني إنتي ممكن تضحكي علي إني مهتمة لهذه الدرجة لكن الظلم كان واضح وأنا للأسف ما عندي أي وقت زيادة لمراجعة أوراق إمتحان ولا غيره...وأنا حسيت إني إنظلمت لأنه في المواد الثانية كنت أقول راح أجيب الدرجة الفلانية وفعلا والله أجيب نفس إللي أنا متوقعااااه كأني بأصحح الورقة بنفسي...فـــــ ....إشمعنى حضرتها فرق معاها الموضوع؟!!! الله المستعان...عموما...سامحيني أختي على الإطالة وكلامي بإختصار يقولك يا شيخة روحي عند أي وحدة ثانية غيرها!! بس المشكلة أنا ما عندي أي فكرة عن أي أستاذة رايتنج ثانية ! وأخاف يكون غيرها أخس منها وأنا ما أعرف بس أنا عن نفسي تجربتي معاها م اكانت عاجباني على الآخر !

الله يعينك حبيبتي والله الظلم شين وربي يرجعلك حقك وحق كل وحده انظلمت في درجاتها
وعلى فكره انتي مو اول وحده اشوفها تشتكي من حنان جبر
الله يبعد عننا الظلم ويوفقنا بناس تراعينا وتعطينا حقوقنا مثل ماهي

[ام حمدان]

المشاركة الأصلية كتبت بواسطة pationate bo0osha حبااايبي إشبكم جيبتولي الربشة !!! هاهاهاهاا ... أقصد فيما يخص الجداول والكلام داه!!! دحين سؤاال يطرح نفسه...مو المفروض إحنا نبدأ نسدد حسب ما هو موضح في التقويم الجامعي للإنتساب وإللي ل الآن مو واضح فيه أي تفاصيل مهمة بالنسبة لي!! زي موضوع السداد والكلام داه...مو العادة يكتبوا بداية ونهاية لمواعيد السداد؟ وللى هو الموضوع ( خدني جيتك) كدة كل وحدة تروح على كيفها ؟!!! أرجو التوضيح الله يرضى عليكم!

ههههههه المفروض احنا نسألك حبيبتي بس حسب مافهمت انه بعد التسديد بينزل الجدول وبعده تبدأ حكاية الحذف والاضافه
بس ليه تقلقون انفسكم الموعد بينزل في التقويم بالكثير آخر الاسبوع هذا ويمكن ينزل اليوم او بكره لانه مايتأخر اكثر من كذا
موفقين

[ام حمدان]

المشاركة الأصلية كتبت بواسطة بنت القمر مرحباا صباياا الصراحه الموضوع مهم جدا بس حابه اسألكم الاهتمام بالاستاذات ايش تفرق مع طالبات الانتساب ؟؟ عشان الدورات ؟؟ وهل الحضور اجباري ؟ لاني بصراحه بره جدة والموضع صعب علي شوي!!!

يفرق مع بنات الانتساب والانتظام لانه الاسئلة مو موحده مثل لمن كنا بالتحضيري وعادي تحضرين عند اي استاذه
لا الوضع فالتخصص يختلف لان الي يحطلك الاسئله الاستاذه او الدكتوره الي انتي مسجله عندها
وحضور الدوره مو اجباري بس عشان مصلحتك وعشان تعرفين اسلوب استاذتك وتعرفين كيف ممكن يجي الامتحان وكيف توزيعها للدرجات حاولي تحضرين الدوره وانتي المستفيده
او على الاقل تواصلي مع بنات مسجلين عند نفس استاذتك عشان يوافونك دايماّ بالجديد
موفقه ياعزيزتي

[ام حمدان]

المشاركة الأصلية كتبت بواسطة laZy birD عفوا بنات شنو هذا ال oral أول مرة أسمع فيه أفيدوني أفادكم الله

الي اعرفه oral معناها شفوي
والارجح انه البنات الي افادونا وذكروا هالكلمه قصدهم مادة الاستماع والتحدث لانها الوحيده من مواد هذا الترم الي فيها امتحان شفوي الي هو البرزنتيشن المطلوب من كل طالبه تسويه وتلقيه امام الاستاذه شفوياً طبعاً غير عن انه من اسمها استماع وتحدث
اتمنى اكون افدتك