أي استفسار عن التحويل + التخصصات والمسارات - يضعه هنا

[حسان السراقبي]

المشاركة الأصلية كتبت بواسطة أبوعبااادي الله يعافيك أخوي أنا في جامعة عزوز انتساب موارد بشرية وخلصت 54 ساعة وودي أحول كلية رابغ عشان اختبر في الرياض وارتاح من هم المشوار بس الخوف انه تروح علي نص هالساعات خصوصا ان الخطه مختلفه قدمت معاملة الكترونية اليوم وحبيت اااخذ رأيك. وشكرا لك

والله موضوع التحويل بيعادلو لك المواد المشتركة بين الكليتين

وهذا الموضوع راجع لعمادة القبول والتسجيل

وعلى الأغلب ممكن يروح منك ثلاث أو أربع مواد علشان الخطة الدراسية للكليتين مختلفة في بعض المواد

فانتظر أنت لين يردو عليك

ما ردو عليك فيها لازم تجي جده علشان تسويها

وربك يعين

وعلى فكرة , بدأت الجامعة تسوي اختبار مناطق للكليات الثانية بدأت بتخصص علم النفس والاجتماع لكلية الآداب , فما أعرف إذا قريب سوتها لباقي الكليات

هذا خبر عرفته من قريب

ففكر ايش تبغى تسوي وسويه

وبالتوفيق إن شاء الله ^_^

[أبوعبااادي]

الله يعطيك ألف عافية يارب على سرعة الرد

بانتظر ايش راح يردوا وأبلغك


شكراً لك

[حسان السراقبي]

الله يعافيك

وأنا بانتظارك ^_^

[الجازي E]

السلام عليكم ورحمة الله وبركاتة
بنات ابغى اسالكم ويا ريت تفيدوني .... انا طالبة تحظيري ونفسي احول انتساب وين اتجه !!
وهو من جد ان السعوديات ما يدفعون للانتساب ؟؟؟ ولو هالكلام صح وين ممكن اتجه !!؟؟؟؟

وجزاكم الله الف الف خير

[حسان السراقبي]

المشاركة الأصلية كتبت بواسطة الجازي E السلام عليكم ورحمة الله وبركاتة بنات ابغى اسالكم ويا ريت تفيدوني .... انا طالبة تحظيري ونفسي احول انتساب وين اتجه !! وهو من جد ان السعوديات ما يدفعون للانتساب ؟؟؟ ولو هالكلام صح وين ممكن اتجه !!؟؟؟؟ وجزاكم الله الف الف خير

وعليكم السلام ورحمة الله وبركاته

التحويل بيكون عن طريق إرسال معاملة إلكترونية عن طريق الاوديس

أو أنك تروحي لعمادة القبول والتسجيل وتطلبيها بنفسك من هناك >>في طالبات سوتها

أو أنك تراسلي الدكتور عبد الفتاح المشاط على ايميله (عميد القبول والتسجيل)

asmashat@kau.edu.sa

وعلى كل الاحوال التحويل الان موقف , وما يفتحوه إلا في بداية كل سنة دراسية جديده

أما أن مافي رسوم للسعوديات للانتساب , يالي قلك هذه المعلومات يبغاله تلطيش من 1000 طالبه تدفع رسوم عن كل ترم

هههههههههههههههههههههههههههههههه

بالتوفيق إن شاء الله ^_^